Elvira Diamanti

Elvira Diamanti është një aktore e mirënjohur shqiptare në kinema dhe teatër. Ajo u lind në Tirane më 30 nëntor 1962.

Roli i saj më i spikatur mbetet ai i Marigosë në filmin “Përrallë nga e kaluara”. Pas mbarimit të studimeve në Institutin e Larte të Arteve, me 1986 filloi pune si aktore në Teatrin Popullor. Interpretoi kryesisht role me kahe pozitive, vajza romantike e të dashuruara, jo rrallehere edhe me fund dramatik a tragjik. Ajo mundi te japë në skenë tronditjen që vinte prej baladës ngjethese të oralit shqiptar, “Kostandinit dhe Dhoqinës”, në inskenimin e novelës Kush e solli Doruntinen të Ismail Kadaresë (1988).

Dy vjet me vone i dha jete një personazhi tjeter kompleks, Margaritës që vinte serish nga nje tjeter novelë e Ismail Kadaresë, Natë me hënë (1990), ku spikati për emocionalitetin poetik dhe kthjelltesinë e aktrimit te saj në figuren e krijuar. Znj. Diamanti ka luajtur edhe në 12 filma. La mbresa të forta me rolin e Marigosë të Përrallë nga e kaluara (1987). Ne vitet 2000-2007 ishte drejtore e Teatri Kombëtar i Fëmijëve. Pas një periudhë të shkurtër pune ne Presidencë, drejton prej vitesh Arkivin Qendror Shtetëror të Filmit ku gjatë periudhës që ajo drejtoi këtë institucion janë restauruar një serë filmash e dokumentaresh me fonde kryesisht të huaja por edhe shqiptare.

Filmografia

Filma:

• Ada - (2013)
• Ne dhe Lenini - (2008)
• Dasma e Sakos - (1998)
• Kush e solli Doruntinën (1989)(teater)
• Muri i gjallë - (1989)
• Përrallë nga e kaluara - (1987)(Marigo)
• Të shoh në sy - (1986)(Diana)
• Dasma e shtyrë - (1984)
• Shi në plazh (1982)(teater, komedi)
• Shokët - (1982)
• Në prag të lirisë - (1981)
• Shoqja nga fshati - (1980)
• Radiostacioni - (1979)
• Liri a vdekje - (1979)(bashkeshortja e Cerciz Topullit)

Teatër

• Mësuesi i Letërsisë
• Shtëpia e Bernarda Albës
• Vdekja e Dantonit

Ky artikull në lidhje me një aktor është i cunguar. Ju mund të ndihmoni Wikipedinë duke e përmirësuar atë.