சிரோகி இராச்சியம்

சிரோகி இராச்சியம் (Sirohi State) கிபி 1311 முதல் தன்னாட்சியுடன் விளங்கியது. பின்னர் பிரித்தானிய இந்தியாவின் இராஜபுதன முகமையின் கீழ் சுதேச சமஸ்தானமாக மாறியது. இதன் தலைநகரம் சிரோகி ஆகும். சிரோஹி நகரத்தின் மக்கள் தொகை 5,651 ஆகும். ^[1] இதன் ஆண்டு சராசரி வருவாய் £ 28,000 ஆகும். பிரித்தானிய இந்தியாவிற்கு ஆண்டிற்கு £450 கப்பம் செலுத்தியது. இந்திய விடுதலைக்குப் பிறகு 1949-ஆம் ஆண்டில் சுதேச சமஸ்தானங்கள் இந்தியாவுடன் இணையும் அரசியல் ஒப்பந்தப்படி இந்தியாவுடன் இணைக்கப்பட்டு, பம்பாய் மகாணத்துடன் சேர்க்கப்பட்டது. 1950-ஆம் ஆண்டில் சிரோகி இராச்சியப் பகுதிகள் இராஜஸ்தான் மாநிலத்தில் இணைக்கப்பட்டது.

சிரோகி இராச்சியம்
1311–1949
கொடி சின்னம்
Sirohi State in 1909
தலைநகரம்	Sirohi
அரசாங்கம்	Monarchy
வரலாறு
• தொடக்கம்	1311
• முடிவு	1949
தற்போதைய பகுதிகள்	இந்தியா

புவியியல்

சிரோஹி இராச்சியம், தற்கால இராஜஸ்தான் மாநிலத்தில் சிரோஹி மாவட்டத்தில் 1,964 சதுர மைல்கள் (5,090 km²) பகுதிகளை கொண்டிருந்தது. இந்த இராச்சியம் அபு மலையும், மலைசாந்த நிலங்களாக இருந்தது. இங்கு பனாஸ் ஆறு பாய்கிறது. இந்த இராச்சியத்தின் போக்குவரத்திற்கு அபு சாலை தொடருந்து நிலையம் முதன்மையானது.

வரலாறு

சிரோகி இராச்சியம் 1311-ஆம் ஆண்டில் லும்பா என்பரால் நிறுவப்பட்டது.^[2] பின்னர் சிவபாலன் மன்னர் சிவபுரி நகரத்தை தலைநகராக அமைத்தார். ^[3] 1425-ஆம் ஆண்டில் ராவ் சய்ன்ஸ் மால் சிரோஹி நகரத்தை நிறுவி தலைநகராகக் கொண்டார்.^[4]

19-ஆம் நூற்றாண்டில் சிரோகி இராச்சியம், ஜோத்பூர் இராச்சியத்தால் பல முறை படையெடுக்கப்பட்டது. எனவே 1817-ஆம் ஆண்டில் பிரித்தானிய இந்தியாவின் பாதுகாப்பு கோரப்பட்டது. 1823-இல் சிரோகி இராச்சியம் பிரித்தானிய இந்தியாவுடன் ஒப்பந்தம் செய்து கொண்டது. எனவே அது முதல் சிரோஹி இராச்சியம் இராஜபுதனம் முகமையின் கீழ் பிரித்தானியார்களுக்கு ஆண்டு தோறும் திறை செலுத்தும் சுதேச சமஸ்தானமாக மாறியது. ^[1]

1857 சிப்பாய்க் கிளர்ச்சியின் போது சிரோகி இராச்சியத்தினர் ஆங்கிலேயர்களுக்கு உதவியதால், ஆண்டுதோறு செலுத்த வேண்டிய திறை பாதியாகக் குறைக்கப்பட்டது.

