From Wikipedia, the free encyclopedia
Euridika I e Maqedonisë (Greqisht: Εὐρυδίκη – nga ευρύς eurys, "e gjerë" dhe δίκη dike, "ligji; drejtësia", fjalë për fjalë "drejtësi e gjërë") ishte një mbretëreshë maqedonase, gruaja e mbretit Amyntas III i Maqedonisë.
Ajo ishte vajza e Sirras, Mbret i Lynkestëve, në Maqedoninë e Sipërme. Ndërsa dukshëm që nëpërmjet nënës së saj, Irras, ishte pasardhëse nga një degë e fisit grek Bacchiadae, me origjinë nga Korinthi,[1][2][3][4] ka mundësi të ketë edhe prejardhje ilire.[5][6][7][8] Euridika kishte katër fëmijë: Aleksandri II, Perdika III, Filipi II, e ku të gjithë prej tyre do të kurorëzohen mbretër, një vajzë me emrin Eurona, dhe përmes birit të saj Filipit, ishte edhe gjyshja e Lekës së Madh, nga babai.[8][9] Të dhënat letrare, përshkruese dhe arkeologjike tregojnë se ajo ka luajtur një rol të rëndësishëm në jetën publike maqedonase dhe se ka vepruar në mënyrë agresive në arenën politike.
Aktiviteti politik i Euridikës shënon një pikë kthese në historinë e Maqedonisë antike. Ajo është mbretëresha e parë e cila u morr me aktivitete politike duke ushtruar me sukses ndikimin e saj politik.[10]
Euridika ishte gjithashtu shumë aktive në ushtrimin e aktiviteteve të kultit. Ajo mund të ketë financuar ndërtimin e tempullit të kultit të Eucleas në Vergina. Ajo kishte bërë një dedikim polietisi (πολιετισι) për gratë, dhe ndoshta për Muzat, në shenjë të mirënjohjes për arsimimin që ajo kishte fituar.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.