குன்றத்தூர்

குன்றத்தூர் (ஆங்கிலம்:Kundrathur), இந்தியாவின், தமிழ்நாடு மாநிலத்தில் சென்னையின் புறநகர்ப் பகுதிகளில் ஒன்றாகும். இது செங்கல்பட்டு மாவட்டத்தில் உள்ள குன்றத்தூர் வட்டத்தில் இருக்கும் ஒரு நகராட்சி ஆகும். 12 செப்டம்பர் 2021 அன்று இப்பேரூராட்சி நகராட்சியாக தரம் உயர்த்தப்பட்டது.^[4]

குன்றத்தூர்
குன்றத்தூர் அமைவிடம்: குன்றத்தூர், தமிழ்நாடு , இந்தியா
ஆள்கூறு	12°59′52″N 80°05′50″E
நாடு	இந்தியா
மாநிலம்	தமிழ்நாடு
மாவட்டம்	காஞ்சிபுரம்
வட்டம்	குன்றத்தூர்
ஆளுநர்	ஆர். என். ரவி[1]
முதலமைச்சர்	மு. க. ஸ்டாலின்[2]
மாவட்ட ஆட்சியர்	கலைச்செல்வி மோகன், இ. ஆ. ப [3]
மக்கள் தொகை • அடர்த்தி	54,986 (2011[update]) • 6,110/km2 (15,825/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	9 சதுர கிலோமீட்டர்கள் (3.5 sq mi) • 48 மீட்டர்கள் (157 அடி)
இணையதளம்	www.townpanchayat.in/kunrathur

குன்றத்தூர் வட்டத்தின் வட்டாட்சியர் அலுவலகம் மற்றும் குன்றத்தூர் ஊராட்சி ஒன்றியத்தின், வட்டார வளர்ச்சி அலுவலகம் குன்றத்தூரில் இயங்குகிறது. இது சென்னை பெருநகர் பகுதியின் ஒரு அங்கம் ஆகும்.

குன்றத்தூர் நகராட்சி சென்னை பெருநகர வளர்ச்சிக் குழும எல்லைக்குட்பட்ட வளர்ந்து வரும் பகுதியாகும். பெரியபுராணம் எனும் நூலை இயற்றிய சேக்கிழார் பிறந்த ஊராகும். இவ்வூரின் குன்றில் அமைந்துள்ள முருகன் கோயில் மிகவும் புகழ் பெற்றது. இங்குள்ள திருநாகேஸ்வர திருக்கோயில், சென்னையை சுற்றியுள்ள நவக்கிரகத் தலங்களுள் ஒன்றாகும். குன்றத்தூரை ஒட்டி சென்னை மாநகர வெளிவட்ட சிறப்பு புறவழிச் சாலையான வண்டலூர் - மீஞ்சூர் சாலை அமைந்துள்ளது.

அமைவிடம்

குன்றத்தூர், காஞ்சிபுரத்திலிருந்து 50 கி.மீ தொலைவில் உள்ளது. இதனருகே அமைந்த தொடருந்து நிலையம் 9 கி.மீ தொலைவில் உள்ள பல்லாவரம் தொடருந்து நிலையம் ஆகும். இதன் வடக்கே போரூர் 9.5 கி.மீ; தெற்கே தாம்பரம் 10 கி.மீ தொலைவில் உள்ளது.

நகராட்சியின் அமைப்பு

9 ச.கி.மீ. பரப்பும், 30 நகராட்சி மன்ற உறுப்பினர்களையும் கொண்ட இந்த நகராட்சி, திருப்பெரும்புதூர் சட்டமன்றத் தொகுதி மற்றும் திருப்பெரும்புதூர் மக்களவைத் தொகுதிக்கு உட்பட்டதாகும்.^[5] 2011-ஆம் ஆண்டு மக்கள் தொகை கணக்கெடுப்பின்படி இந்த நகராட்சி 54,986 மக்கள்தொகை கொண்டது.^[6]

கோவில்கள்

• குன்றத்தூர் முருகன் கோயில்

மேற்கோள்கள்

1. "தமிழக ஆளுநர் பற்றிய குறிப்பு". tn.gov.in. தமிழ்நாடு அரசு. 2015. பார்க்கப்பட்ட நாள் நவம்பர் 3, 2015.
2. "தமிழக முதலமைச்சர் பற்றிய குறிப்பு". tn.gov.in. தமிழ்நாடு அரசு. பார்க்கப்பட்ட நாள் நவம்பர் 3, 2015.
3. "மாவட்ட ஆட்சியர் தொடர்பு விவரம்". tn.gov.in. தமிழ்நாடு அரசு. பார்க்கப்பட்ட நாள் நவம்பர் 3, 2015.
4. Govt upgrades 9 Town Panchayats as Municipalities
5. குன்றத்தூர் பேரூராட்சியின் இணையதளம்
6. Kundrathur Population Census 2011