பகாவ்

பகாவ் (மலாய்: Bahau; ஆங்கிலம்: Bahau; சீனம்: 巴豪); என்பது தீபகற்ப மலேசியா, நெகிரி செம்பிலான் மாநிலத்தின், செம்போல் மாவட்டத்தில் (Jempol District) அமைந்து உள்ள ஒரு நகரம்.^[1] தவிர அந்த மாவட்டத்தின் மிக முக்கியமான நகரமும் ஆகும்.^[2]

பகாவ்
Bahau
நெகிரி செம்பிலான்
பகாவ் நகர் மணிக்கூண்டு
பகாவ்
ஆள்கூறுகள்: 2°48′35″N 102°23′59″E
நாடு	மலேசியா
மாநிலம்	நெகிரி செம்பிலான்
மாவட்டம்	செம்போல்
மக்கள்தொகை  (2010)
• மொத்தம்	36,645
நேர வலயம்	மலேசிய நேரம் ஒ.ச.நே + 08:00
மலேசிய அஞ்சல் குறியீடு	72100
மலேசியத் தொலைபேசி எண்கள்	+60
மலேசியப் போக்குவரத்துப் பதிவெண்கள்	N

இந்தப் பகாவ் நகரத்தின் பெயர் சீனச் சொற்றொடரில் இருந்து பெறப்பட்டு இருக்கலாம் என்று நம்பப் படுகிறது. பகாவ் என்றால் சீன மொழியில் "குதிரையின் வாய்" என்று பொருள்.

பொது

இந்த நகரத்திற்கு அருகில் மாசான் (Mahsan) எனும் பெயரில் ஒரு சிறுநகரம் உள்ளது. சீனர்கள் அதிகமாக வாழ்கிறார்கள். சீனக் காண்டோனீஸ் மொழியில் மாசான் என்றால் "குதிரையின் உடல்" என்று பொருள்.

பகாவ் நகரம், நெகிரி செம்பிலான் மாநிலத்தின் தலைநகரமான சிரம்பான் நகரில் இருந்து சுமார் 53 கி.மீ. தொலைவிலும்; மலேசியாவின் தலைநகர் கோலாலம்பூரில் இருந்து 88 கி.மீ. தொலைவிலும் உள்ளது.

வரலாறு

முன்பு காலத்தில் தீபகற்ப மலேசியாவின் உட்புறத்தில், மலாக்கா நகரத்தையும் பகாங் மாநிலத்தையும் இணைக்கும் ஒரு நீர் நிலப் பாதை இருந்தது. அந்தப் பாதையில் தான் இந்தப் பகாவ் நகரம் அமைந்து இருந்தது.

தீபகற்ப மலேசியாவின் மேற்கு கடற்கரையில் இருக்கும் மூவார் நிலப் பகுதிகளைக் கிழக்கு கடற்கரையில் உள்ள பகாங், பெக்கான் நிலப் பகுதியுடன் அந்தப் பாதை இணைத்தது.

சீனர்களின் வருகை

இழுக்கின்ற பாதை (லாலுவான் பெனாரிக்கான்) (Laluan Penarikan) என்று அந்தப் பாதையை அழைத்தார்கள். மூவார் ஆற்றையும்; பகாங் ஆற்றையும் இணைக்கும் பாதை. மலாக்கா நீரிணையில் இருந்து தென் சீனக் கடலுக்கு செல்லும் நீர்க் கப்பல்களின் பயணக் காலத்தை அந்த நீர் நிலப் பாதைச் சுருக்கியது.^[3][4][5]

1900-ஆம் ஆண்டுகளில், பகாவ், கோலா பிலா பகுதிகளில் ஈயம் இருப்பது கண்டுபிடிக்கப்பட்டது. சீனக் குடியேற்றவாசிகளின் வருகையும் பெருகியது. பகாவ் நகரம் நகரம் செழிக்கத் தொடங்கியது.

சீனக் குடியேற்றவாசிகள் பகாவ் நகரத்திற்கு அருகில் மாசான் எனும் நகரத்தை நிறுவினார்கள். ரப்பர் தொழில், எண்ணெய்ப் பனை தொழில் மற்றும் காட்டு மர வணிகம் போன்றவற்றில் ஈடுபட்டனர். அதன் பின்னர் பகாவ் நகரத்தின் பொருளாதாரத்தில் ஆதிக்கம் செலுத்தத் தொடங்கினார்கள். பகாவ் நகரமும் வளர்ச்சி அடைந்தது.

இரண்டாம் உலகப் போர்

இரண்டாம் உலகப் போரின் போது, சிங்கப்பூரில் இருந்து, ஜொகூர் மற்றும் நெகிரி செம்பிலானுக்கு மக்களை வெளியேற்றுவதற்கான ஏற்பாடுகள் செய்யப் பட்டன. சிங்கப்பூரில் அப்போது மக்கள் தொகை அதிகம். உணவு நிலைமை மோசமாக இருந்தது.

இதற்கு முன்னர் மலாயா அதிகாரிகள் பகாங் மாநிலத்தின் எண்டாவ் பகுதிக்கு சீனர்களை மறுக் குடியேற்றம் செய்தனர். வெற்றி கண்டனர். அதன் பிறகு சிங்கப்பூரில் வாழ்ந்த யூரேசியக் குடியேற்றவாசிகள். பகாவ் பகுதிக்கு அழைத்து செல்லப் பட்டனர். இருப்பினும், மலேரியா நோய் அந்தக் குடியேற்றத்திற்கு பெரும் தடையாக அமைந்தது.

