![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d1/Ladakh_locator_map.svg/langta-640px-Ladakh_locator_map.svg.png&w=640&q=50)
சியாச்சின் பிணக்கு
From Wikipedia, the free encyclopedia
சியாச்சின் பிணக்கு (Siachen Conflict), அல்லது சியாச்சின் போர், இந்தியாவின் ஜம்மு காஷ்மீர் மாநிலத்தின் லடாக்கிலிருந்து வடகிழக்கே ஐம்பது கிலோ மீட்டர் தொலைவில் உள்ள இமயமலையில் காரகோரம் மலைத்தொடரில் உள்ள சியாச்சின் பனி மலையில் 900 சதுர கிலோ மீட்டர் பரப்புள்ள நிலத்தின் உரிமை குறித்து இந்தியா - பாகிஸ்தான் நாடுகளுக்கிடையே நடைபெறும் இராணுவப் பிணக்கு ஆகும். உலகின் மிக உயரத்தில் அமைந்த சியாச்சின் போர்க்களத்தில் நடந்த போர், 2003 ஆம் ஆண்டில் இரு நாடுகளுக்கு இடையே ஏற்பட்ட ஒப்பந்தப்படி போர் நிறுத்தம் ஏற்பட்டது.[7][8], 1984 ஆம் ஆண்டில் இந்திய இராணுவம், ஆபரேஷன் மேகதூத் நடவடிக்கையின் மூலம், சியாச்சின் பனி மலையின் எழுபது சதுர கிலோ மீட்டர் பரப்பளவு பகுதியை இந்தியா தக்க வைத்து கொண்டதன் மூலம் சியாச்சின் பிணக்கு மேலும் முற்றியது. [9][10] டைம் இதழ் செய்தியின் படி, இந்தியா சியாச்சின் பகுதியில் 1000 சதுர கிலோமீட்டர் பகுதியை கைப்பற்றியதாக தெரிவிக்கிறது. [11]
சியாச்சின் பிணக்கு | |||||||||
---|---|---|---|---|---|---|---|---|---|
இந்திய-பாகிஸ்தான் போர்கள் காஷ்மீர் பிரச்சினை பகுதி |
|||||||||
![]() இந்தியப் பகுதி காஷ்மீரில் லடாக்கின் வடக்கில் 60 கி. மீ., தொலைவில் உள்ள காரகோரம் மலைதொடரில் உள்ள சியாச்சின் பனி மலை (வெண்மை நிறம்) |
|||||||||
|
|||||||||
பிரிவினர் | |||||||||
![]() | ![]() |
||||||||
தளபதிகள், தலைவர்கள் | |||||||||
கர்ணல் நரேந்திர குமார் லெப்டினண்ட்-ஜெனரல் பி. என். ஹூன் லெப்டினண்ட்-ஜெனரல் எம். எல். சிப்பர் மேஜர் ஜெனரல் சிவசர்மா பிரிகேடியர்-ஜெனரல் வி. ஆர். இராகவன் பிரிகேடியர்-ஜெனரல் சி. எஸ். நுக்யால் பிரிகேடியர்-ஜெனரல் ஆர். கே. நானாவதி பிரிகேடியர்-ஜெனரல் வி. கே. ஜெட்லி | லெப்டினண்ட்-ஜெனரல் சையத் அலி அக்பர் கான் பிரிகேடியர்-ஜெனரல் பெர்வேஸ் முஷாரஃப் |
||||||||
பலம் | |||||||||
3,000+ [2] | 3,000[2] | ||||||||
இழப்புகள் | |||||||||
இறப்புகள் 846 [3][4] | இறப்புகள் 2013[5][4][6] |
![Thumb image](http://upload.wikimedia.org/wikipedia/commons/thumb/3/3e/Shyok2.svg/640px-Shyok2.svg.png)
![Thumb image](http://upload.wikimedia.org/wikipedia/commons/thumb/6/63/SiachenGlacier_satellite.jpg/320px-SiachenGlacier_satellite.jpg)
உலகின் மிக உயரமான இடத்தில் அமைந்த இந்தியாவின் ஹெலிபேட், சியாச்சின் பனிமலையில் 21,000 அடி (6,400 மீ) உயரத்தில் உள்ளது. இந்த ஹெலிபேட் தளத்தின் வாயிலாக இந்திய வீரர்களுக்கு உணவு மற்றும் இதர தளவாடங்கள் கொண்டு செல்லப்படுகிறது.
கார்கில் போருக்கு சியாச்சின் பிணக்கே முக்கிய காரணம் என இந்தியாவின் முன்னாள் வடக்கு கட்டளைப் பிரிவுத் தலைவர் லெப்டினண்ட் ஜெனரல் கே. டி. பட்நாயக் கூறியுள்ளார்.[12]