2022 உத்தரப் பிரதேச சட்டமன்றத் தேர்தல், உத்தரப் பிரதேச சட்டமன்றத்திற்கு 403 சட்டமன்ற உறுப்பினர்களை தேர்வு செய்ய, 2022-ஆம் ஆண்டின் பிப்ரவரி மற்றும் மார்ச் மாதங்களில் ஏழு கட்டங்களாக தேர்தல் நடைபெறுவதாக இந்தியத் தேர்தல் ஆணையம் 8 சனவரி 2022 அன்று அறிவித்தது.[2][3]
10 பிப்ரவரி முதல் 7 மார்ச் முடிய 7 கட்டங்களாக தேர்தல் நடைபெறும்.
முதல் கட்டத் தேர்தல் பிப்ரவரி மாதம் 10, இரண்டாம் கட்டத் தேர்தல் 14 பிப்ரவரி, மூன்றாம் கட்டத் தேர்தல் பிப்ரவரி 20, நான்காம் கட்டத் தேர்தல் பிப்ரவரி 23, ஐந்தாம் கட்டத் தேர்தல் பிப்ரவரி 27, ஆறாம் கட்டத் தேர்தல் மார்ச் 3, ஏழாம் மற்றும் இறுதி கட்டத் தேர்தல் மார்ச் 7-ஆம் தேதி நடைபெறும்.
வாக்கு எண்ணிக்கை 10 மார்ச் 2022 அன்று நடைபெறும்.
வாக்குப் பதிவு நேரம் வழக்கத்தை விட ஒரு மணி நேரம் கூடுதலாக நடைபெறும்.
80 வயதிற்கு மேற்பட்ட மூத்த குடிமக்கள், மாற்றுத்திறனாளிகள் மற்றும் கோவிட் தொற்று நோயாளிகள் அஞ்சல் வாக்குச் சீட்டுகள் மூலம் வாக்கு செலுத்தலாம்.
தேர்தல் வழிகாட்டி நெறிமுறைகள் கோவிட் பெருந்தொற்றை கருத்தில் கொண்டு சனவரி 15 அன்று வெளியிடப்படும்.
15 சனவரி 2022 வரை அரசியல் கட்சிகள் பொது இடங்களில் தேர்தல் ஊர்வலங்கள் மற்றும் பொதுக்கூட்டங்கள் நடத்தக்கூடாது.
உத்தரப் பிரதேச சட்டமன்றத் தேர்தலில் பாரதிய ஜனதா கட்சி ஆட்சி அமைக்க தேவையான பெரும்பான்மையான இடங்களைக் கைப்பற்றும் என்றும், சமாஜ்வாதி கட்சி நூற்றுக்கும் மேற்பட்ட தொகுதிகளை கைப்பற்றி இரண்டாம் இடத்தைப் பெறும் என்று கருத்துகள் கூறப்பட்டுள்ளது.[7][8][9]
இத்தேர்தலில் பெரும்பான்மைக்கு தேவையான 202 இடங்களுக்கு மேலாக, 255 தொகுதிகளைக் கைப்பற்றிய பாரதிய ஜனதா கட்சி உத்தரப் பிரதேச மாநிலத்தில் இரண்டாம் முறையாக ஆட்சியை தக்க வைத்து கொண்டது. முதலமைச்சர் யோகி ஆதித்தியநாத் தலைமையிலான இரண்டாவது அமைச்சரவைக்கு, ஆளுநர் ஆனந்திபென் படேல் 25 மார்ச் 2022 அன்று பதவிப் பிரமாணமும், ரகசிய காப்புப் பிரமாணமும் செய்து வைத்தார்.[26][27]
Seat Sharing pact has been only announced for the first few phases. The party by party candidate number will be updated with either list announcement or confirmation from alliance members.