Remove ads
Carl Bildt (lindi më 15 korrik 1949) është një politikan dhe diplomat suedez i cili shërbeu si kryeministër i Suedisë nga viti 1991 deri më 1994. Ai ishte udhëheqësi i Partisë së Moderuar nga viti 1986 deri më 1999. Bildt shërbeu si Ministër i Punëve të Jashtme nga viti 2006 deri më 2014.
Carl Bildt | |
|---|---|
 | |
| Kryeministri i Suedisë | |
| Në detyrë 4 tetor 1991 – 7 tetor 1994 | |
| Monarku | Carl XVI Gustaf |
| Zëvendës | Bengt Westerberg |
| Paraprirë nga | Ingvar Carlsson |
| Pasuar nga | Ingvar Carlsson |
| Ministër i Punëve të Jashtme | |
| Në detyrë 6 tetor 2006 – 3 tetor 2014 | |
| Kryeministri | Fredrik Reinfeldt |
| Paraprirë nga | Jan Eliasson |
| Pasuar nga | Margot Wallström |
| Përfaqësuesi i Lartë për Bosnjë dhe Hercegovinën | |
| Në detyrë 14 dhjetor 1995 – 17 qershor 1997 | |
| Paraprirë nga | Zyra u themelua |
| Pasuar nga | Carlos Westendorp |
| Kryetar Partisë së Moderuar | |
| Në detyrë 23 gusht 1986 – 4 shtator 1999 | |
| Paraprirë nga | Ulf Adelsohn |
| Pasuar nga | Bo Lundgren |
| Të dhëna vetjake | |
| U lind më | Nils Daniel Carl Bildt 15 korrik 1949 Halmstad, Halland, Suedi |
| Partia politike | Partia e Moderuar |
| Bashkëshortja/et | Kerstin Zetterberg (1974–1975) Mia Bohman (1984–1997) Anna Maria Corazza (1998–) |
| Fëmijët | 3 |
| Shkollimi | Universiteti i Stokholmit |
| Nënshkrimi |  |
Ai ishte ndërmjetës në luftërat Jugosllave, duke shërbyer si i Dërguari Special i Bashkimit Evropian në ish-Jugosllavi nga qershori 1995, bashkë-kryetar i Konferencës së Paqes të Dejtonit në nëntor 1995 dhe Përfaqësues i Lartë për Bosnjë dhe Hercegovinën nga dhjetori 1995 në Qershor 1997, menjëherë pas Luftës së Bosnjës. Nga viti 1999 deri më 2001, ai shërbeu si i Dërguari Special i Sekretari i Përgjithshëm i Kombeve të BashkuaraSekretarit të Përgjithshëm të Kombeve të Bashkuara për Ballkanin.
Remove ads
Bildt lindi më 15 korrik 1949 në një familje të vjetër fisnike daneze-norvegjeze-suedeze me vendbanim tradicionalisht në qarkun Bohus. Gjyshi i gjyshit të tij, Gillis Bildt, ishte një politikan dhe diplomat konservator, ambasador për një kohë të gjatë në Perandorinë Gjermane dhe Kryeministër i Suedisë (1888–1889), i mbajtur mend kryesisht për politikat e tij proteksioniste tregtare. Bildt ka marrur pjesë në Universitetin e Stokholmit.
Në maj 1968 Bildt kundërshtoi pushtimin e Ndërtesës së Unionit Studentor nga forcat e majta politike dhe bashkë-themeloi grupin Borgerliga Studenter – Opposition '68, i cili vazhdoi të fitonte zgjedhjet e Unionit Studentor në Stokholm për një numër vitesh. Ai shërbeu si kryetar i Konfederatës të Studentëve Suedezë Konservatore dhe Liberale FMSF, një organizatë studentore e qendrës së djathtë, në fillimin e viteve 1970, dhe gjithashtu kryesoi Studentët Demokratë Evropianë, duke sjellë së bashku organizata studentore me të njëjtin mendim nga e gjithë Evropa.
Kur qeveria jo-socialiste formoi qeverinë më 1976, Bildt shërbeu si kreu i Zyrës Koordinuese të Politikave në Ministrinë e Punëve Ekonomike dhe bashkëpunëtor i ngushtë i liderit të partisë dhe Ministrit të Ekonomisë Gösta Bohman. Bildt u bë anëtar i Riksdag në vitin 1979, megjithëse shërbeu si Sekretar i Shtetit për Koordinimin e Politikave në qeverinë e reformuar jo-socialiste pas atyre zgjedhjeve.
Si deputet në fillim të viteve tetëdhjetë, ai u bë i njohur si një debatues i përpiktë dhe luftarak për çështjet e jashtme. Ai ishte një anëtar i Komisionit të Mbrojtjes së Nëndetëseve duke hetuar ndërhyrjet e vitit 1982 të nëndetëseve të huaja në arkipelagun e Stokholmit dhe zonat e bazës detare, dhe shpesh e gjente veten të vendosur përballë kryeministrit Olof Palme. Bildt u zgjodh kryetar i Partisë së Moderuar në vitin 1986, duke pasuar Ulf Adelsohn.
Në zgjedhjet e përgjithshme të vitit 1991, Socialdemokratët u mundën nga një koalicion me katër parti i udhëhequr nga Partia e Moderuar e Bildt.
Remove ads
Pas mandatit të tij si kryeministër, Bildt ishte aktiv si ndërmjetës në konfliktin e Ballkanit, duke shërbyer si i Dërguari Special i Bashkimit Evropian në ish-Jugosllavi nga qershori 1995, bashkë-kryetar i Konferencës së Paqes të Dejtonit që çoi në Marrëveshjet e Paqes të Dejtonit në nëntor 1995, dhe Përfaqësuesi i Lartë për Bosnjë dhe Hercegovinën nga dhjetori 1995 deri në qershor 1997 menjëherë pas Luftës së Bosnjës. Nga viti 1999 deri më 2001, ai shërbeu si i Dërguari Special i Sekretarit të Përgjithshëm të Kombeve të Bashkuara për Ballkanin.
Kosova shpalli në mënyrë të njëanshme pavarësinë e saj nga Serbia më 17 shkurt 2008, pa miratimin e Këshillit të Sigurimit të OKB-së, dhe Suedia e njohu atë më 4 mars 2008. Më 8 mars 2008, Carl Bildt u bë ministri i parë i jashtëm që vizitoi zyrtarisht Kosovën pasi ajo deklaroi pavarësinë.[1]
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads