Chombo cha usafiri kwenye maji
From Wikipedia, the free encyclopedia
Chombo cha majini au chombo cha usafiri kwenye maji ni kitu kinachotumiwa kusafiria kwenye maji kama vile baharini, mtoni au ziwani. Vyombo hivyo vinapatikana vidogo na vikubwa vikiitwa mtumbwi, boti, mashua, mtepe, jahazi au meli; vikitumiwa kuvusha abiria au mizigo kwa umbali mdogo huitwa feri.
Vyombo vya maji vinatofautishwa pia kutokana na jinsi zinavyoendeshwa majini, kwa mfano
- Chombo kinachoendeshwa na mwendo wa maji, hasa mtoni, kama vile chelezo
- chombo kinachoendeshwa kwa nguvu ya misuli ya watu, kwa mfano kwa kuvuta kasia
- chombo kinachoendeshwa kwa nguvu ya upepo
- chombo kinachoendeshwa kwa nguvu ya injini, kama vile injini ya mvuke, injini ya mwako ndani ya petroli au diseli au kwa injini ya umeme.