இந்திய விடுதலைக்குப் பிறகு 1949-ஆம் ஆண்டில் சுதேச சமஸ்தானங்கள் இந்தியாவுடன் இணையும் அரசியல் ஒப்பந்தப்படி இந்தியாவுடன் இணைக்கப்பட்டு, பம்பாய் மகாணத்துடன் சேர்க்கப்பட்டது.^[5] 1950-ஆம் ஆண்டில் சிரோஹி இராச்சியத்தின் பகுதிகள் இராஜஸ்தான் மாநிலத்தில் இணைக்கப்பட்டது.^[5][6]

சிரோஹி இராச்சிய ஆட்சியாளர்கள்

இராஜாக்கள்

• 1697 – 1705: துர்ஜன் சிங் (இறப்பு: 1705)
• 1705 – 1749: முதலாம் உமயத் சிங் (மான் சிங் II) (பிறப்பு:1685 – இறப்பு: 1749)
• 1749 – 1773: பிரிதிவி சிங் (இறப்பு: 1773)
• 1773 – 1781: தக்கத் சிங் (இறப்பு:1781)
• 1773 – 1781: ஜெகத் சிங் – அரசப்பிரதிநிதி (இறப்பு: 1782)
• 1781 – 1782: ஜெகத் சிங்
• 1782 – 1808: இரண்டாம் வெரிசல்ஜி (இரண்டாம் பைரி சால்) (பி: 1760 – இ. 1809)
• 1808 – 11 சனவரி 1847: உதய்பன் சிங் (இ. 1847)
• 1819 – 11 ச்னவரி 1847: சியோ சிங் – அரசப்பிரதிநிதி (இ. 1862)
• 11 சனவரி 1847 – 8 டிசம்பர் 1862: சியோ சிங்
• நவம்பர் 1861 – 8 டிசம்பர் 1862: உமயத் சிங்– Regent (பி. 1833 – இ. 1875)
• 8 டிசம்பர் 1862 – 16 செப்டம்பர் 1875: இரண்டாம் உமயத் சிங்
• 16 செப்டம்பர் 1875 – 1 சூலை 1889: கேசரி சிங் (பி. 1857 – இ. 1925)

மகாராஜாக்கள்

• 1 சூலை 1889 – 29 எப்ரல் 1920:கேசரி சிங்
• 29 ஏப்ரல் 1920 – 23 சனவரி 1946: சரூப் ராம் சிங்
• 5 மே 1946 – 15 ஆகஸ்டு 1947: தேஜ் ராம் சிங்
• 5 மே1946 – 15 ஆகஸ்டு 1947: மகாராணி கிருஷ்ணா - அரசப் பிரதிநிதி (d. 1979)

இதனையும் காண்க

• இராஜபுதனம் முகமை
• சுதேச சமஸ்தானம்
• இந்திய மன்னராட்சி அரசுகளின் பட்டியல்
• தி இம்பீரியல் கெசட்டியர் ஆப் இந்தியா
• சுதேச சமஸ்தானங்கள் இந்தியாவுடன் இணையும் அரசியல் ஒப்பந்தம்

மேற்கோள்கள்

1. Chisholm 1911, ப. 257.
2. Ram, Lala Sita (1920). History of Sirohi Raj. Allahabad: The Pioneer Press.
3. Rajasthan through the ages: Volume 5, Marwar and British Administration. New Delhi: Sarup & Sons. 2008. பார்க்கப்பட்ட நாள் 3 May 2019.
4. Adams, Archibald (1899). A medico-topographical and general account of Marwar, Sirohi, and Jaisalmir. Junior Army and Navy Stores.
5. White Paper on Indian States. New Delhi: Government of India Press. 1950.
6. District Census Handbook: Sirohi (Series 9: Part XII-A) (PDF). Directorate of Census Operations. 2011. பார்க்கப்பட்ட நாள் 21 March 2019.

தி இம்பீரியல் கெசட்டியர் ஆப் இந்தியா இந்திய விடுதலை சுதேச சமஸ்தானம்