![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/99/Sheth_Hutheesinh_Temple.jpg/640px-Sheth_Hutheesinh_Temple.jpg&w=640&q=50)
అహ్మదాబాద్
గుజరాత్ లోని ఒక నగరం / From Wikipedia, the free encyclopedia
అహ్మదాబాద్ , భారతదేశం, గుజరాత్ రాష్ట్రంలో అత్యధిక జనాభా కలిగిన నగరం.[11] ఇది అహ్మదాబాద్ జిల్లా , పరిపాలనా ప్రధాన కార్యాలయం, గుజరాత్ ఉన్నత న్యాయస్థాన కేంద్రం. 2011 జనాభా లెక్కల ప్రకారం అహ్మదాబాద్ నగర పరిధిలో 55,70,585 మంది ఉన్నారు. 2011 నాటికి ఈ నగరం భారతదేశంలో ఐదవ-అత్యధిక జనాభా కలిగిన నగరంగా గుర్తింపు పొందింది.[12] పట్టణ సముదాయ జనాభాతో కలుపుకుని 63,57,693గా అంచనా వేయబడిన ఈ నగరం భారతదేశంలో ఏడవ-అత్యధిక జనాభా కలిగిన నగరంగా గుర్తింపు పొందింది. అహ్మదాబాద్ నగరం సబర్మతి నది ఒడ్డున ఉంది.[13] గుజరాత్ రాజధాని గాంధీనగర్ నుండి 25 కి.మీ. (16 మై.) దూరంలోఉంది.[14] అహ్మదాబాద్, గాంధీనగర్ రెండిటిని జంట నగరాలుగా పరిగణిస్తారు. [15]
Ahmedabad
Karnavati, Ashaval | |
---|---|
Metropolis | |
Amdavad | |
Clockwise from top: High Rises on SG Highway, Atal Pedestrian Bridge, Sabarmati Riverfront, Narendra Modi Stadium, Ahmedabad BRTS Station, Ahmedabad Aerial View, Hutheesing Temple. | |
Coat of arms of Ahmedabad Coat of arms | |
Nickname: Heritage City of India | |
Lua error in మాడ్యూల్:Location_map at line 526: Unable to find the specified location map definition: "Module:Location map/data/India Ahmedabad" does not exist. | |
Coordinates: 23.03°N 72.58°E / 23.03; 72.58 | |
దేశం | ![]() |
State | గుజరాత్ |
District | Ahmedabad |
Establishment | 11th Century as Ashaval |
Founded by | King Asha Bhil |
Named for | Ahmad Shah I |
Government | |
• Type | Mayor–Council |
• Body | Amdavad Municipal Corporation |
• Mayor | Kirit Parmar (BJP) |
• Deputy Mayor | Gita Patel (BJP)[1] |
• Municipal commissioner | M. Thennarasan[2] |
• Police commissioner | Sanjay Shrivastav IPS[3] |
విస్తీర్ణం | |
• Total | 1,866 కి.మీ2 (720 చ. మై) |
• Rank | 8th in India (1st in Gujarat State) |
Elevation | 53 మీ (174 అ.) |
జనాభా (2023)[6] | |
• Total | Est 86,50,605 |
• Rank | 5th |
Demonym(s) | Amdavadi, Ahmedabadi |
Language | |
• అధికార | Gujarati |
• Additional official | English |
Time zone | UTC+5:30 (భా.ప్రా.కా) |
Pincode(s) | 380 0XX |
ప్రాంతపు కోడ్ | 079 |
Vehicle registration | GJ-01 (west), GJ-27 (East), GJ-38 Bavla (Rural)[7] |
HDI (2016) | 0.867[8] |
Sex ratio | 1.11[9] ♂/♀ |
Literacy rate | 85.3%[10] |
UNESCO World Heritage Site | |
Criteria | Cultural: (ii), (v) |
సూచనలు | 1551 |
శాసనం | 2017 (41st సెషన్ ) |
ప్రాంతం | 535.7 హె. (2.068 చ. మై.) |
