Salve Regina

"Salve Regina" (tamka:ˈsalve reˈdʒiːna; maana yake: 'Salamu Malkia') ni utenzi wa Kikristo unaotumika katika liturujia ya Kanisa la Kilatini hasa kama antifona mojawapo ya kumalizia Sala ya mwisho nje ya Kipindi cha Pasaka. Kwa kawaida unatumika pia kumalizia sala ya Rozari^[1].

Madonna kadiri ya Raffaello Sanzio.

Salve Regina ikiimbwa na Les Petits Chanteurs de Passy. (Nota chini.)

Salve Regina kwa muziki wa fahari.

Utenzi huo ulitungwa na mtu asiyejulikana^[2] wa Ulaya katika Karne za Kati na ulitumika kwanza kwa lugha ya Kilatini, ingawa kuna tafsiri zake nyingi.

Maneno asili kwa Kilatini

Madonna kadiri ya Tiepolo, 1760.

Salve, Regina, Mater misericordiæ,

vita, dulcedo, et spes nostra, salve.

Ad te clamamus exsules filii Hevæ,

Ad te suspiramus, gementes et flentes

in hac lacrimarum valle.

Eia, ergo, advocata nostra, illos tuos

misericordes oculos ad nos converte;

Et Jesum, benedictum fructum ventris tui,

nobis post hoc exsilium ostende.

O clemens, O pia, O dulcis Virgo Maria.^[3]

Tafsiri ya Kiswahili

Salamu Malkia, Mama mwenye huruma,

Uzima, tulizo na matumaini yetu, salamu.

Tunakusihi ugenini hapa,

Sisi wana wa Eva.

Tunakulilia tukilalamika na kuhuzunika,

Bondeni huku kwenye machozi.

Haya basi, Mwombezi wetu,

Utuangalie kwa macho yako yenye huruma.

Na mwisho wa ugeni huu, utuonyeshe Yesu,

Mzao mbarikiwa wa tumbo lako.

Ee mpole, ee mwema,

Ee mpendevu, Bikira Maria.^[4]

Miziki yake

Utenzi huo ulipambwa kwa muziki na Tomás Luis de Victoria, Giovanni da Palestrina, Josquin des Prez, Lassus, Marc-Antoine Charpentier, Louis-Nicolas Clérambault, Alessandro Scarlatti, Antonio Vivaldi, Jan Dismas Zelenka, George Frideric Handel na Franz Liszt.

Franz Schubert alitunga walau miziki saba tofauti. Wengine ni Francis Poulenc, Arvo Pärt na Olivier Latry.

Tanbihi

1. ""The Rosary: Salve Regina (Hail, Holy Queen)", Godzdogz, Blackfriars, Oxford, October 2, 2014". Ilihifadhiwa kwenye nyaraka kutoka chanzo mnamo 2020-12-02. Iliwekwa mnamo 2022-01-16.
2. Lawrence Gushee, "Hermannus Contractus [Hermann der Lahme, Hermann von Reichenau]," in The New Grove Dictionary of Music and Musicians, 2nd edition (2001): "Although the most venerable ascriptions to Hermannus – the Marian antiphons Alma Redemptoris mater and Salve regina – have been taken away by most recent scholarship, the true authorship is still, and possibly will be for ever, the subject of controversy."
3. "Salve Regina". Preces-latinae.org. Iliwekwa mnamo 2014-07-10.
4. Misale ya waamini, uk. 1528.

Viungo vya nje

Wikimedia Commons ina media kuhusu:

Salve Regina

Wikiquote ina mkusanyiko wa dondoo kuhusu:

Salve Regina

• Latin lyrics sung by the Benedictine Monks of Santo Domingo de Silos.
• "Salve Regina", International Marian Research Institute, University of Dayton