![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5d/Jalan_Sungai_Besi_%2528northward%2529%252C_Salak_South_town%252C_Kuala_Lumpur.jpg/640px-Jalan_Sungai_Besi_%2528northward%2529%252C_Salak_South_town%252C_Kuala_Lumpur.jpg&w=640&q=50)
சாலாக் செலாத்தான்
From Wikipedia, the free encyclopedia
சாலாக் செலாத்தான், (மலாய்: Bandar Salak Selatan; ஆங்கிலம்: Salak South;) என்பது மலேசியா, கோலாலம்பூர் மாநகரத்தில் (Federal Territory of Kuala Lumpur) சுங்கை பீசி பகுதியில் உள்ள ஒரு புறநகரம். இந்தப் புறநகர்ப்பகுதி கோலாலம்பூர் பெருநகரின் தெற்குப் பகுதியில்; பெரு நகர மையத்தில் இருந்து சுமார் 12 கி.மீ. தொலைவில் கூச்சாய் லாமா, மற்றும் புக்கிட் ஜாலில் புறநகர்ப் பகுதிகளுக்கு அருகில் அமைந்துள்ளது.[1]
சாலாக் செலாத்தான் | |
---|---|
Salak Selatan | |
![]() | |
![]() சாலாக் செலாத்தான் | |
![]() | |
ஆள்கூறுகள்: 3°6′6″N 101°42′20″E | |
நாடு | ![]() |
கூட்டரசு நிலப்பகுதி | ![]() |
நகர்ப்புறம் | பண்டார் தாசேக் செலாத்தான் |
நாடாளுமன்றத் தொகுதி | பண்டார் துன் ரசாக் |
அரசு | |
• நகராண்மை | கோலாலம்பூர் மாநகராட்சி (DBKL) |
நேர வலயம் | மலேசிய நேரம் ஒ.ச.நே + 08:00 |
மலேசிய அஞ்சல் குறியீடு | 5710 0 |
மலேசியத் தொலைபேசி எண் | +6-03 22 |
மலேசியப் போக்குவரத்துப் பதிவெண் | W V |
இணையதளம் | www.dbkl.gov.my |
சாலாக் செலாத்தான் நகரத்தின் மையத்தில் உள்ள சாலாக் சாலை, நகரத்தின் முக்கிய வணிகச் சாலையாகும். 80-க்கும் மேற்பட்ட பழைய கடைகள் அங்கு வரிசையாக உள்ளன. அவை தொடக்ககால கடைகள்; ஏறக்குறைய நூறு ஆண்டுகள் பழமையானவை.[1]
1948 முதல் 1960 வரை 12 ஆண்டுகள் நீடித்த மலாயா அவசரகாலத்தின் போது பிரித்தானிய மலாயா நிர்வாகம் மலாயா தேசிய விடுதலை இராணுவத்திலிருந்து கிராம மக்களை தனிமைப்படுத்த வேண்டியிருந்தது. அதன் காரணமாக அப்போது 1952- இல் புதிய சாலாக் செலாத்தான் கிராமம் நிறுவப்பட்டது.[2]