Buffer zone | 395 హె. (1.53 చ. మై.) |
భారతదేశంలో ఒక ముఖ్యమైన ఆర్థిక, పారిశ్రామిక కేంద్రంగా అహ్మదాబాద్ ఉద్భవించింది. భారతదేశంలో రెండవ అతిపెద్ద పత్తి ఉత్పత్తిదారు నగరం. అందువలన దీనిని కాన్పూర్తో పాటు ' మాంచెస్టర్ ఆఫ్ ఇండియా' అని పిలుస్తారు. అహ్మదాబాద్ స్టాక్ ఎక్స్ఛేంజ్ (ఇది 2018లో మూసివేయటానికి ముందు) దేశంలో రెండవ పురాతనమైంది. క్రికెట్ ఒక ప్రసిద్ధ క్రీడగా ఆడతారు. నరేంద్ర మోడీ స్టేడియం (గతంలో మోటెరా స్టేడియం) అని పిలువబడే కొత్తగా నిర్మించిన స్టేడియం 1,32,000 మంది ప్రేక్షకులకు వసతి కల్పిస్తుంది.[16] ఇది ప్రపంచంలోనే అతిపెద్ద స్టేడియం. ప్రపంచ స్థాయిలో నిర్మిస్తున్న ఎన్ సర్దార్ వల్లభాయ్ పటేల్ స్పోర్ట్స్ ఎన్క్లేవ్ ప్రస్తుతం నిర్మాణంలో ఉంది.అది పూర్తయిన తర్వాత, ఈ నగరం భారతదేశంలోని అతిపెద్ద క్రీడా కేంద్రాలలో (స్పోర్ట్స్ సిటీ) ఒకటి అవుతుంది. భారత ఆర్థిక వ్యవస్థ సరళీకరణ ప్రభావాలు వాణిజ్యం, సమాచార, నిర్మాణరంగం వంటి తృతీయ రంగ కార్యకలాపాలు నగర ఆర్థిక వ్యవస్థను బలపర్చాయి.[17] అహ్మదాబాద్ పెరుగుతున్న జనాభా ఫలితంగా నిర్మాణాలు, గృహ పరిశ్రమలు పెరిగాయి. దాని ఫలితంగా ఆకాశహర్మ్యాలు అభివృద్ధి చెందాయి.[18]
ఫోర్బ్స్ అనే ఒక అమెరికన్ వ్యాపార పత్రిక విశ్లేషణ నివేదిక 2010 ప్రకారం ' దశాబ్దంలో అత్యంత వేగంగా అభివృద్ధి చెందుతున్న నగరాల జాబితాలో అహ్మదాబాద్ మూడవ స్థానంలో నిలిచింది.[19] 2012లో టైమ్స్ ఆఫ్ ఇండియా భారతదేశంలో నివసించడానికి ఉత్తమ నగరంగా ఎంపిక చేసింది .[20] అహ్మదాబాద్ మెట్రో స్థూల దేశీయ ఉత్పత్తి 2020లో $80 బిలియన్లుగా అంచనావేయబడింది [21][22] 2020 ఈజ్ ఆఫ్ లివింగ్ సూచిక ప్రకారం భారతదేశంలో నివసించడానికి అహ్మదాబాద్ మూడవ ఉత్తమ నగరంగాఎంపిక చేసింది.[23] 2022 జులైలో, టైమ్ మ్యాగజైన్ ప్రపంచంలోని 50 గొప్ప ప్రదేశాల జాబితాలో అహ్మదాబాద్ను చేర్చింది [24]
భారత ప్రభుత్వ ' అత్యున్నత నగరాల లక్ష్యం ఫథకం కింద స్మార్ట్ సిటీగా అభివృద్ధి చేయనున్న వంద భారతీయ నగరాల్లో అహ్మదాబాద్ ఒకటిగా ఎంపికైంది.[25] 2017 జులైలో చారిత్రాత్మక నగరం అహ్మదాబాద్, యునెస్కో ప్రపంచ వారసత్వ నగరంగా ప్రకటించింది.[26]
"అహ్మదాబాద్" అనే పేరు సా.శ. 1411 లో నగరాన్ని స్థాపించిన సుల్తాన్ అహ్మద్ షా పేరు నుండి వచ్చింది.నగరం అసలు పేరు "అశావల్", ఇది ఆసమయంలో సబర్మతి నది ఒడ్డున ఉన్న ఒక చిన్న స్థావరం.[27] స్థానిక ఇతిహాసాల ప్రకారం, సుల్తాన్ అహ్మద్ షా వేట యాత్రలో ఉండగా, అతను తన వేటకుక్కలను తిప్పికొట్టడానికి ధైర్యంగా ఉన్న కుందేలును చూశాడు. కుందేలు ధైర్యానికి ప్రభావితుడైన సుల్తాన్ అహ్మద్ షా అక్కడికక్కడే ఒక కొత్తనగరాన్ని నిర్మించాలని నిర్ణయించుకున్నాడు. దానికి "అహ్మదాబాద్" అని పేరు పెట్టాడు.[28]
సంవత్సరాలు గడిచేకొద్దీ, అహ్మదాబాద్ సంపన్న నగరంగా అభివృద్ధి చెందింది, ఇది వాణిజ్యానికి ముఖ్యమైన కేంద్రం. నేడు ఇది భారతదేశంలోని అతిపెద్ద నగరాలలో ఒకటి. దాని స్మారక చిహ్నాలు, మ్యూజియాలు, పండుగలతో సహా గొప్ప సాంస్కృతిక వారసత్వానికి ప్రసిద్ధి చెందింది.[29]