ஆஸ்திரேலிய டென்னிஸ் திறந்த சுற்று
From Wikipedia, the free encyclopedia
ஆஸ்திரேலிய டென்னிஸ் திறந்த சுற்று (Australian Open, ஆஸ்திரேலிய ஓப்பன்) என்பது ஆண்டு தோறும் இடம்பெறு டென்னிஸ் கிராண்ட் சிலாம் போட்டிகளின் முதலாவதாகும். இச்சுற்றுப் போட்டி ஜனவரி மாதத்தில் ஆஸ்திரேலியாவின் மெல்பேர்ண் நகரில் இடம்பெறுகின்றது. முதற் தடவையாக இச்சுற்றுப் போட்டி 1905 ஆம் ஆண்டில் இடம்பெற்றது. 1987 ஆம் ஆண்டு வரையில் இப்போட்டிகள் புற்தரையிலேயே நடைபெற்று வந்தன. 1988 முதல் செயற்கையாக உருவாக்கப்பட்ட வன்தரைகளில் நடைபெற்று வருகின்றன.
ஆஸ்திரேலிய டென்னிஸ் திறந்த சுற்று ஆஸ்திரேலிய ஓப்பன் | ||
---|---|---|
![]() | ||
பெருவெற்றி தொடர் (கிராண்ட் சிலாம்) | ||
இடம் | மெல்பேர்ண்![]() | |
கூடும் இடம் | மெல்பேர்ண் பூங்கா | |
தரை | புல் தரை (1905–87) ரிபௌன்ட் ஏஸ் (1988–2007) பிலெக்சிகுசன் (2008–நிகழ்காலம்) | |
ஆண்கள் தேர்வு | 128S / 128Q / 64D | |
பெண்கள் தேர்வு | 128S / 96Q / 64D | |
பரிசுப் பணம் | A$30,000,000 (2013)[1] | |
அதிகாரபூர்வ இணையத்தளம் | ||
பெருவெற்றி (கிராண்ட் சிலாம்) தொடர்கள் | ||
ஏனைய கிராண்ட் சிலாம் போட்டிகளைப் போலவே இவற்றிலும் ஆண்கள், பெண்களுக்கான ஒற்றையர் ஆட்டம், ஆண்கள் இரட்டையர், பெண்கள் இரட்டையர், ஆண்-பெண் இரட்டையர், மற்றும், இளையோருக்கான போட்டிகள் ஆகியன இடம்பெறுகின்றன.
ஆஸ்திரேலிய கோடை காலத்தின் நடுப்பகுதியில் இப்போட்டிகள் இடம்பெறுவதனால், காலநிலை மிகவும் சூடாகவும், ஈரப்பதனுடனும் அநேகமாகக் காணப்படும்.
பொதுவாக இச்சுற்றுப் போட்டிகள் மிக அதிகமான பார்வையாளர்கள் ஈர்க்கின்றன. 2009 ஆண்டு போட்டிகளில் ஒரே நாளில் 66,018 பேர் பார்வையாளர்களாகக் கலந்து கொண்டனர்[2]. ஆஸ்திரேலியப் பொருளாதாரத்திற்கு இப்போட்டிகள் கிட்டத்தட்ட £38 மில்லியன்களை ஈட்டிக் கொடுக்கின்றன[3].