Chama cha Mpira wa Kikapu Marekani

Chama cha Mpira wa Kikapu Marekani (kwa Kiingereza: National Basketball Association au kifupi NBA) ni chama cha kitaifa cha timu za mpira wa kikapu zinazocheza katika ligi kuu huko Amerika ya Kaskazini ikijumuisha timu 29 toka Marekani na timu 1 toka Kanada. Ni moja ya ligi kubwa za kulipwa za mpira wa kikapu nchini Marekani na Kanada na ni ligi kubwa kabisa ya mpira wa kikapu duniani.

Nembo ya NBA

Ligi hii ilianzishwa huko New York City Juni 6, 1946 ikiwa na timu 11, ikiitwa Chama cha Mpira wa Kikapu Amerika (BAA). Ilichukua jina lake la sasa Agosti 3, 1949 baada ya kuungana na mshindani wake Ligi ya Kitaifa ya Mpira wa Kikapu National Basketball League (NBL).

Msimu wa ligi hii huanza Oktoba na kumalizika Aprili, kila timu ikicheza michezo 82. Wachezaji wa ligi hii ni wachezaji wanaolipwa mshahara mkubwa duniani kwa kutazama wastani wa mshahara kwa mwaka.^[1][2]

Chama hiki ni mwanachama wa USA Basketball (USAB),^[3] chama kinachotambuliwa na [Shirikisho la Kimataifa la Mpira wa Kikapu]] (the International Basketball Federation - FIBA). Makao yake makuu yako Midtown Manhattan, wakati studio za NBA Entertainment na NBA TV ziko Secaucus, New Jersey.

Orodha ya timu za ukanda wa Mashariki (kwa Kiingereza: "Eastern Conference"):

1. Atlanta Hawks
2. Boston Celtics
3. Charlotte Hornets
4. Chicago Bulls
5. Cleveland Cavaliers
6. Detroit Pistons
7. Indiana Pacers
8. Miami Heat
9. Milwaukee Bucks
10. New Jersey Nets
11. New York Knicks
12. Orlando Magic
13. Philadelphia 76ers
14. Toronto Raptors
15. Washington Wizards

Orodha ya timu za ukanda wa Magharibi (kwa Kiingereza: "Western Conference"):

1. Dallas Mavericks
2. Denver Nuggets
3. Golden State Warriors
4. Houston Rockets
5. Los Angeles Clippers
6. Los Angeles Lakers
7. Memphis Grizzlies
8. Minnesota Timberwolves
9. New Orleans Pelicans
10. Oklahoma City Thunder
11. Phoenix Suns
12. Portland Trail Blazers
13. Sacramento Kings
14. San Antonio Spurs
15. Utah Jazz