கட்டாரி
ஒருவகை குத்துவாள் From Wikipedia, the free encyclopedia
ஒருவகை குத்துவாள் From Wikipedia, the free encyclopedia
கட்டாரி (katar அல்லது katara, [1] [2] [3] ) என்பது இந்திய துணைக் கண்டத்தைச் சேர்ந்த ஒரு குத்துவாள் வகையாகும். [4] இந்த குத்துவாளின் கைப்பிடியானது H வடிவில் இருப்பது இதன் தனிச்சிறப்பாகும். இதைப் பிடித்திருப்பவரின் முன்கையின் மேல் கத்தியின் குத்துப் பகுதி அமர்ந்திருக்கும். இந்தக் குத்துவாளானது இந்தியத் துணைக் கண்டத்தில் மிகவும் பிரபலமானதும், தனித்துவமானதும் ஆகும். [5] வழிபாட்டுச் சடங்குகளிலும் கட்டாரிகள் இடம்பெற்றுள்ளன. [6]
| கட்டாரி | |
|---|---|
 ஒரு அங்கார கட்டாரி | |
| வகை | குத்துவாள் |
| அமைக்கப்பட்ட நாடு | இந்தியத் துணைக்கண்டம் |
| அளவீடுகள் | |
| கைப்பிடி வகை | கிடைமட்டம் |
தென்னிந்தியாவில் உருவான இந்த ஆயுதத்தின் பழமையான பெயரானது தமிழ்ச் சொல்லான கட்டாரி என்பதாகும். மேலும் இது குத்துவாள் என்ற பெயரிலும் தமிழில் அழைக்கப்படுகிறது. இது சமசுகிருதத்தில் கட்டாரா (कट्टार) அல்லது கட்டாரி என மருவியது. இருப்பினும் இந்தச் சொல்லானது பெரும்பாலும் நவீன ஹிந்தி மொழியில் காலனிய மொழிபெயர்பின் தொடர்ச்சியாக கட்டார் ("katar") என அழைக்கப்படுகிறது.
கட்டாரியை துணைக்கண்டத்தின் பிற மொழிகளான கன்னடத்தில் கட்டாரி (kaṭhāri- ಕಠಾರಿ), மலையாளத்தில் கட்டார (കട്ടാര), மராத்தியில் கட்யாரா, (kaṭyāra- कट्यार) பஞ்சாபியில் கட்டார் (kaṭār- ਕਟਾਰ), இந்தியில் கட்டாரா அல்லது கட்டாரி (कटार) என அழைக்கப்படுகிறது.
கட்டாரி இந்தியாவில் உருவான ஒரு ஆயுதமாகும். [7] இதன் துவக்கக்கால வடிவங்களானது 14 ஆம் நூற்றாண்டின் விசயநகரப் பேரரசு காலத்துடன் நெருக்கமாக உள்ளன. [5] நடுவிரல், ஆள்காட்டி விரலுக்கு இடையில் வைத்து பயன்படுத்தும் குத்துவாளான முஷ்டிகாவில் இருந்து தோன்றியிருக்கலாம் என கருதப்படுகிறது. [8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
