Dragoni-matope

Dragoni-matope (kutoka kwa kiing. mud dragon) ni wanyama wadogo wa bahari wa faila Kinorhyncha walioenea sana kwenye matope na mchanga kwa vina vyote miongoni mwa wanyama wadogo wa sakafu. Spishi za kisasa ni mm 1 au chini, lakini zamani za kale walikuwa hadi sm 4^[1].

Kiolezo cha Echinoderes akionyesha jinsi ya kusogea na kurudisha kichwa ndani.

Dragoni-matope
Uainishaji wa kisayansi
Himaya: Animalia Nusuhimaya: Eumetazoa (bila tabaka): Bilateria (bila tabaka): Prostomia Faila ya juu: Ecdysozoa Faila: Kinorhyncha Reinhard, 1881
Ngazi za chini
Ngeli 2, oda 3 Cyclorhagida Zelinka, 1896 Echinorhagata Sørensen et al., 2015 Kentrorhagata Sørensen et al., 2015 Xenosomata Zelinka, 1907 Allomalorhagida Sørensen et al., 2015

Dragoni-matope ni wanyama wenye pingili wasio na miguu na huwa mwili unaojumuisha kichwa, shingo na kiwiliwili cha pingili kumi na moja. Tofauti na invertebrata sawa hawana silio ya nje, lakini badala yao wana idadi ya miiba kando ya mwili pamoja na duara hadi saba za miiba kuzunguka kichwa^[2]. Miiba hii hutumika kwa kusogea wakisukuma kichwa mbele na kisha kushika uso wa chini kwa miiba na kuvuta mwili.

Dragoni-matope hula diatoma au dutu ya kioganiki zinazopatikana kwenye matope kulingana na spishi. Mdomo uko katika muundo wa koni kwenye ncha ya kichwa na hujifungua kwenye koromeo na kisha umio, yote mbili zilizofunikwa kwa kutikulo. Jozi mbili za tezi za mate na jozi moja au zaidi ya "tezi za kongosho" huunganisha kwenye umio na zinaonekana kutoa vimeng'enya vya kumeng'enya chakula. Mbele ya umio kuna aina ya tumbo pana linalochanganya kazi za tumbo na utumbo na kunyonya virutubisho. Utumbo mfupi wa nyuma umefunikwa na kutikulo na kumwaga kupitia mkundu kwenye ncha ya nyuma ya kiwiliwili.^[3]

Marejeo

1. 'Mindblowing' haul of fossils over 500m years old unearthed in China | Science | The Guardian
2. Brusca, Richard C; Brusca, Gary J (2003). Invertebrates. ISBN 978-0-87893-097-5. page 347
3. Barnes, Robert D. (1982). Invertebrate Zoology. Philadelphia, PA: Holt-Saunders International. ku. 286–288. ISBN 978-0-03-056747-6.