![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/The_Piraeus_and_the_Long_Walls_of_Athens.jpg/640px-The_Piraeus_and_the_Long_Walls_of_Athens.jpg&w=640&q=50)
நீண்ட மதில்கள்
பண்டைய ஏதென்சு நகரைச் சூழ்ந்திருந்த மதில் சுவர் / From Wikipedia, the free encyclopedia
பண்டைய கிரேக்கத்தில் பல இடங்களில் குறிப்பாக கொரிந்து, மெகாரா போன்ற நகரங்களில் நீண்ட மதில் சுவர்கள் கட்டப்பட்டிருந்தாலும்,[1] நீண்ட சுவர்கள் (Long Walls, பண்டைக் கிரேக்கம்: Μακρὰ Τείχη ) என்பது பொதுவாக ஏதென்சின் முதன்மை நகரத்தையும் அதன் பிரேயஸ் மற்றும் பலேரம் துறைமுகங்களையும் இணைக்கும் வகையில் கட்டப்பட்ட சுவர்களைக் குறிப்பதாக உள்ளது.
![Thumb image](http://upload.wikimedia.org/wikipedia/commons/thumb/d/d9/The_Piraeus_and_the_Long_Walls_of_Athens.jpg/640px-The_Piraeus_and_the_Long_Walls_of_Athens.jpg)
இது பல கட்டங்களில் கட்டப்பட்டது. போரின்போது நடக்கும் முற்றுகையின் போது கூட கடலுடன் பாதுகாப்பான இணைப்பைக் கொடுத்தது. இந்த மதில்கள் சுமார் 6 கிலோமீட்டர் நீண்டிருந்தன.[2] இவை முதலில் கிமு 5 ஆம் நூற்றாண்டின் நடுப்பகுதியில் கட்டப்பட்டன. மேலும் பெலோபொன்னேசியப் போரில் ஏதென்சின் தோல்விக்குப் பிறகு கிமு 403 இல் எசுபார்த்தன்களால் அழிக்கப்பட்டன. கிமு 395-391 இல் கொரிந்தியப் போரின் போது பாரசீகத்தின் ஆதரவுடன் இவை மீண்டும் கட்டப்பட்டன.
நீண்ட சுவர்களானது ஏதெனியன் இராணுவ உத்தியின் ஒரு முக்கிய அங்கமாக இருந்தன. ஏனெனில் அவை நகரத்திற்கு கடலுடனான இணைப்பை தொடர்ந்து பாதுகாத்தன. மேலும் நிலத்தில் மட்டுமே நடத்தப்பட்ட முற்றுகைகளை முறியடித்தன.