Eléktrostatika mangrupa cabang élmu alam anu neuleuman fénoména éléktrostatik anu diakibatkeun ku muatan listrik stasionér. Fénoména ieu kaasup ti mimiti nu basajan mangrupa némpélna bungkus palastik kana leungeun anjeun sanggeus anjeun ngaleupaskeun éta bungkusan tina objék nu dibungkus nepi ka fénoména ruksakna komponén-komponén éléktronik salila dijieunna alat éléktronik, nepi ka cara gawéna mesin fotokopi. Éléktrostatik lumangsung lantaran numpukna muatan dina luhureun beungeut hiji objék nu paantel jeung beungeut ébjek lianna. Muatan-muatan ieu tetep némpél dina objék kasebut nepi ka maranéhna leupas kana taneuh atawa sacara gancang dinétralkeun ku hiji paleupas muatan: contona fénomena nu kasohor "kagét statik" dilantarankeun ku nétralisasi muatan nu numpuk dina awak akibat padantel jeun beungeut objék non-konduktif.