போடோ ஒப்பந்தம் (Bodo Accord) இந்தியாவின் அசாம் மாநிலத்தில் உள்ள போடோலாந்து போராட்ட அமைப்புகள், இந்திய அரசு மற்றும் அசாம் மாநில அரசுகளுக்கு இடையே 27 சனவரி 2020 அன்று செய்து கொள்ளப்பட மூன்றாவது ஒப்பந்தம் ஆகும்.[1] [2] இந்திய அரசின் உள்துறை அமைச்சர் அமித் சா முன்னிலையில், அசாம் மாநில முதலமைச்சர் சர்பானந்த சோனாவால் மற்றும் போடோலாந்து போராட்டக் குழு தலைவர்கள் இந்த அமைதி ஒப்பந்தத்தில் கையொப்பமிட்டனர். இந்த ஒப்பந்தத்தால் கடந்த 27 ஆண்டுகளாக ஆயுதம் ஏந்திய போடோ பழங்குடி மக்கள் தனி போடோலாந்து மாநிலக் கொள்கையை கைவிட்டு, தேசிய நீரோட்டத்துடன் இணைந்தனர். மேலும் இந்த ஒப்பந்தம் மூலம் போடோ மக்களுக்கு சிறப்பு அரசியல், பொருளாதார உரிமைகள் வழங்கப்பட்டுள்ளது. இந்த வரலாற்று முக்கியத்தவம் வாய்ந்த ஒப்பந்தத்தை கொண்டாடுவதற்கு 7 பிப்ரவரி 2020-இல் கோக்ரஜார் நகரத்தில் இந்தியப் பிரதமர் நரேந்திர மோடி தலைமையில் விழா நடைபெற்றது.[3][4]இந்த விழாவின் போது போடோலாந்தின் வளர்ச்சிக்கு இந்திய அரசு ரூ 1500 கோடி வழகியங்து.
- சில அரசியல் அதிகாரங்களுடன் கூடிய போடோலாந்து தன்னாட்சிக் குழு நிறுவுவதற்கு அனைத்து போடோ மாணவர் ஒன்றியமும், இந்திய அரசும் 1993-இல் முதல் ஒப்பந்தம் செய்யப்பட்டது.
- இரண்டாவது போடோ ஒப்பந்தம் 2003-இல் இந்திய அரசுக்கும், ஆயுதம் தாங்கிய போடோ விடுதலைப்புலிகள் இயக்கத்திற்கும் இடையே செய்து கொள்ளபட்டது.
- இரண்டாவது ஒப்பந்தப்படி அசாம் மாநிலத்தின் கோக்ராஜார் மாவட்டம், சிராங் மாவட்டம், உதல்குரி மாவட்டம் மற்றும் பாக்சா மாவட்டங்கள் கொண்ட போடாலாந்து பிரதேசக் குழு நிறுவப்பட்டது.[5]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
