From Wikipedia, the free encyclopedia
Watu weusi ni msamiati unaotumika mara nyingi kumaanisha watu kutoka Afrika kusini kwa Sahara au watu wenye asili kutoka hapa.
Lakini si istilahi kamili kwa sababu kwanza kuna tofauti kubwa duniani ni watu gani wanaotazamwa kuwa "weusi" halafu kuna pia watu wenye rangi ya ngozi hiyo (nyeusi kiasi au ya kahawia) katika maeneo mbalimbali ya dunia, kuanzia India kusini kupitia Papua Guinea Mpya, Australia hadi Visiwa vya Melanesia ("visiwa vya Watu Weusi") katika Bahari ya Pasifiki, ambao wote hawana uhusiano na Afrika zaidi ya binadamu wote.
Halafu wako watu wengi wenye asili ya Afrika waliopelekwa Amerika kama watumwa tangu karne ya 16. Wengi wao wametokana kwa viwango tofauti na mababu ambako wakati fulani mabwana Wazungu walizaa na watumwa wa kike wenye rangi tofauti; ilhali watoto wa mama mtumwa alitazamiwa kuwa mtumwa hao wote walihesabiwa kama "watu weusi" hata kama urithi wa kimwili wa kizungu ulizidi urithi wa kimwili wa Kiafrika. Katika majimbo ya kusini ya Marekani (awali ya "shirikisho") ubaguzi wa rangi uliendelea vikali baada ya mwisho wa kisheria wa utumwa kwa kutenga kwa kuainisha wakazi wote kwa makundi ya "weupe" na "weusi"; hapa walitumia kanuni ya "One-drop rule (sheria ya "tone moja") iliyomwainisha mtu yeyote kuwa "mweusi" akijulikana kuwa na mhenga mmoja Mwafrika katika historia yake, bila kujali rangi yake halisi.[1][2]
Pamoja na hayo, siku hizi wengi wanaona msamiati huo si sahihi wala haina adabu, kwa jinsi unavyotumika.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.