From Wikipedia, the free encyclopedia
San Marino, Republika San Marino (it. Repubblica di San Marino) , tyż Nojjaśnijszo Republika San Marino (it. Serenissima Repubblica di San Marino) – niysroge państwo we połedniowyj Ojropje, kere je ynklawům postrzůd Italije. Je rozlygowane we Apyńińskij Půłwyspje, we půłnocno-wschodnij tajli Apyńińskigo Půłwyspa. Jigo wjyrch je yno 61 km2, mjyszko sam wele 32 000 ludziůw. Głůwne mjasto mjanuje sie tak kej cołke państwo - San Marino. Je to nojmyńszy ferajńista Rady Ojropy.
Serenissima Repubblica di San Marino San Marino | |||||
| |||||
Motto: (łaćińsko) Libertas (Swoboda) | |||||
Hymn: Inno Nazionale (Hymn Narodowy) | |||||
![]() | |||||
Uoficjalno godka | italsko godka | ||||
Stolica | San Marino | ||||
Polityczny systym | Republika | ||||
Gowa państwa | Kapitan Rygynt Alessandro Rossi Milena Gasperoni | ||||
Przikludziorz regjyrunku | Sekretorz Stanu do Sprow Politycznych a Zagranicznych San Marino Luca Beccari | ||||
Rozlygowańy • cołkowity • strzůdlůndowe wody |
190. we śwjeće 61,6 km² km² 0% | ||||
Liczba ludźi (2012) • cołkowito • gynstość zaludńyńo |
215. we śwjeće 32 576 520 osůb/km² | ||||
Religijo (głůwno) | |||||
Waluta | ojro (EUR, €) | ||||
Czasowo zůna | UTC +1 – źima UTC +2 – lato | ||||
Kod ISO 3166 | SM | ||||
Necowo důmyna | .sm | ||||
Automobilowy kod | RSM | ||||
Telefůniczny kod | +378 | ||||
Autůnůmiczne terytoryja | |||||
San Marino je poważane za nojstarszo durch egzisterujůnco republika na świecie, kontynuuje tradycjo zakůnu, kery powstoł 3 września 301 goda uod Marinusa ze Arby. Podug powjarki Marinus wyjechoł ze Rab (růmańskij kůlůńije Arby), kiej prziszły kajzer Diocletian wydoł byfel, coby uodbudować mury mjasta Rimini, zniszczůne uod piratůw.
Państwowo ekůnůmijo uopjyro śe na financach, industryji, usugach a turystyce. GDP na perzůna je sam 36 200 dollarůw, co dowo uůnym 39. plac na wykoźe państw śwjata, a 18. we Ojropje[1]. Je poważane za nojbarzi stało eknůmijo, majům fest mało ludziůw bez roboty, niyma sam pożyczek publicznych ani debetu.[2]
San Marino je ynklawům we terytoryjům Italije, graniczno lyńijo dwůch państwůw mo 39 km. leży pojstrzůd regijůnůama Emilia Romagna a Marche, kole 10 kilomyjtrůw uode brzyga Adrjatyckigo Morzo. Landszaft je zdůminowany bez Apyńiny, cołki kraj to sům leko gůrziste teryny, beztůż yno 17% kraju nadowo śe do uprawy. Nojwyższy plac to je wjyrch Monte Titano, kery mo 749 myjtry nade morzym, nojńiży je rzyka Ausa, kero je na poźůmje yno 55 myjtrůw. Bez San Marino płynům krům Ausy rzyki Marano a San Marino, ńyma żodnych wjynkszych jeźorůw abo inkszych akwynůw. Je to trzeći uod kůńca podug wjelkości kraj Ojropy, myńsze sům yno Watykůn a Můnako.
Klimat San Marino je strzůdźymnomorski ze ajnflusym kůntinyntalnym. Je sam gorko we lato a źimno we źima. Nojwyższo strzedńo tymperatura je we lipcu a śyrpńu - 27 °C, a nojźimńi we styczńu, ynoć 6 °C[3].