ஒருங்கிணைந்த வானூர்தி நிறுவனம்
From Wikipedia, the free encyclopedia
ஒருங்கிணைந்த வானூர்தி நிறுவனம் (United Aircraft Corporation) என்பது வானூர்தி தயாரிப்பு மற்றும் பாதுகாப்பு துறையில் ஈடுபட்டுள்ள ஒரு உருசிய (முன்னர் சோவியத்) தொழில்நுட்ப நிறுவனமாகும். மாஸ்கோவை தலைமையிடமாகக் கொண்டு இயங்கும் இந்த நிறுவனமானது மக்கள் போக்குவரத்து மற்றும் இராணுவ பயன்பாட்டிற்காக வானூர்திகளை வடிவமைக்கிறது. பிப்ரவரி 2006 இல், உருசிய அரசாங்கம் மிகோயன், சுகோய், இல்யூசின், இர்குட், துபோலேவ் மற்றும் யாகோவ்லேவ் ஆகிய நிறுவனங்களை இணைத்து யுனைடெட் ஏர்க்ராப்ட் கார்ப்பரேஷன் (ஒருங்கிணைந்த வானூர்தி நிறுவனம்) என்ற பெயரில் ஒரு புதிய நிறுவனத்தை அமைத்தது.[3][4]
வகை | பொது நிறுவனம் |
---|---|
முந்தியது | மிகோயன், சுகோய், இல்யூசின், இர்குட், துபோலேவ் மற்றும் யாகோவ்லேவ் |
நிறுவுகை | பெப்ரவரி 20, 2006; 18 ஆண்டுகள் முன்னர் (2006-02-20) |
தலைமையகம் | மாஸ்கோ, உருசியா |
தொழில்துறை |
|
உற்பத்திகள் |
|
வருமானம் | ₽468 பில்லியன் US$6.365 பில்லியன்[1] |
பணியாளர் | 100,000[2] |
இணையத்தளம் | www.uacrussia.ru |
பிப்ரவரி 2007 இல், இந்த நிறுவனத்தின் கீழ் வடிவமைக்கப்பட்ட முதல் சண்டை வானூர்தியான மிகோயன் மிக்-35 நான்காம் தலைமுறை போர் வானூர்தி உலகிற்கு அறிமுகப்படுத்தப்பட்டது.[5][6] இந்நிறுவனத்தின் தொழிற்சாலைகள் மற்றும் அலுவலகங்கள் உருசியாவின் பல்வேறு பிராந்தியங்களில் அமைந்துள்ளன. இந்த நிறுவனம் இத்தாலி, இந்தியா மற்றும் சீனாவில் உள்ள நிறுவனங்களுடன் கூட்டு வடிவமைப்பு மற்றும் தயாரிப்பு முயற்சிகளிலும் ஈடுபட்டுள்ளது.[7]