NATO (Organizata e Traktatit të Atlantikut të Veriut) është një aleancë ushtarake ndërkombëtare që përbëhet nga 32 shtete anëtare nga Evropa dhe Amerika e Veriut. Ajo u krijua me nënshkrimin e Traktatit të Atlantikut të Veriut më 4 prill 1949. Neni 5 i traktatit thotë se nëse një sulm i armatosur ndodh kundër njërit prej shteteve anëtare, ai do të konsiderohet si një sulm kundër të gjithë anëtarëve dhe anëtarët e tjerë do të ndihmojnë anëtarin e sulmuar, me forca të armatosura nëse është e nevojshme.[1] Neni 6 i traktatit e kufizon objektin e nenit 5 në ishujt në veri të Tropikut të Kancerit, kontinentin e Amerikës së Veriut dhe Evropës, të gjithë Turqinë dhe Algjerinë Franceze. Si i tillë, një sulm në Hawaii, Puerto Rico, Guiana Franceze, Ceuta ose Melilla, ndër vende të tjera, nuk do të shkaktonte një përgjigje të Nenit 5.
![Thumb](http://upload.wikimedia.org/wikipedia/commons/thumb/2/29/NATO_members_%28blue%29.svg/320px-NATO_members_%28blue%29.svg.png)
Nga 32 vendet anëtare, 30 janë në Evropë dhe 2 në Amerikën e Veriut. Midis 1994 dhe 1997, u krijuan forume më të gjera për bashkëpunimin rajonal midis NATO-s dhe fqinjëve të saj, duke përfshirë Partneritetin për Paqe, nismën e Dialogut Mesdhetar dhe Këshillin e Partneritetit Euro-Atlantik.
Të gjithë anëtarët kanë forca të armatosura, me përjashtim të Islandës, e cila nuk ka një ushtri tipike (por ka roje bregdetare dhe një njësi të vogël specialistësh civilë për operacione të NATO-s). Tre nga anëtarët e NATO-s janë shtete me armë bërthamore: Franca, Mbretëria e Bashkuar dhe Shtetet e Bashkuara. NATO ka 12 shtete anëtare themeluese. Tre anëtarë të tjerë u bashkuan midis 1952 dhe 1955 dhe një anëtar i katërt u bashkua më 1982. Pas përfundimit të Luftës së Ftohtë, NATO shtoi 16 anëtarë të tjerë nga 1999 deri në 2024.[2]
NATO aktualisht njeh Bosnje dhe Hercegovinën, Gjeorgjinë dhe Ukrainën si anëtarë aspirantë si pjesë e politikës së tyre të zgjerimit të Dyerve të Hapura.[3]
Që nga marsi 2024, NATO përbëhet nga 32 shtete:
Shqipëria, Belgjika, Bullgaria, Kanadaja, Kroacia, Çekia, Danimarka, Estonia, Finlanda, Franca, Gjermania, Greqia, Hungaria, Islanda, Italia, Letonia, Lituania, Luksemburgu, Mali i Zi, Holanda, Maqedonia e Veriut, Norvegjia, Polonia, Portugalia, Rumania, Sllovakia, Sllovenia, Spanja, Suedia, Turqia, Mbretëria e Bashkuar dhe Shtetet e Bashkuara.[4][5]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.