சேப்பாக்கம்
சென்னையிலுள்ள ஒரு புறநகர்ப் பகுதி / From Wikipedia, the free encyclopedia
சேப்பாக்கம் (ஆங்கிலம்: Chepauk), இந்தியாவின், தமிழ்நாட்டின், சென்னையின் புறநகர்ப் பகுதிகளுள் ஒன்றாகும். இது வங்காள விரிகுடா கடலை ஒட்டி அமைந்துள்ளது. சேப்பாக்கம் என்ற பெயர் எம். ஏ. சிதம்பரம் சர்வதேச துடுப்பாட்ட அரங்கத்தை குறிக்க பிரபலமாக பயன்படுத்தப்படுகிறது, இது சேப்பாக்கம் அரங்கம் என்றும் அழைக்கப்படுகிறது. இந்த துடுப்பாட்ட அரங்கத்தில், உள்நாட்டு மற்றும் சர்வதேச போட்டிகள் நடத்தப்படுகிறது. இங்குள்ள கலச மஹால், இந்தோ சரசனிக் பாணியில் கட்டப்பட்ட ஒரு பழமையான அரண்மனையாகும்.
சேப்பாக்கம் | |
---|---|
ஆள்கூறுகள்: 13.0617°N 80.2804°E / 13.0617; 80.2804 | |
நாடு | இந்தியா |
மாநிலம் | தமிழ்நாடு |
மாவட்டம் | சென்னை |
புறநகர் | சென்னை |
அரசு | |
• நிர்வாகம் | சென்னை மாநகராட்சி |
• ஆளுநர் | ஆர். என். ரவி[1] |
• முதலமைச்சர் | மு. க. ஸ்டாலின்[2] |
• மாவட்ட ஆட்சியர் | மருத்துவர். ஜெ. விஜய ராணி, இ. ஆ. ப |
மொழிகள் | |
• அலுவல் | தமிழ் |
நேர வலயம் | ஒசநே+5:30 (இசீநே) |
அஞ்சல் குறியீட்டு எண் | 600005 |
மக்களவைத் தொகுதி | மத்திய சென்னை |
சட்டமன்றத் தொகுதி | சேப்பாக்கம்-திருவல்லிக்கேணி |
திட்டமிடல் முகமை | சென்னைப் பெருநகர் வளர்ச்சிக் குழுமம் |
இணையதளம் | www |
"சேப்பாக்" என்ற பெயர் "ஆறு தோட்டங்கள்" என்று பொருள்படும், "சே பாக்" என்ற உருது வார்த்தையிலிருந்து பெறப்பட்டிருக்கலாம் என்று நம்பப்படுகிறது. சேப்பாக்கத்தின் அஞ்சல் குறியீட்டு எண் 600005 ஆகும். சேப்பாக்கத்தின் முக்கிய சாலைகள் பெல்ஸ் சாலை, வாலாஜா சாலை மற்றும் அருகிலுள்ள திருவல்லிக்கேணியில், அண்ணா சாலை செல்கிறது.