பெக்கோக்
மலேசியா, ஜொகூரில் உள்ள நகரம் From Wikipedia, the free encyclopedia
மலேசியா, ஜொகூரில் உள்ள நகரம் From Wikipedia, the free encyclopedia
பெக்கோக் (மலாய்: Bekok; ஆங்கிலம்: Bekok; சீனம்: 彼咯) என்பது மலேசியா, ஜொகூர் மாநிலத்தில் சிகாமட் மாவட்டத்தில் உள்ள ஒரு நகரம்; ஒரு முக்கிம் ஆகும். இந்த நகரம் சிகாமட் நகரத்திற்கு தென் கிழக்கே 54 கிமீ தொலைவில் உள்ளது. 785 சதுர கிமீ 2 பரப்பளவு கொண்ட பெக்கோ, சிகாமட் மாவட்டத்தில் மிகப்பெரிய முக்கிம் ஆகும்.
பெக்கோக் | |
---|---|
Bekok | |
ஜொகூர் | |
ஆள்கூறுகள்: 2°18′N 103°08′E | |
நாடு | மலேசியா |
மாநிலம் | ஜொகூர் |
மாவட்டம் | சிகாமட் மாவட்டம் |
பரப்பளவு | |
• மொத்தம் | 785 km2 (303 sq mi) |
நேர வலயம் | மலேசிய நேரம் ஒ.ச.நே + 08:00 |
அஞ்சல் குறியீடு | 86500[1] |
தொலைபேசி எண்கள் | 06-07-944 xxxx |
போக்குவரத்து பதிவெண்கள் | J |
இயற்கை ஆர்வலர்களால் நன்கு அறியப்பட்ட இந்த நகரம், எண்டாவ்-ரொம்பின் தேசியப் பூங்காவின் மேற்கு நுழைவாயிலாகவும் உள்ளது. சுங்கை பந்தாங் நீர்வீழ்ச்சி என்று அழைக்கப்படும் ஒரு நீர்வீழ்ச்சியும் இங்கு உள்ளது.[2]
கம்போங் குடோங் மற்றும் கம்போங் கெமிடாக் போன்ற பல மலேசியப் பழங்குடியினர் குடியிருப்புகளையும் பெக்கோக் கொண்டுள்ளது. மலாயா சுதந்திரத்திற்கு முந்தைய காலத்தில், இந்த நகரம் பிரித்தானிய மலாயா அரசாங்கத்திற்கு எதிரான கம்யூனிச செயல்பாடுகளின் "கருப்பு பகுதி" எனவும் அறியப்படுகிறது.
இந்த நகரத்தின் பெயர் முதலில் ]]சீன மொழி]]யின் ஒரு பிரிவான ஆக்கா பேச்சு வழக்கின் சொல்லான "முகோக்" என்பதிலிருந்து வந்திருக்கலாம் எனவும் அறியப்படுகிறது. முகோக் என்பது "மூலை" என்று பொருள்படும்.
இந்த நகரம் கூட்டரசு சாலை 1 (மலேசியா)-இன் சந்திப்பில் இருந்து சுமார் 10 கிமீ தொலைவில் அமைந்துள்ளது. கூட்டரசு சாலை 1 (மலேசியா)-இன் சந்திப்பில் இருந்து இந்த நகரத்தைப் பின்னர் தொடருந்துகள் வழியாக அணுகலாம்.
2010-ஆம் ஆண்டு மக்கள்தொகை கணக்கெடுப்பின் அடிப்படையில் மலேசிய புள்ளியியல் துறை வழங்கியுள்ள புள்ளிவிவரங்கள்:[3]
பெக்கோக் இனக்குழுக்கள், 2010 | ||
---|---|---|
இனம் | மக்கள் தொகை | விழுக்காடு |
பூமிபுத்திரா, மலாயர் | 320 | 19.23% |
சீனர் | 1,151 | 69.17% |
இந்தியர் | 115 | 6.91% |
மற்ற பூமிபுத்ரா | 9 | 0.54% |
மற்றவர்கள் | 7 | 0.42% |
மலேசியர் அல்லாதவர் | 62 | 3.73% |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.