![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/85/Rafael_Nadal_10%252C_Aegon_Championships%252C_London%252C_UK_-_Diliff.jpg/640px-Rafael_Nadal_10%252C_Aegon_Championships%252C_London%252C_UK_-_Diliff.jpg&w=640&q=50)
ரஃபேல் நடால்
From Wikipedia, the free encyclopedia
இரஃபேல் "ரஃபா" நடால் பெரேரா (Rafael "Rafa" Nadal Parera; பிறப்பு: 3 சூன் 1986)[4] என்பவர் தொழில்முறை டென்னிசு வீரர் ஆவார். டென்னிசு தொழில்முறை விளையாட்டுக்காரர்கள் சங்கத்தின் புள்ளிவிவரத்தின் படி ஆண்கள் ஒற்றையர் பிரிவில் இவர் தரவரிசையில் நான்காவது இடத்தில் உள்ளார்[5]. களிமண் ஆடுகளங்களில் பல வெற்றிகளைப் பெற்றதினால் இவர் "கிங் ஆஃப் கிளே" என அழைக்கப்படுகிறார்.[6] அனைத்து விதமான ஆடுகளங்களிலும் சிறப்பான ஆட்டத்தை வெளிப்படுத்தியதன் மூலமாக டென்னிசு வரலாற்றில் சிறப்பான வீரராக அறியப்படுகிறார்[7]. 2022 சனவரியில் ஆஸ்திரேலிய டென்னிஸ் திறந்த சுற்றுப் போட்டியில் இரண்டாவது முறையாக வெற்றி பெற்றுள்ளதன்[8] மூலம் அதிக பெருவெற்றித் தொடர்களை வென்றுள்ள ஆடவர் என்ற பெருமையை அடைகிறார்[9] .
![]() 2015இல் நடால் | ||||||||||||||
முழுப் பெயர் | இரஃபேல் நடால் பரேரா | |||||||||||||
---|---|---|---|---|---|---|---|---|---|---|---|---|---|---|
நாடு | ![]() | |||||||||||||
வாழ்விடம் | மனகோர், மயோர்க்கா, எசுப்பானியா | |||||||||||||
பிறப்பு | 3 சூன் 1986 (1986-06-03) (அகவை 38) மனகோர், மயோர்க்கா, எசுப்பானியா | |||||||||||||
உயரம் | 1.85 m (6 அடி 1 அங்) (6 அடி 1 அங்)[1] | |||||||||||||
தொழில் ஆரம்பம் | 2001 | |||||||||||||
விளையாட்டுகள் | இடக்கை | |||||||||||||
பயிற்சியாளர் | டோனி நடால் (2005–2017) பிரான்சிசுக்கோ ரோயிக் (2005–) கார்லோசு மொயா (2016–) மார்க் லோப்பசு (2021–)[2] | |||||||||||||
பரிசுப் பணம் | US$127,121,385 [3]
| |||||||||||||
இணையதளம் | rafaelnadal.com | |||||||||||||
ஒற்றையர் போட்டிகள் | ||||||||||||||
சாதனைகள் | 1038–209 (83.24%) | |||||||||||||
பட்டங்கள் | 90 | |||||||||||||
அதிகூடிய தரவரிசை | இல. 1]] (18 ஆகத்து 2008) | |||||||||||||
தற்போதைய தரவரிசை | இல. 4 (06 சூன் 2022)[1] | |||||||||||||
பெருவெற்றித் தொடர் ஒற்றையர் முடிவுகள் | ||||||||||||||
ஆத்திரேலிய ஓப்பன் | வெ (2009, 2022) | |||||||||||||
பிரெஞ்சு ஓப்பன் | வெ (2005, 2006, 2007, 2008, 2010, 2011, 2012, 2013, 2014, 2017, 2018, 2019, 2020, 2022) | |||||||||||||
விம்பிள்டன் | வெ (2008, 2010) | |||||||||||||
