From Wikipedia, the free encyclopedia
Ju Atommasse, fröier Atomgewicht, is ju Masse fon n Atom. Ju kon as älke Masse in ju SI-Eenhaid Kilogram anroat wäide. Foar Bereekenengen is dät oawers praktisker, ju Atomare Masseneenhaid u (fröier mäd amu, atomic mass unit, beteekend) tou ferweenden. Ju is die tweelfte Deel fon ju Masse fon n Atom fon dät Koolestof-Isotop 12C. In SI-Eenhaide bedrächt 1 u = 1,660 538 921(73) × 10-27 kg[1].
Die Taalenwäid fon ju in u anroate Atommasse, oawers sunner ju Mäiteenhaid, wäd oafte as relative Atommasse (ängelsk atomic weight) beteekent un formoal as ne oaine, dimensionsloose Grööte apfoated, nämmelk as dät Massenferhältnis fon dät jeewielige Atom tou n toacht Atom fon ju Masse 1 u.
In Unnerskeed tou ju relative Atommasse wäd ju in kg, g of u anroate Masse uk absolute Atommasse (ängelsk atomic mass) naamd.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.