![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7d/Shashi_Tharoor_WEF.png/640px-Shashi_Tharoor_WEF.png&w=640&q=50)
சசி தரூர்
இந்திய அரசியல்வாதி / From Wikipedia, the free encyclopedia
சசி தரூர் (Shashi Tharoor) (பிறப்பு 9 மார்ச் 1956) இந்தியாவின் முன்னாள் மனிதவள மேன்பாட்டுத் துறை அமைச்சரும், முன்னாள் வெளியுறவுத்துறை இணையமைச்சரும் மற்றும் கேரளாவின் திருவனந்தபுரம் மக்களவை தொகுதியிலிருந்து தேர்ந்தெடுக்கப்பட்ட மக்களவை உறுப்பினரும் ஆவார். இவர் முன்னர் ஐ.நாவின் துணை பொதுசெயலராக (தொடர்பு மற்றும் பொது தகவல்) பதவி வகித்தவர். 2006ஆம் ஆண்டில் ஐக்கிய நாடுகள் அவையின் பொது செயலாளர் பதவிக்கான போட்டியில் இந்தியாவினால் அதிகாரபூர்வமாக நியமிக்கப்பட்டு போட்டியிட்ட எழுவரில் இரண்டாவதாக வந்தவர்.[2] இவர் எழுத்தாளர், பத்தியாளர், தாளியலாளர், மனித உரிமை வழக்கறிஞர் என பன்முகப்பட்டவர். பல உதவி நிறுவனங்களில்,பன்னாட்டு செஞ்சிலுவை சங்கங்கள் போன்றவற்றில், அறிவுரையாளராகவும் பணியாற்றுகிறார்.
சசி தரூர் | |
---|---|
![]() சசி தரூர் | |
இந்திய மனித வள மேன்பாட்டுத் துறை அமைச்சர் | |
பதவியில் 28 அக்டோபர் 2012-26 மே 2014 | |
பிரதமர் | மன்மோகன் சிங் |
முன்னையவர் | டக்குபட்டி புரந்தேசுவரி |
மக்களவை உறுப்பினர் | |
பதவியில் உள்ளார் | |
பதவியில் 2009 | |
முன்னையவர் | இரவீன்திரன் |
தொகுதி | திருவனந்தபுரம் |
இந்திய வெளிவிவகாரத் துறை அமைச்சர் | |
பதவியில் 28 மே 2009 – 18 ஏப்ரல் 2010 | |
பிரதமர் | மன்மோகன் சிங் |
முன்னையவர் | ஆனந்த் சர்மா |
பின்னவர் | இ. அகமது |
தனிப்பட்ட விவரங்கள் | |
பிறப்பு | 9 மார்ச்சு 1956 (1956-03-09) (அகவை 68) இலண்டன், ஐக்கிய இராச்சியம் |
துணைவர்(கள்) | திலோத்தமா முகர்ஜி (மணமுறிவு) கிறிஸ்டா கைல்சு (மணமுறிவு) சுனந்தா புஷ்கர் (2010–2014, மரணம்)[1]. |
பிள்ளைகள் | இசான், கனிசுக் |
வாழிடம் | புது தில்லி/திருவனந்தபுரம் |
முன்னாள் கல்லூரி | புனித இசுடீபன் கல்லூரி, தில்லி இளங்கலை) டஃப்ட்சு பல்கலைகழகம் (முதுகலை, சட்ட மேற்படிப்பு, முனைவர்) |
வேலை | எழுத்தாளர், பேச்சாளர், அரசியல்வாதி |
இணையத்தளம் | tharoor.in |
2009 இந்திய மக்களவை தேர்தலில் திருவனந்தபுரம் தொகுதியில் இந்திய தேசிய காங்கிரஸ் கட்சியின் வேட்பாளராக போட்டியிட்டு 99998 வாக்குகளில் வெற்றிபெற்றார். 2009, 2014-ஆம் ஆண்டுகளில் திருவனந்தபுரம் மக்களவைத் தொகுதியில் போட்டியிட்டு வென்றார்.[3]