விக்கிரம் சாராபாய்

விக்கிரம் அம்பாலால் சாராபாய் (Vikram Ambalal Sarabhai, ஆகஸ்ட் 12, 1919 – டிசம்பர் 30, 1971)^[4] என்பவர் இந்திய இயற்பியலாளர் ஆவார். இந்திய விண்வெளித் திட்டத்தின் தந்தை எனக் கருதப்படுகிறார்.^[5] 1969 ஆம் ஆண்டு சாந்தி ஸ்வரூப் பட்நாகர் விருது பெற்றார்.^[6]

விக்கிரம் அம்பாலால் சாராபாய்
முனைவர். விக்கிரம் சாராபாய்
பிறப்பு	(1919-08-12)12 ஆகத்து 1919 [1][2] அகமதாபாத், இந்தியா
இறப்பு	30 திசம்பர் 1971(1971-12-30) (அகவை 52) கேரளா, இந்தியா
தேசியம்	இந்தியர்
துறை	இயற்பியல்
பணியிடங்கள்	இந்திய விண்வெளி ஆய்வு மையம் இயற்பியல் ஆராய்ச்சி ஆய்வகம்
ஆய்வு நெறியாளர்	சர். ச.வெ.இராமன்
அறியப்படுவது	இந்திய விண்வெளித் திட்டம்
விருதுகள்	பத்ம பூசன் (1966) பத்ம விபூசண் (இறந்த பிறகு அளிக்கப்பட்டது) (1972)[3]

வாழ்க்கைச் சுருக்கம்

1919 ஆம் ஆண்டு ஆகத்து 12 அன்று ஆமதாபாதில் ஒரு செல்வச்செழிப்பு மிக்க குடும்பத்தில் பிறந்தார். அவரது நாட்டம் எல்லாம் கணிதத்திலும், இயற்பியலிலும் இருந்தது.

ஆய்வு நிலையங்கள் நிறுவுதல்

இங்கிலாந்தில் பி. எச். டி ஆராய்ச்சியை முடித்துத் திரும்பிய சாராபாய், ஆமதாபாதில் இயற்பியல் ஆராய்ச்சி ஆய்வகத்தை (Physical Research Laboratory) 11 நவம்பர் 1947 இல் நிறுவினார்.^[7] 1955 இல் காசுமீரம் குலுமார்கில் அதன் கிளை ஒன்றையும் நிறுவினார். பின்னர், திருவனந்தபுரம், கோடைக்கானல் ஆகிய இடங்களிலும் ஆய்வகங்களை நிறுவினார்.

இந்தியாவை விண்வெளி யுகத்திற்கு இட்டுச்செல்லல்

இந்தியாவின் முதல் செயற்கைக்கோளான ஆரியபட்டாவின் விண்ணேவுதலுக்கு முழுமுதல் காரணமாக இருந்தார். SITE எனப்படும் ‘செயற்கைக்கோள் உதவியுடன் தொலைக்காட்சியில் பயிற்றுவிக்கும் முயற்சி’ மூலம் 2,4000 இந்திய கிராமங்களிலுள்ள 50 லட்சம் மக்களுக்கு கல்வியை எடுத்துச்செல்ல உதவினார். இந்திய விண்வெளி ஆராய்ச்சி நிறுவனத்தை (ISRO) விரிவாக்கினார்.

பிற துறைகளில் பங்கீடு

விண்வெளித்திட்டங்கள் தவிர, பஞ்சாலைத் தொழில், மேலாண்மைப்பயிற்று நிலையம் ஆகியவற்றையும் தொடங்கினார்.

விருதுகளும் பெருமைகளும்

• பத்ம பூசண்
• பத்ம விபூசண்
• 1973இல் உலகளாவிய வானியல் ஒன்றியம் நிலவிலுள்ள அமைதிக்கடல் (Sea of Serenity) பகுதியில் உள்ள ஒரு பெருங்குழிக்கு விக்கிரமின் பெயரைச் சூட்டினர்.^[8][9]

மேற்கோள்கள்

1. "Vikram Sarabhai Biography". mapsofindia.com. mapsofindia. January 30, 2014. பார்க்கப்பட்ட நாள் 22 July 2015.
2. "About Vikram Sarabhai". iloveindia.com. iloveindia. பார்க்கப்பட்ட நாள் 22 July 2015.
3. "Padma Awards Directory (1954-2013)" (PDF). Ministry of Home Affairs, Government of India. 14 August 2013. Archived from the original (PDF) on 15 நவம்பர் 2014. பார்க்கப்பட்ட நாள் July 21, 2015.
4. "The Visionary- Vikram Ambalal Sarabhai". விக்ரம் சாராபாய் விண்வெளி மையம். Archived from the original on 10 மே 2018. பார்க்கப்பட்ட நாள் 22 July 2015.
5. "விண்வெளித்துறையின் "விக்ரமாதித்தன்"" (in அமெரிக்க ஆங்கிலம்). 2021-08-12. பார்க்கப்பட்ட நாள் 2021-11-28. {{cite web}}: Text "News7 Tamil" ignored (help)
6. "Profile of the Awardee, Dr Vikram Ambalal Sarabhai". ssbprize.gov.in. பார்க்கப்பட்ட நாள் 22 Feb 2016.
7. "BRIEF HISTORY". Archived from the original on 2016-04-08. பார்க்கப்பட்ட நாள் 28 மார்ச் 2016. {{cite web}}: Check date values in: |accessdate= (help)
8. Antonín Rükl: Atlas Měsíce, Aventinum (Praha 1991), chapter Bessel, page 74, பன்னாட்டுத் தரப்புத்தக எண் 80-85277-10-7 (செக் மொழி)
9. Sarabhai_(crater) - "Planetary Names: Sarabhai on Moon;". Gazetteer of Planetary Nomenclature, IAU, ஐக்கிய அமெரிக்க நில அளவாய்வுத் துறை, நாசா. Oct 18, 2010. பார்க்கப்பட்ட நாள் 22 July 2015.

வெளி இணைப்புகள்

• Great Scientists at freeindia.org பரணிடப்பட்டது 2004-10-31 at the வந்தவழி இயந்திரம்
• Hindu Newspaper பரணிடப்பட்டது 2005-01-30 at the வந்தவழி இயந்திரம்