பாக்கித்தானியத் துடுப்பாட்டக்காரர் From Wikipedia, the free encyclopedia
வக்கார் யூனிசு மைட்லா ('Waqar Younis Maitla உருது: وقار یونس, பிறப்பு: நவம்பர் 16, 1971), பாக்கித்தான் துடுப்பாட்ட அணியின் முன்னாள் வீரர் மற்றும் தேர்வுத் துடுப்பாட்டம்,ஒருநாள் பன்னாட்டுத் துடுப்பாட்டங்களில் தலைவராக இருந்தவர் ஆவார். வலது கை விரைவு வீச்சாளர். அனைத்துக் காலத்திற்குமான சிறந்த பந்து வீச்சாளர்களில் ஒருவராக அறியப்படுகிறார்.[1][2] மேலும் பாக்கித்தான் துடுப்பாட்ட அணியின் முன்னாள் தலைமைப் பயிற்சியாளரும் ஆவார்[3]. 2018 இந்தியன் பிரீமியர் லீக் போட்டிகளில் கொல்கத்தா நைட் ரைடர்ஸ் அணியின் விரைவு வீச்சு பயிற்சியாளராகப் பணியாற்றி வருகிறார்.
 | ||||||||||||||||||||||||||||||||||||||||||||||||||||||||||||||||||
| தனிப்பட்ட தகவல்கள் | ||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| முழுப்பெயர் | வக்கார் யூனிசு | |||||||||||||||||||||||||||||||||||||||||||||||||||||||||||||||||
| உயரம் | 1.82 m (6 அடி 0 அங்) | |||||||||||||||||||||||||||||||||||||||||||||||||||||||||||||||||
| மட்டையாட்ட நடை | வலதுகை | |||||||||||||||||||||||||||||||||||||||||||||||||||||||||||||||||
| பந்துவீச்சு நடை | வலதுகை வேகம் | |||||||||||||||||||||||||||||||||||||||||||||||||||||||||||||||||
| பங்கு | பந்து வீச்சுசாளர், பாக்கிஸ்தான் பயிற்றுனர் | |||||||||||||||||||||||||||||||||||||||||||||||||||||||||||||||||
| பன்னாட்டுத் தரவுகள் | ||||||||||||||||||||||||||||||||||||||||||||||||||||||||||||||||||
| நாட்டு அணி | ||||||||||||||||||||||||||||||||||||||||||||||||||||||||||||||||||
| தேர்வு அறிமுகம் (தொப்பி 111) | நவம்பர் 15 1989 எ. இந்தியா | |||||||||||||||||||||||||||||||||||||||||||||||||||||||||||||||||
| கடைசித் தேர்வு | சனவரி 2 2003 எ. தென்னாபிரிக்கா | |||||||||||||||||||||||||||||||||||||||||||||||||||||||||||||||||
| ஒநாப அறிமுகம் (தொப்பி 71) | அக்டோபர் 14 1989 எ. மேற்கிந்தியத் தீவுகள் | |||||||||||||||||||||||||||||||||||||||||||||||||||||||||||||||||
| கடைசி ஒநாப | மார்ச்சு 4 2003 எ. சிம்பாப்வே | |||||||||||||||||||||||||||||||||||||||||||||||||||||||||||||||||
| ஒநாப சட்டை எண் | 99 | |||||||||||||||||||||||||||||||||||||||||||||||||||||||||||||||||
| வாழ்நாள் புள்ளிவிவரங்கள் | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
மூலம்: கிரிக்கெட் ஆக்கைவ், செப்டம்பர் 3 2010 | ||||||||||||||||||||||||||||||||||||||||||||||||||||||||||||||||||
