Bubur lolos mangrupa bubur nu dijieun tina bahan utamana tipung béas, dibungkusna ku cara digulungkeun jero daun cau beunang ngulasan ku minyak keletik nepi ka lamokot.[1] Bubur lolos sok dipaké hajat nu keur ngandung atawa disebutna tingkeban, ari maksudna nyaéta supaya lancar dina waktuna babar.[1][2]
Saenyana ieu wangun jeung warnana mirip pisan jeung dodol Batawi.[3] Ari rasana pohara legit jeung gurih.[3] Ngan nu mantak jadi hémengna mah, ongkoh mah bubur tapina diwadahanna ku daun cau jaba teu cair deuih, sahingga ieu mah bisa teu kaasup kana kategori bubur.[3] Ari bubur lolos bahan dasarna tina tipung béas, tipung ketan, sarta aci hui nu digalokeun jeung gula beureum ogé cipati sahingga ngabentuk adonan nu geunyal.[3] Cipati nu dipakéna nyaéta cipati kintel, mun upamana diolahkeun téh engkéna ngaluarkeun minyak nu loba sahingga teu cepel pas dibungkusanna. Ieu bubur dibungkus ku daun cau, ngan lebah sisi nu hijina teu ditutup.[3] Saméméh dibungkus ku daun cau, adonan ieu bubur dicipatian, cipatina nu kintel pisan.[3] Nu mantak teu anéh mun ieu bubur téh rasana pohara legit jeung gurihna.[3] Ari jinisna, aya bubur lolos bodas aya ogé bubur lolos beureum.[1]
Bubur lolos sok disuguhkeun dina acara tingkeban, umumna mah 7 bulanan anu keur ngandung, ngan sok aya ogé dina mangsa 4 bulan atawa 9 bulan umur kakandungan.[2] Ieu bubur dingaranan lolos mibanda filosofi yén di mana brol babar téh baris lungsung-langsar, lolos tina kasusah.[2] Kitu deui dina wangun ieu bubur, henteu diwadahan ku mangkok atawa piring, anging diwadahan ku daun cau kalawan diminyak-keletikan, maksudna supaya prosés babar téh lancar sakumah lésangna bubur nu antel kana daun nu diminyakan téa.[2]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
