Jumatatu
moja ya siku saba za wiki From Wikipedia, the free encyclopedia
moja ya siku saba za wiki From Wikipedia, the free encyclopedia
Jumatatu ni siku ya pili katika juma (wiki) ya siku saba yenye asili ya kiyahudi-kikristo. Iko kati ya siku za Jumapili na Jumanne.
Kuna nchi zilizobadilisha hesabu kufuatana na kawaida ya "wikendi" kwenye siku za Jumamosi/Jumapili ambako Jumatatu ni siku ya kwanza katika juma ya kazi hivyo inahesabiwa kama siku namba "1" ya wiki katika kalenda rasmi za serikali hata kama jumuiya za kidini zinasisitiza hesabu ya kibiblia.
Katika lugha ya Kiswahili jina la siku lina namba "3" ndani yake. Hii ni dokezo la asili ya Kiswahili katika utamaduni ya Kiislamu pasipo na athira ya Uyahudi unaoanza hesabu baada ya sikukuu ya Kiislamu ya Ijumaa siku ya sala ya pamoja: Jumamosi kama siku ya kwanza baada ya Ijumaa, Jumapili kama siku ya pili, Jumatatu kama siku ya tatu n.k.. Tabia hii katika Kiswahili ni ya pekee hasa kwa sababu Kiarabu ambacho ni lugha ya Korani takatifu na lugha ya kimataifa ya Waislamu kinafuata hesabu ya Kiyahudi na kuiita siku "ya pili".
Katika lugha mbalimbali za Ulaya siku hii ina jina la "mwezi". Lugha hizi kama Kiingereza, Kifaransa au Kijerumani zinaendeleza urithi wa Roma ya Kale na zaidi wa Babiloni ambako kila siku ya wiki ilikuwa chini ya mungu fulani aliyeonekana kama nyota.
Lugha | Matamshi | Maana | Maelezo |
---|---|---|---|
Kiebrania | יום שני jom schenai | siku ya pili | |
Kigiriki | Δευτέρα deutéra | (siku) ya pili | |
Kiarabu | الاثنين al-ithnayn | (siku) ya pili | ي |
Kiajemi | دوشنبه do-schanbe | siku ya pili | |
Kireno | Segunda-feira | siku ya pili | |
Kilatini | dies lunae | Siku ya mwezi | |
Kiitalia | lunedì | Siku ya mwezi | |
Kihispania | lunes | Siku ya mwezi | |
Kifaransa | lundi | Siku ya mwezi | |
Kijerumani | Montag | Siku ya mwezi | |
Kiingereza | Monday | Siku ya mwezi | |
Kituruki | Pazartesi | baada ya Jumapili (=pazar) | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.