மக்கள் தொகையியல்

பகாவ் நகரத்தின் மக்கள் தொகையில் அதிகமானவர்கள் சீனர்கள். இவர்கள் பகாவ் நகரத்தில் வாழ்கின்றனர். மலாய்க்காரர்கள் பெரும்பாலும் புறநகரில் உள்ள பெல்டா பகுதிகளைச் சேர்ந்தவர்கள். இந்தியர்கள், நகர்ப் புறங்களிலும் மற்றும் புறநகர் பகுதிகளில் உள்ள ரப்பர், எண்ணைய்ப் பனை தோட்டங்களிலும் வாழ்கின்றனர்.

அருகாமை நகரங்கள்

• மாசான் (Mahsan)
• ஜுவாசே (Juasseh)
• ரொம்பின் (Rompin)
• டாங்கி (Dangi)
• பத்து கிக்கிர் (Batu Kikir)

செம்போல் மாவட்டத்தில் உள்ள தமிழ்ப்பள்ளிகள்

மலேசியா; நெகிரி செம்பிலான்; செம்போல் மாவட்டத்தில் (Jempol District) 11 தமிழ்ப்பள்ளிகள் உள்ளன. 978 மாணவர்கள் பயில்கிறார்கள். 141 ஆசிரியர்கள் பணியாற்றுகிறார்கள். இந்தப் பள்ளிகள் அனைத்தும் பகாவ் நகரத்தின் சுற்று வட்டாரங்களில் அமைந்து உள்ளன.

பள்ளி எண்	இடம்	பள்ளியின் பெயர் மலாய்	பள்ளியின் பெயர் தமிழ்	அஞ்சல் குறியீடு	வட்டாரம்	மாணவர்கள்	ஆசிரியர்கள்
NBD6001	பகாவ் தோட்டம்	SJK(T) Ldg Bahau	பகாவ் தோட்டத் தமிழ்ப்பள்ளி	72100	பகாவ்	264	23
NBD6002	ஆயர் ஈத்தாம் தோட்டம்	SJK(T) Ladang Air Hitam	ஆயர் ஈத்தாம் தோட்டத் தமிழ்ப்பள்ளி	72120	பண்டார் ஸ்ரீ செம்போல்	91	14
NBD6003	கெடிஸ் தோட்டம்	SJK(T/Te) Ladang Geddes	கெடிஸ் தோட்டத் தமிழ் தெலுங்கு பள்ளி	72120	பண்டார் ஸ்ரீ செம்போல்	85	14
NBD6004	சுங்கை செபாலிங் தோட்டம்	SJK(T) Ladang Sg Sebaling	சுங்கை செபாலிங் தோட்டத் தமிழ்ப்பள்ளி	72100	பகாவ்	16	7
NBD6005	கெல்பின் தோட்டம்	SJK(T) Ldg Kelpin	கெல்பின் தோட்டத் தமிழ்ப்பள்ளி	73500	ரொம்பின்	24	9
NBD6006	செனாமா தோட்டம்	SJK(T) Ldg Senama	செனாமா தோட்டத் தமிழ்ப்பள்ளி	72100	பகாவ்	81	10
NBD6007	செயிண்ட் ஹெலியர் தோட்டம்	SJK(T) Ladang St Helier	செயிண்ட் ஹெலியர் தோட்டத் தமிழ்ப்பள்ளி	72100	பகாவ்	171	15
NBD6008	சியாலாங் தோட்டம்	SJK(T) Ldg Sialang	சியாலாங் தோட்டத் தமிழ்ப்பள்ளி	72100	பகாவ்	78	10
NBD6009	ஜெராம் பாடாங் தோட்டம்	SJK(T) Ldg Jeram Padang	ஜெராம் பாடாங் தோட்டத் தமிழ்ப்பள்ளி	72100	பகாவ்	24	10
NBD6010	ரொம்பின்	SJK(T) Dato' K.Pathmanaban	டத்தோ கு.பத்மநாபன் தமிழ்ப்பள்ளி	73500	ரொம்பின்	110	21
NBD6011	மிடில்டன் தோட்டம்	SJK(T) Ldg Middleton	மிடில்டன் தோட்டத் தமிழ்ப்பள்ளி	73500	ரொம்பின்	34	8

காட்சியகம்

• 
  மங்கள சாமுண்டிஸ்வரி ஆலயம்
• 
  பழைய புத்தகக் கடை
• 
  பகாவ் நகரம்
• 
  பகாவ் நகரத்தின் முதன்மைச் சாலை
• 
  மங்கள சாமுண்டிஸ்வரி ஆலயத்தில் மலேசிய இந்தியப் பெண்கள்

மேற்கோள்கள்

1. "Bahau in the Malayan state of Negeri Sembilan was established as an agricultural settlement". பார்க்கப்பட்ட நாள் 12 December 2021.
2. "Facts and figures on Bahau at a glance". பார்க்கப்பட்ட நாள் 13 December 2021.
3. Maps of Malaysia and Borneo: Discovery, Statehood and Progress, By Fr Durand, Richard Curtis
4. Rizuan Abdul Hamid (4 May 2021). "Laluan Silam: Sejarah, Lagenda dan Rahsia" [Ancient Route: History, Legend and Secret]. Alternatif. Archived from the original on 14 டிசம்பர் 2021. பார்க்கப்பட்ட நாள் 12 December 2021. {{cite web}}: Check date values in: |archive-date= (help)
5. Leaves of the Same Tree: Trade and Ethnicity in the Straits of Melaka, By Leonard Y. Andaya

மேலும் காண்க

• பத்து கிக்கிர்
• பகாவ் தொடருந்து நிலையம்
• செம்போல் மாவட்டம்
• கெமாயான்
• திரியாங்
• கோலா பிலா

வெளி இணைப்புகள்

• பொதுவகத்தில் Bahau தொடர்பாக ஊடகக் கோப்புகள் உள்ளன.