Bom

Bom nyaéta sarupaning parabot atawa barang nu bisa bitu dumasar kana réaksi kimia éksotérm bahan peledak ngarah ngaleupaskeun énérgi dadakan anu watekna ngaruksak. Ieu kecap diturunkeun tina basa Yunani βόμβος (bombos), hiji istilah onomatopoétik nu hartina sawanda jeung kecap "boom" dina basa Inggris, atawa "jelegur" dina basa Sunda. Dina pakarang nuklir, nu dipaké dasar nyaéta réaksi inti anu ngahasilkeun énérgi anu jauh leuwih gedé batan bahan peledak biasa.

Bom MOAB jieunan AS, salah sahiji bom non-nuklir nu pangkuatna.

Istilah "bom" ilaharna henteu dilarapkeun pikeun bahan peledak nu dipaké ku masarakat sipil (misalna dina widang pertambangan atawa konstruksi), tapi lolobana dipaké dina kontéks kagiatan militér. Ieu istilah biasana dipaké pikeun bom udara anu diragragkeun tina kapal.

Tipeu

Parabot anu tadina disangka bom pipah, singhoréng bom waktu (tina publikasi pamaréntah AS.

• Para ahli biasana ngabédakeun antara bom sipil jeung bom militér. Bom militér biasana dijieun sacara masal dina bentuk pakarang anu sacara baku husus dirancang boh kandungan atawa bentukna, anapon bom sipil bisa dijieun maké cara, bentuk, atawa bahan anu henteu baku. Ku kituna, bom sipil ilahar disebut improvised explosive devices (IEDs). IEDs dibagi kana tilu kategori dasar dumasar ukuran jeung cara mawana: (1) bom jingjing, (2) bom rompi, jeung (3) bom mobil.

• Bom atom nu dumasar kana fisi nuklir (bejadna atom gedé jadi nu leuwih leutik) ngahasilkeun énérgi anu gedé pisan. Dina bom hidrogén, fisi nuklir dipaké pikeun fusi nuklir anu ngahasilkeun énérgi jauh leuwih gedé batan fisi.

• Istilah bom kotor (dirty bomb) nujul ka parabot husus anu bisa bitu tapi énérgina teu gedé, tapi cukup kuat pikeun mencarkeun bahan-bahan nu bahya ka sakurilingna. Bahan bahya nu ilahar dipaké nyaéta sarupaning bahan kimia, nu tujuanana pikeun ngosongkeun daérah anu kakontaminasi.

Kakuatan bom diukur dina mégaton TNT (Mt). Bom pangkuatna nu kungsi dipaké dina perang nyaéta dua bom atom nu diragragkeun ku AS pikeun narajang Hirosima jeung Nagasaki, anapon nu kungsi diuji nyaéta Tsar Bomba. Nepi ka danget ieu, bom non-nuklir pangkuatna nyaéta MOAB jieunan Angkatan Udara Amérika Serikat jeung ATBIP jieunan Rusia^[1].

Rujukan

1. Solovyov, Dmitry (2007-09-12). "Russia tests superstrength bomb, military says". Reuters. Diakses tanggal 2008-06-02.

Tumbu kaluar

Wikimedia Commons logo

Wikimedia Commons mibanda média séjénna ngeunaan

Bom

• FAS.org Archived 2004-02-15 di Wayback Machine Bombs for Beginners
• MakeItLouder.com Cara gawé jeung cara ngukur kakuatan bom

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.