2012 ஆம் ஆண்டில் தேர்வுத் துடுப்பாட்டப் போட்டிகளின் தலைவரானார். அப்போது இவருக்கு வயது 22 ஆண்டுகள் 15 நாள்களாகும்.[4] இதன்மூலம் மிகக் குறைந்த வயதில் பாக்கித்தான் துடுப்பாட்ட அணியின் , தேர்வுத் துடுப்பாட்டத் தலைவர் எனும் சாதனையையும் , சர்வதேச அளவில் மூன்றாவது இடத்தையும் பிடித்தார். 1989- 2003 ஆண்டுகளுக்கிடையே இவர் மொத்தமாக 87 தேர்வுத் துடுப்பாட்டங்களிலும், 262 ஒருநாள் பன்னாட்டுத் துடுப்பாட்டப் போட்டிகளிலும் பாக்கித்தான் அணிக்காக சர்வதேச போட்டிகளில் விளையாடியுள்ளார்.[5]
இவர் பின் ஊசலாடும் பந்துகளை விரைவாக வீசுவதின் மூலம் பரவலாக அறியப்படுகிறார். தேர்வுத் துடுப்பாட்டப் போட்டிகளில் 373 இலக்குகளும், ஒருநாள் பன்னாட்டுத் துடுப்பாட்டப் போட்டிகளில் 416 இலக்குகளையும் வீழ்த்தினார்.[6] இவர் வசீம் அக்ரம் போன்ற பந்துவீச்சாளர்களுடன் இணைந்து பந்துவீசினார்.[7] இவர்களின் காலத்தில் சிறந்த பந்துவீச்சு வீரர்களைக் கொண்ட அணியாக பாக்கித்தான் அணி இருந்தது.[7] 350 போட்டிகளுக்கு மேல் விளையாடியவர்களுள் டேல் ஸ்டெய்னிற்கு அடித்த படியாக சிறந்த ஸ்டிரைக் ரேட் வைத்துள்ளார்.[8]ஒருநாள் பன்னாட்டுத் துடுப்பாட்டப் போட்டிகளில் மிகக் குறைநத வயதில் 400 இலக்குகளை வீழ்த்தியவர் எனும் சாதனையைப் படைத்தார்.[9]
2006 முதல் 2007 ஆம் ஆண்டு வரை தலைமைப் பந்துவீச்சு பயிற்சியாளராக பனிபுரிந்தார்[10]. மார்ச் 3, 2010 ஆம் ஆண்டில் பாக்கித்தான் துடுப்பாட்ட அணியின் தலைமைப் பயிற்சியாளராக நியமிக்கப்பட்டார்.[11][12] சில சொந்த காரணங்களுக்காக ஆகஸ்டு 19, 2011 இல் அந்தப் பொறுப்பிலிருந்து விலகினார்.[13][14] 2013 இந்தியன் பிரீமியர் லீக் தொடரில் சன்ரைசர்ஸ் ஐதராபாத் அணியின் பந்துவீச்சு பயிற்சியாளராக நியமனம் செய்யப்பட்டார்.[15]
பாகிஸ்தானில் பஞ்சாபி ஜாட் முஸ்லீம் குடும்பத்தில் பஞ்சாபின் வேஹாரியில் யூனிஸ் பிறந்தார். பாகிஸ்தானின் பஹவல்பூரில் உள்ள சாதிக் பொதுப் பள்ளி, ஷார்ஜாவில் உள்ள பாகிஸ்தான் கல்லூரி ( பாகிஸ்தான் இஸ்லாமியா மேல்நிலைப்பள்ளி ) மற்றும் வேஹாரியில் உள்ள அரசு கல்லூரி ஆகியவற்றில் கல்வி பயின்றார். அவர் ஐக்கிய அரபு எமிரேட்ஸில் உள்ள ஷார்ஜாவில் வளர்ந்தார், அங்கு அவரது தந்தை ஒப்பந்த தொழிலாளியாகப் பணிபுரிந்தார். அவர் பாகிஸ்தானுக்குத் திரும்பி தனது இளமை பருவத்தில் அங்கு துடுப்பாட்டம் விளையாடத் தொடங்கினார். பாகிஸ்தான்- ஆஸ்திரேலியரான மருத்துவர் ஃபரியால் வக்கார் யூனிஸை மணந்தார். [16] இவர்களுக்கு ஒரு மகன் அஸான் வக்கார் மற்றும் மகள்கள் மரியம் மற்றும் மைரா வகர் ஆகியோர் உள்ளனர், தற்போது இவர்கள் ஆஸ்திரேலியாவின் கெல்லிவில்லில் வசிக்கிறார்கள். [17] ஆஸ்திரேலியாவில் உள்ள நைன் நெட்வொர்க்கிற்கும், ஐக்கிய அரபு எமிரேட்ஸில் டென் ஸ்போர்ட்ஸ் தொலைக்காட்சிகளுக்கும் விளையாட்டு வர்ணனையாளராக யூனிஸ் பணியாற்றியுள்ளார்.
