Xhamia e Larme

Xhamia e Larme (maqedonisht: Шарена Џамија Sharena xhamija, turqisht: Alaca Camii), e njohur edhe si Xhamia e Pashës, është një xhami në Tetovë, e ndërtuar për të parën herë në vitin 1495 dhe e rindërtuar më vonë në vitin 1833 nga Abdurrahman Pasha.^[1]

Xhamia e Larme Xhamia e pashës R01.JPG
Koordinatat: 42.005833°N 20.966667°E / 42.005833; 20.966667
Vendndodhja	Tetovë, Republika e Maqedonisë
Viti	1495
Pronari	Bashkësia Fetare Islame në Maqedoni
Të dhënat arkitekturore
Arkitekti(ët)	Is'hak Beu
Stili arkitekturor	Osman
Minare	një

Rreth saj gjenden edhe objektet e tjera të arkitekturës fetare islame dhe civile, të rëndësishme për vlerat estetiko-artistike dhe për vulën historike që mbajnë.

Xhamia është ndërtuar më 1495 kurse e rindërtuar nga themeli dhe e zgjeruar më 1833 nga ana e Abdurrahman Pashës, biri i Rexhep Pashës, që janë mbrojtësit e Tetovës, të cilët kanë qenë edhe dashamirë të mëdhenj të artit. Të gjitha këto të dhëna i kuptojmë nga mbishkrimi i ruajtur mbi hyrjen në xhami si dhe nga nishani i varrit i cili ruhet në tylben ndërtuar në oborin e xhamisë. Këta pashallarë të njohur që kanë vepruar në Tetovë në gjysmën e parë të shekullit XIX e kanë ndërtuar dhe rindërtuar kalanë e qytetit dhe Harabati Baba teqen.

Në tylben tetëanësore janë varrosur zonjat Hurshide dhe Mensure. E para ka vdekur më 1534. Për to supozohet se kanë qenë donatorë të xhamisë së mëparshme nga shekulli XV. Në afërsi të xhamisë gjendet edhe shatërvani, i cili ka pasur funksion të dyfishtë: për të marrë abdest para namazit dhe si zeshme për nevojat e popullatës së Tetovës.

Galeria

• 
  Detaje të mureve të pikturuara të xhamisë.
• 
  Oborri.
• 
  Pamje e përparme e xhamisë.
• 
  Brendësia e xhamisë.
• 
  Xhamia e Larme
• 
  Brendësia e xhamisë.
• 
  Mihrabi.

Lidhje të jashtme

• Xhamia e Larme Komuna e Tetovës

Referime

1. "Xhamia e Pashes". Arkivuar nga origjinali më 9 mars 2012. Marrë më 12 gusht 2016.