![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4a/Penampang_Sabah_Kaamatan-Celebrations-2014-07.jpg/640px-Penampang_Sabah_Kaamatan-Celebrations-2014-07.jpg&w=640&q=50)
கடசான்
மலேசியா சபா மாநிலத்தில் வாழும் பூர்வீக மக்கள் / From Wikipedia, the free encyclopedia
கடசான் (மலாய்: Kaum Kadazan அல்லது Bangsa Kadazan; ஆங்கிலம்: Kadazan; சீனம்: 卡达山) என்பவர்கள் தென்கிழக்கு ஆசியா, வடக்கு போர்னியோ, சபா மாநிலத்தில் வாழும் பூர்வீகப் பழங்குடி மக்களாகும். இவர்கள் சபாவின் மேற்கு கடற்கரையில் உள்ள பெனாம்பாங் மாவட்டத்தை (Penampang District) சுற்றியுள்ள இடங்கள்; மற்றும் உட்புறத்தில் பல்வேறு இடங்களில் காணப் படுகின்றனர்.
![]() காமத்தான் கொண்டாட்டத்தின் போது பாரம்பரிய உடையில் கடசான் மக்கள் | |
குறிப்பிடத்தக்க மக்கள்தொகை கொண்ட பகுதிகள் | |
---|---|
![]() ( ![]() லபுவான்) | |
மொழி(கள்) | |
கடசான் மொழி, சபா மலாய் மொழி, ஆங்கிலம் | |
சமயங்கள் | |
கிறிஸ்தவம் (பெரும்பான்மை), இசுலாம், மோமோலியனிசம், (Momolianism) | |
தொடர்புள்ள இனக்குழுக்கள் | |
கடசான்-டூசுன், டூசுன், ஆஸ்திரோனீசிய மக்கள் |
அண்மைய காலங்களில் சபா மாநிலத்தில் ஏற்பட்டு வரும் அரசியல் தாக்கங்கள் (Political Initiatives) பண்பாட்டுக் கலவைகள்; மொழி ஒருங்கிணைப்புகள் போன்றவற்றினால் டூசுன் - கடசான் ஆகிய இரண்டு குழுக்களும் இடையே நெருக்கமான பிணைப்புக்கள் ஏற்ப்பட்டு வருகின்றன. அதன் பிரதிபலிப்பாக கடசான்-டூசுன் (Kadazan-Dusun) எனும் ஒரு புதிய இனச் சொல்லும் உருவாக்கப்பட்டு உள்ளது.
கடசான்-டூசுன் எனும் இந்த இரு குழுக்களும் ஒன்றாக இணைந்து, தற்சமயம் சபாவில் மிகப் பெரிய இனக் குழுவாகப் பரிமாற்றம் கண்டு வருகின்றன. இந்தக் கட்டத்தில், கடசான்-டூசுன் இனக் குழுக்களை ஐக்கிய நாடுகள் கல்வி, அறிவியல், பண்பாட்டு நிறுவனம் (UNESCO); போர்னியோவில் ஒரு பாரம்பரியப் பழங்குடி இனக் குழுக்களாகவும் அங்கீகரித்து உள்ளது. இந்த அங்கீகாரம் 2004-ஆம் ஆண்டு கிடைக்கப் பெற்றது.[1]