From Wikipedia, the free encyclopedia
Subadra (Sansekerta: सुभद्रा) (dina talari pawayangan Sunda jeung Jawa) mangrupa salah sahiji inohong penting dina Wiracarita Mahabarata, carita épik Hindu. Manéhna mangrupa puteri Prabu Basudéwa (Raja di Karajaan Suraséna), sarta ogé mangrupa baraya téré Kresna. Subadra ieu anu mangrupa pawujudan ti Déwi Sri ieun nyaéta pamajikan kahiji ti Arjuna (putra Pandu katilu), sarta indungna Abimanyu.
| Subadra | |
 Arjuna sarta Subadra (katuhu). (Lukisan India karya Raja Ravi Varma) | |
| Déwanagari: | सुभद्रा |
| Éjahan Sansakerta: | Subhadrā |
| Asal: | Karajaan Dwaraka |
| Papasangan: | Arjuna |
Subadra lahir minangka anak bungsu pasangan Basudéwa jeung Rohini. Subadra dilahirkan sanggeus kadua lanceukna, nyaéta Kresna jeung Baladéwa, ngabébaskeun Basudéwa anu dikurung ku Kamsa di pangbérokan jero taneuh. Saterusna Ugraséna, bapana Kamsa, diangkat deui jadi raja di Madura sarta Subadra hirup salaku puteri bangsawan di karajaan kasebut babarengan jeung kulawargana.
Waktu Arjuna ngajalanan mangsa pangbuangan alatan tanpa ngahaja ngaganggu Yudistira anu keur saré jeung Drupadi, manéhna nganjang ka Dwaraka, nyaéta panyicingan misanana anu ngaranna Kresna lantaran indungna Arjuna (Kunti) duduluran jeung bapana Kresna (Basudéwa). Di dinya Arjuna papanggih jeung Subadra sarta ngalaman nuansa romantis jeung Subadra. Kresna ogé nyaho hal kasebut sarta ngaharepkeun Arjuna kawin ka Subadra. Harita status Arjuna téh salaki anu mibanda tilu pamajikan, nyaéta Drupadi, Chitrangada, jeung Ulupi. Jadi Subadra téh pamajikan kaopat Arjuna.
Subadra jeung Arjuna mibanda saurang anak nu dingaranan Abimanyu. Waktu Pandawa éléh maén dadu ku Kurawa, maranéhanana kudu ngajalanan mangsa pangbuangan salila dua belas taun, ditambah mangsa nyamur salila sataun. Subadra jeung Abimanyu ngadumuk di Dwaraka samentara Pandawa gasingkan diri di leuweung. Dina mangsa harita Abimanyu tumuwuh jadi lalaki anu gagah sarta sarimbag jeung bapana.
Sabot perang rongkah di Kurusetra, para lalaki turun jurit samentara para wanoja cicing di imah maranéhanana. Abimanyu jeung Arjuna milu perang di médan laga sarta ninggalkeun Subadra di Dwaraka. Dina waktu éta umur Abimanyu 16 taun. Waktu perang lekasan, ngan Arjuna anu salamet samentara sakumna anakna pada gugur, kaasup Abimanyu anu pohara dipikacinta ku Arjuna jeung Subadra. Tapi saméméh gugur, Abimanyu geus kawin jeung Utari sarta mibanda saurang anak nu dingaranan Parikesit. Parikesit saterusna jadi raja Astinapura ngagantikeun Yudistira, uwana. Subadra jadi panasehat sarta guru pikeun incuna kasebut.
Di India, Subhadra (सुभद्रा ) jadi salah sahiji ti tilu déwi anu dipuja di Kuil Jagannath di Puri, babarengan jeung lanceukna nyaéta Kresna jeung Balarama (atawa Balabhadra). Salah sahiji karéta dina Rata Yatra anu diayakeun sacara taunan didedikasikan pikeun Subadra.
| Wiracarita Mahabarata ku Krishna Dwaipayana Wyasa | |
|---|---|
| Para palaku | |
| Dinasti Kuru | Palaku séjén |
| Santanu | Bisma | Satyawati | Citrānggada | Wicitrawirya | Ambika | Ambalika | Widura | Dréstarata | Gandari | Sangkuni | Subadra | Pandu | Kunti | Madrim | Yudistira | Bima | Arjuna | Nakula | Sadéwa | Duryodana | Dursasana | Yuyutsu | Dursala | Drupadi | Arimbi | Gatotkaca | Ahilawati | Utara | Utari | Ulupi | Citrānggadā | Amba | Barbarika | Babruwahana | Irawan | Abimanyu | Parikesit | Wirata | Kicaka | Krépa | Dorna | Aswatama | Ékalaya | Kertawarma | Jarasanda | Satyaki | Mayasura | Durwasa | Sanjaya | Janaméjaya | Abiyasa | Karna | Jayadrata | Kresna | Baladéwa | Drupada | Arimba | Dréstajumena | Burisrawa | Salya | Adirata | Srikandi | Rada |
| Jejer pamungkas | |
| Pandawa Lima | Kurawa | Astinapura | Indraprahasta | Karajaan dina Mahabarata | Perang di Kurusétra | Bagawad Gita | Karajaan Kuru | Silsilah Pandawa jeung Kurawa | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
