![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/Suisse_vs_Argentine_-_Sergio_Ag%25C3%25BCero_%2528cropped%2529.jpg/640px-Suisse_vs_Argentine_-_Sergio_Ag%25C3%25BCero_%2528cropped%2529.jpg&w=640&q=50)
Sergio Agüero
futbollist argjentinas / From Wikipedia, the free encyclopedia
Sergio Leonel Agüero del Castillo (Spanjisht: [ˈseɾxjo le.oˈnel aˈɣweɾo]; lindur më 2 qershor 1988) është një futbollist profesionist argjentinas i cili luan si sulmues për klubin anglez Manchester City dhe kombëtaren argjentinase. Ai konsiderohet gjërësisht si një nga lojtarët më të mirë të gjeneratës së tij dhe një nga sulmuesit më të mirë në historinë e Premier Ligës.
![]() | |||
Të dhënat vetjake | |||
---|---|---|---|
Emri i plotë | Sergio Leonel Agüero del Castillo [1] | ||
Datëlindja | (1988-06-02) 2 qershor 1988 (36 vjeç) | ||
Vendlindja | Quilmes, Argjentina | ||
Gjatësia | 1.72 m (5 ft 8 in) [2] | ||
Pozicioni | Sulmues | ||
Të dhënat e klubit | |||
Klubi aktual | Manchester City | ||
Numri | 10 | ||
Karriera me të rinjtë | |||
1997–2003 | Independiente | ||
Karriera me klube* | |||
Vitet | Klubi | Ndeshje | (Golat) |
2003–2006 | Independiente | 54 | (23) |
2006–2011 | Atlético Madrid | 175 | (75) |
2011– | Manchester City | 260 | (180) |
Karriera ndërkombëtare‡ | |||
2004 | Argjentina U17 | 5 | (3) |
2005–2007 | Argjentina U20 | 7 | (6) |
2008 | Argjentina U23 | 5 | (2) |
2006– | Argjentina | 89 | (39) |
*Ndeshjet dhe golat me klubet llogariten vetëm për ligën vendase – redaktuar më 4 shkurt 2019 ‡ Ndeshjet dhe golat me ekipin kombëtar të redaktuar më 30 qershor 2018 |
Agüero e nisi karrierën e tij si futbollist në Argjentinë me Independienten. Më 5 korrik 2003, ai u bë lojtari më i ri që luan në Primera División Argjentinase duke debutuar në moshën 15 vjeç dhe 35 ditë, duke thyer rekordin e vendosur nga Diego Maradona në vitin 1976. Në vitin 2006, ai u zhvendos në Evropë ku firmosi me Atlético Madrid në La Liga; shuma e transferimit ishte 23 milion €. Atje ai u bë një nga sulmuesit e rinjë më të talentuar të Evropës, duke shënuar 101 gola në 234 ndeshje, duke fituar UEFA Ligën e Evropës dhe UEFA Super Kupën në vitin 2010.
Në korrik 2011, Agüero u transferua te Manchester City në Premier Ligë për rreth 35 milion £. Në ditën e fundit të sezonit të tij debutues, ai shënoi një gol fitoreje në minutën e 94të kundër Queens Park Rangers duke i dhënë klubit titullin e parë në 44 vite. Në përfundim të sezonit 2015–16, mes lojtarëve që kishin luajtur në dy sezonet e fundit të Premier Ligës, Agüero kishte mestaren më të lartë të golave për ndeshje në historinë e Premier Ligës që nga krijimi në vitin 1992, duke regjistruar një gol në çdo 106 minuta, duke lënë mbrapa francezin Thierry Henry.[3] Ai gjithashtu ndan rekordin për numrin e golave të shënuar në një ndeshje të Premier Ligës – pesë – si dhe është lojtari që e ka arritur më shpejtë këtë shifër, në vetëm 23 minuta dhe 34 sekonda.[4] Në nëntor 2017, Agüero u bë golashënuesi më i mirë i të gjitha kohërave i klubit, duke shënuar golin e tij të 178të kundër Napolit.[5][6]