Hipotalamus
From Wikipedia, the free encyclopedia
Hipotalamus nyaéta bagian dina otak nu ngandung sababaraha nukléi/inti leutik nu boga rupa-rupa pancén. Salah sahiji pancén pangpentingna anu dipibanda ku hipotalamus nyaéta nyambungkeun sistem saraf ka sistem éndokrin ngaliwatan kelenjar pituitari (hipofisis). Hipotalamus (tina basa Yunani ὑποθαλαμος = handapeun talamus) perenahna di handapeun talamus, luhureun batang otak. Dina terminologi neuroanatomi, hipotalamus téh mangrupa bagian ventral dina diencephalon. Hipotalamus aya dina otak sakabéh vertebrata.
Otak: Hypothalamus | ||
---|---|---|
Perenah hipotalamus manusa | ||
Diencephalon | ||
Latin | hypothalamus | |
Gray | subject #189 812 | |
NeuroNames | hier-358 | |
MeSH | Hypothalamus | |
NeuroLex ID | birnlex_734 |
Hipotalamus boga pancén dina sababaraha prosés métabolik jeung kagiatan Sistem Saraf Otonom. Suborgan téh nyieun jeung ngaluarkeun neurohormon, nu salajengna bakal ngarangsang atawa nyaram sékrési hormon-hormon pituitari. Hipotalamus ngatur temperatur awak, rasa lapar, hana'ang[1], fatigue, jeung daur sirkadian.