Durukan; api unggun nyaéta ngahurungkeun seuneu anu perenahna di luar imah.[1] Bahan durukeun kayaning suluh, tangkal garing, catangkai, kalakay daun. [1]
Durukan mangsa keur kémah pramuka
Ngadurukan lain teu aya maksud, ngahaja ngahurungkeun seuneu boh di buruan, lapang, atawa tempat séjén tapi aya maksudna saperti dina:
Pramuka, dina kagiatan ieu sok ilahar disebut (api unggun) tayalian salahsahiji kagiatan dina acara pramuka mangsa peuting. Diuk ngariung ngurilingan durukan bari mintonkeun sababaraha kamonésan, dimaksudkeun pikeun maheutkeun duduluran, ngagedékeun wawanén tur rasa percaya diri, jeung sajabana. [2]
Huma jeung kebon, Ngadurukan di huma biasana dilakukeun sabada meresihan kakayon jeung Gulma séjén, digundukeun dihiji tempat tuluy diduruk.[3] Diduruk téh maksudna sangkan teu jaradi deui, tur téréh pérén, ogé lebu durukan bisa dimangpaatkeun pikeun gemuk pepelakan. Tapi ieu lain ngahaja ngabukbak leuweung anyar kujalan diduruk, alatan geus aya aturan ngeunaan larangan ti pamaréntah. [4]
Sawah, di sawah ogé sok rajeun aya durukan, jaramiparé sabada panén sok digundukeun tuluy diduruk pikeun diarah lebuna.
Buruan, sakapeung aya anu ngadurukan di buruan, ilaharna di pilemburan atawa imah anu lega buruan pikeun gadurukan runtah atawa barang anu geus teu dipaké. [5]