மணாலி, இமாச்சலப் பிரதேசம்
From Wikipedia, the free encyclopedia
மணாலி என்பது இந்தியாவின் இமாச்சலப் பிரதேசத்தின், குல்லு மாவட்டத்தில், குல்லு நகருக்கு அருகில் உள்ள ஒரு நகரம் ஆகும். இது பியாஸ் ஆற்றால் உருவான குல்லு பள்ளத்தாக்கின் வடக்கு முனையில் அமைந்துள்ளது. இந்த நகரம் குல்லு மாவட்டத்தில் மாநில தலைநகரான சிம்லாவிற்கு வடக்கே சுமார் 270 கிலோமீட்டர் (170 மைல்) தொலைவிலும், தேசிய தலைநகரான புது தில்லியிலிருந்து வடகிழக்கே 544 கிலோமீட்டர் (338 மைல்) தொலைவிலும் அமைந்துள்ளது. 2011 ஆம் ஆண்டு இந்திய மக்கள் தொகைக் கணக்கெடுப்பின்படி மணாலியின் மக்கள் தொகை 8,096 ஆகும். இது லாஹெல் மற்றும் லடாக் வழியாக, காரகோரம் கணவாய் வழியாகவும், சீனாவின் தாரிம் வடிநிலத்தில் உள்ள யார்கண்ட் மற்றும் கோத்தன் வழியாகவும் சென்ற ஒரு பண்டைய வணிகப் பாதையின் தொடக்கமாக இருந்தது. மணாலி இந்தியாவில் உள்ள ஒரு பிரபலமான சுற்றுலாத் தலமாகும். மேலும் இது லாஹவுல் மற்றும் ஸ்பிட்டி மாவட்டத்திற்கும், லடாக்கில் உள்ள லே நகரத்திற்கும் நுழைவாயிலாக விளங்குகிறது.
மணாலி | |
---|---|
ஆள்கூறுகள்: 32.243177°N 77.189246°E / 32.243177; 77.189246 | |
நாடு | இந்தியா |
மாநிலம் | இமாச்சலப் பிரதேசம் |
மாவட்டம் | குல்லு |
பெயர்ச்சூட்டு | மனுதரும சாத்திரம் |
ஏற்றம் | 2,050 m (6,730 ft) |
மக்கள்தொகை (2011) | |
• மொத்தம் | 8,096[1] |
• தரவரிசை | 22 (மாநிலம்) |
மொழிகள் | |
• அதிகாரப்பூர்வமாக | இந்தி, பஹாடி |
நேர வலயம் | ஒசநே+5:30 (இந்திய சீர் நேரம்) |
அஞ்சல் குறியீட்டு எண் | 175131 |
தொலைபேசி குறியீடு | +911902 |
வாகனப் பதிவு | HP-58 |