பாகிஸ்தான்- ஆஸ்திரேலியரான மருத்துவர் ஃபரியால் வக்கார் யூனிஸை மணந்தார். [18] இவர்களுக்கு ஒரு மகன் அஸான் வக்கார் மற்றும் மகள்கள் மரியம் மற்றும் மைரா வகர் ஆகியோர் உள்ளனர், தற்போது இவர்கள் ஆஸ்திரேலியாவின் கெல்லிவில்லில் வசிக்கிறார்கள். [19] ஆஸ்திரேலியாவில் உள்ள நைன் நெட்வொர்க்கிற்கும், ஐக்கிய அரபு எமிரேட்ஸில் டென் ஸ்போர்ட்ஸ் தொலைக்காட்சிகளுக்கும் விளையாட்டு வர்ணனையாளராக யூனிஸ் பணியாற்றியுள்ளார்.
நவம்பர் 16, 1989 ஆம் ஆண்டில் இந்தியத் துடுப்பாட்ட அணிக்கு எதிரான போட்டித் தொடரில் இவர் அறிமுகமானார். இதே போட்டியில் தான் சச்சின் டெண்டுல்கர் அறிமுகமானார். இந்தப் போட்டியில் சச்சின் டெண்டுல்கர், கபில்தேவ் உள்ளிட்ட 4 இலக்குகளை வீழ்த்தினார்.[20] இந்தப் பந்துவீச்சின் மூலம் பாக்கித்தான் ஊடகங்கள் இவரை விக்கி எனவும் பியூர்வால எக்ஸ்பிரஸ் எனவும் அழைத்தனர்.[21] இவர் பெரும்பாலும் வசீம் அக்ரமுடன் இனைந்து துவக்க ஓவர்கள் வீசினர். இவர்களின் காலத்தில் மிக அச்சுறுத்தலான பந்துவீச்சு இணையாக இவர்கள் கருதப்பட்டார்கள்.[22] 1994 ஆம் ஆண்டில் நியூசிலாந்து துடுப்பாட்ட அணிக்கு எதிரான ஒருநாள் பன்னாட்டுத் துடுப்பாட்டப் போட்டியில் ஹேட்ரிக் இலக்குகளை வீழ்த்தினார்.[23] பாக்கித்தான் துடுப்பாட்ட அணியின் தலைவராக இருந்த வசீம் அக்ரமுடன் ஏற்பட்ட பிரச்சினைகள் மற்றும் சில குற்றச்சாட்டுகளினாலும் 2000 ஆம் ஆண்டின் துவக்கத்தில் அணியில் இவருக்கு இடம் கிடைக்கவில்லை.[24][25]
துடுப்பாட்ட வாழ்க்கைக்குத் திரும்பிய பிறகு இவர் பாகிஸ்தானின் தலைவராக நியமிக்கப்பட்டார் [26] இருப்பினும், அவர் பந்தை சேதப்படுத்திய குற்றச்சாட்டுகளையும் பல சர்ச்சைகளையும் சமாளிக்க வேண்டியிருந்தது. ஜூலை 2000 இல், வக்கார் பந்தை சேதப்படுத்தியதற்காக ஒரு சர்வதேச போட்டியில் விளையாட தடை விதிக்கப்பட்டார் மற்றும் அவரது போட்டிக் கட்டணத்தில் 50% அபராதம் விதிக்கப்பட்டது.[27] இதுபோன்ற சம்பவத்திற்காக ஒரு போட்டியில் விளையாட தடை விதிக்கப்பட்ட முதல் துடுப்பாட்ட வீரர் இவர் ஆவார். 