அமெரிக்க ஓப்பன் | வெ (2010, 2013, 2017, 2019) | |||||||||||||
ஏனைய தொடர்கள் | ||||||||||||||
Tour Finals | இறுதி (2010, 2013) | |||||||||||||
ஒலிம்பிக் போட்டிகள் | ![]() | |||||||||||||
இரட்டையர் போட்டிகள் | ||||||||||||||
சாதனைகள் | 138–74 (65.09% ATP தொடர், கிராண்ட் சிலாம், டேவிசுக் கோப்பை) | |||||||||||||
பட்டங்கள் | 11 | |||||||||||||
அதியுயர் தரவரிசை | இல. 26 (8 ஆகத்து 2005) | |||||||||||||
தற்போதைய தரவரிசை | இல. 1156 (31 சனவரி 2022)[1] | |||||||||||||
பெருவெற்றித் தொடர் இரட்டையர் முடிவுகள் | ||||||||||||||
ஆத்திரேலிய ஓப்பன் | 3R (2004, 2005) | |||||||||||||
விம்பிள்டன் | 2R (2005) | |||||||||||||
அமெரிக்க ஓப்பன் | அரையிறுதி (2004) | |||||||||||||
ஏனைய இரட்டையர் தொடர்கள் | ||||||||||||||
ஒலிம்பிக் போட்டிகள் | ![]() | |||||||||||||
அணிப் போட்டிகள் | ||||||||||||||
டேவிசுக் கோப்பை | வெ (2004, 2008, 2009, 2011, 2019) | |||||||||||||
பதக்கத் தகவல்கள்
| ||||||||||||||
இற்றைப்படுத்தப்பட்டது: 31 சனவரி 2022. |
நடால் 22 முறை பெருவெற்றித் தொடர் (டென்னிசு) போட்டிகளில் வெற்றி பெற்றுள்ளார்.[4] இவருக்கும் ரோஜர் ஃபெடரருக்கும் புகழ்பெற்ற டென்னிஸ் எதிரிடை இருந்து வந்தது. ரோஜர் ஃபெடரர் உடன் 33 போட்டிகளை விளையாடி நடால் 23 போட்டிகளில் வெற்றி பெற்றுள்ளார். 2008 கோடைக்கால ஒலிம்பிக் விளையாட்டுப் போட்டியில் தங்கப் பதக்கம் வென்றார்.[10] நடால் 14 முறை பிரெஞ்சு ஓப்பன் விருது , 4 முறை யூ.எசு. ஓப்பன் விருது, இரு முறை விம்பிள்டன் கோப்பை விருது, இரு முறை ஆஸ்திரேலிய டென்னிஸ் திறந்த சுற்று விருதினையும் பெற்றுள்ளார். இவர் உறுப்பினராக இருந்த சமயத்தில் எசுப்பானியா ஆண்கள் பிரிவு அணி, நான்கு முறைகளில் 2004, 2008, 2009 மற்றும் 2011 ஆகிய ஆண்டுகளில் டேவிசுக் கோப்பை போட்டியில் வெற்றி பெற்றுள்ளது. டென்னிசு வரலாற்றில் பெருவெற்றித் தொடர் (டென்னிசு) போட்டியில் பட்டம் வென்ற ஏழாவது வீரர் எனும் பெருமையைப் பெற்றார். தனது 24 வயதில் இந்த சாதனையைப் படைத்தார்.
நடால் பெருவெற்றித் தொடர் (டென்னிசு) எனப்படும் பெருஞ் சிறப்புமிக்க போட்டியில் விம்பிள்டன் (இரு முறை வெற்றி), ஆஸ்திரேலிய ஓப்பன் (ஒரு முறை), ரோலான் கேரோஸ் (முன்னர் பிரெஞ்சு ஓப்பன் - 14 முறை), யூ.எஸ். ஓப்பன் (இரு முறை வெற்றி) ஆக மொத்தம் பதினான்கு கிராண்ட் சிலாம் போட்டிகளை வென்றுள்ளார். அன்ட்ரே அகாசிக்கு அடுத்தபடியாக ஒற்றையர் பிரிவில் பெருவெற்றித் தொடரில் கோப்பை வெல்லும் இரண்டாவது ஆண் வீரரானார். 2011 ஆம் ஆன்டிற்கான உலகின் சிறந்த விளையாட்டு வீரராகத் தேர்வானார்.[11]