![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7f/Zealandia_topography.jpg/640px-Zealandia_topography.jpg&w=640&q=50)
சீலாந்தியா
கண்டம் / From Wikipedia, the free encyclopedia
சீலாந்தியா (Zealandia, /ziːˈlændiə/, மாவோரி: Te Riu-a-Māui,[2] தாசுமான்டிசு (Tasmantis) அல்லது நியூசிலாந்து கண்டம் எனப்படுவது பெரும்பாலும் மூழ்கியுள்ள கண்டப்பகுதியாகும். இது அந்தாட்டிக்காவிலிருந்து 85 முதல் 130 மில்லியன் ஆண்டுகளுக்கு முன்னரும் தொடர்ந்து ஆத்திரேலியாவிலிருந்து 60–85 மில்லியன் ஆண்டுகளுக்கு முன்னரும் பிரிந்து நீரில் அமிழ்ந்த கண்டப்பகுதியாகும்.[3] இது 23 மில்லியன் ஆண்டுகளுக்கு முன்னர் முழுமையாக மூழ்கியிருந்திருக்கலாம்;[4][5] இன்றும் பெருமளவு (93%) அமைதிப் பெருங்கடலில் அமிழ்ந்துள்ளது.[6]சதாம் தீவுகளுக்கு தெற்கேயுள்ள போல்லோன் கடல்மலை சிலாந்தியாவுடன் எவ்வளவு வலிவாகப் பிணைக்கப்பட்டுள்ளது என்பது தெரியவில்லை.
![Thumb image](http://upload.wikimedia.org/wikipedia/commons/thumb/7/7f/Zealandia_topography.jpg/640px-Zealandia_topography.jpg)
![Thumb image](http://upload.wikimedia.org/wikipedia/commons/thumb/7/7b/Petrified_log_at_Curio_Bay.jpg/640px-Petrified_log_at_Curio_Bay.jpg)
சிலாந்தியா நியூசிலாந்தின் மீன்பிடித் தொழிலுக்கு மிகவும் உதவியாக உள்ளது; நியூசிலாந்தின் இயற்கைவளிக் களம் சீலாந்தின் தரநாக்கிப் பகுதியில் உள்ளது. 2007இல் பெரும் தென் கிண்ணப் பகுதியில் எண்ணெய் முற்றாய்விற்கு அனுமதி அளிக்கப்பட்டுள்ளது.[7] கடலுக்கடியிலான கனிமங்களாக இரும்பு, எரிமலைசார் சல்பைடுகள், பெரோமங்கனீசு கணுக்களின் படிவுகள் உள்ளன.[8]