2003 உலகக் கோப்பை போட்டிகளின் போது அவர் மேலும் சர்ச்சையில் சிக்கினார். ஆஸ்திரேலியாவுக்கு எதிரான தொடக்க ஆட்டத்தில், ஆண்ட்ரூ சைமண்ட்ஸில் ஒரு பீமரை வீசிய பின்னர் வக்கார் அந்தப் போட்டியில் இருந்து நீக்கப்பட்டார், சர்வதேச போட்டியின் போது இவ்வாறு தண்டிக்கப்பட்ட முதல் பந்து வீச்சாளர் ஆனார். [28] ஏறக்குறைய 15 ஆண்டுகால வாழ்க்கைக்குப் பிறகு, வக்கர் கிரிக்கெட்டில் இருந்து ஓய்வு பெறுவதாக ஏப்ரல் 2004 இல் அறிவித்தார். மார்ச் 2006 இல், அவர் பாகிஸ்தானின் பந்துவீச்சு பயிற்சியாளராக நியமிக்கப்பட்டார். [29] பாகிஸ்தான் கிரிக்கெட் வாரியம் தென்னாப்பிரிக்காவுக்கு எதிரான தேர்வுத் தொடருக்காக மட்டுமே தக்கவைத்துக் கொள்ள முடிவு செய்ததற்கு எதிர்ப்புத் தெரிவித்து 2007 ஜனவரி 6 ஆம் தேதி அவர் இந்த பதவியில் இருந்து விலகினார், [30] [31] பந்துவீச்சு பயிற்சியாளர் பதவிக்கு இவருக்குப் பதிலாக தலைவர் இன்சமாம்-உல்-ஹக் முஷ்டாக் அகமதுவுடன் பணியாற்ற விரும்பியதாக அவர் குற்றம் சாட்டினார். [32] டிசம்பர் 2009 இல் ஆஸ்திரேலியா சுற்றுப்பயணத்திற்காக பாகிஸ்தானின் பந்துவீச்சு மற்றும் களத் தடுப்புப் பயிற்சியாளராக அவர் மீண்டும் நியமிக்கப்பட்டார். [33] பிப்ரவரி 2010 இல் அந்த ஆண்டின் தொடக்கத்தில் ஆஸ்திரேலியா சுற்றுப்பயணத்தின் போது தேசிய அணியின் செயல்திறன் குறைவாக இருந்ததால், இன்டிகாப் ஆலம் பயிற்சியாளராக நீக்கப்பட்ட பின்னர் யூனிஸ் பாகிஸ்தானின் தலைமை பயிற்சியாளராக நியமிக்கப்பட்டார். 9 டிசம்பர் 2013 ஐசிசி ஹால் ஆஃப் ஃபேமில் யூனிஸ் சேர்க்கப்பட்டார். ஹால் ஆஃப் ஃபேமில் 70 ஆவது ஆண் வீரரானார். தோழர் ஹனிஃப் முகமது மற்றும் அவரது முன்னாள் அணி வீரர்களான இம்ரான் கான், ஜாவேத் மியாண்டாத் மற்றும் வாசிம் அக்ரம் ஆகியோருடன் இணைந்தார். இதனைப் பற்றி இவர் கூறும்போது: "இது எனக்கு ஒரு பெரிய மரியாதை, அத்தகைய மரியாதைக்கு என்னை தகுதியானவர் என்று கருதிய மக்களுக்கு நான் உண்மையிலேயே நன்றியுள்ளவனாக இருக்கிறேன்." எனத் தெரிவித்தார். [2] [34] [35] [36]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
