Dina fisika, médan magnétik nyaéta hiji médan anu nembus rohangan sarta ngeprakkeun gaya magnétik kana muatan listrik jeung batang magnétik dua kutub. Médan magnétik ngurilingan arus listrik, batang magnét dua kutub, sarta médan listrik anu barobah.
Garis médan magnétik anu dipintonkeun ku bubuk beusi.
Mangsa ditempatkeun dina hiji medan magnétik, batang magnétik ngalempengkeun sumbuna supaya sajajar jeung médan magnétik, saperti bisa kasaksén lamun bubuk beusi aya di sabudeureun hiji magnét (tempo gambar di beulah kénca). Médan magnétik ogé boga énergi jeung moméntum sorangan, kalayan rapat énergina sabanding jeung kuadrat tina inténsitas médan. Médan magnétik diukur maké hijianteslas (hijianSI) atawa gauss (hijian cgs).
Aya sababaraha sifat médan magnétik anu katempo. Pikeun fisika nu ngabahas bahan magnétik, tempo magnétisme jeung magnét, sarta pikeun leuwih jero tempo ferromagnétisme, paramagnétisme, jeung diamagnétisme. Pikeun médan magnét nu tetep, saperti anu dihasilkeun ku batang magnétik dua kutub anu stasionér jeung arus anu tetep, tempo magnétostatika. Pikeun médan magnétik anu dihasilkeun ku médan listrik anu barobah, tempo éléktromagnétisme.
Médan listrik jeung médan magnét mangrupa unsur-unsur anu ngawangun médan éléktromagnétik.