Rainbow S.p.A.
From Wikipedia, the free encyclopedia
Rainbow S.p.A. është një studio italiane e animacionit e themeluar nga Iginio Straffi. Viacom (tash i njohur si Paramount Global) u bë bashkëpronar i studios në vitin 2011. Rainbow ka bashkëpunuar me kompaninë tjetër të Viacom/Paramount-it, Nickelodeon, në një gamë të gjerë të serialeve, duke përfshirë Winx Club dhe Club 57.[1] Studioja e ka selinë e vet në Loreto, Marche dhe u themelua nga Straffi në vitin 1995. Rainbow filloi si studio e animacionit, duke ofruar shërbime kreative për kompani më të mëdhaja derisa siguroi fondet për prodhime origjinale.
Lloji | Private |
---|---|
Themeluar në | prill 1995 |
Themeluesi | Iginio Straffi |
Zyrat qendrore | |
Njerëzit kyç | Iginio Straffi (themelues/drejtor) |
Prodhimi | Seriale televizive dhe filma |
Owner | Iginio Straffi |
Subsidiaries | Bardel Entertainment Gruppo Iven S.p.A. (Colorado Film) Rainbow CGI Moviement Talent Agency Tridimensional Witty Toys |
Faqja e internetit | rbw.it |
Në muajin shkurt 2011, Viacom bleu 30% të aksioneve të kompanisë për 62 milionë euro,[2] duke ia lënë 70%-shin tjetër Straffit.[3][4] Rrjetet televizive të Nickelodeon-it i transmetojnë serialet e Rainbow-it anë e mbanë botës[5], dhe Rainbow vepron si agjenti i liçensimit për serialet e Nickelodeon-it në Itali.[6] Studiot amerikane të Nickelodeon-it kanë bashkëpunuar me Rainbow në prodhime të ndryshme, duke përfshirë Winx Club prej 2011 deri 2015 dhe Club 57 në 2019.[1]
Në vitin 2015, Rainbow bleu studion e animacionit Bardel Entertainment.[7] Në vitin 2016, Rainbow bleu aksione në Gruppo Iven, që e zotëron kompaninë prodhuese Colorado Film.[8]
Në prill të vitit 2018, Straffi dhe Viacom e listuan kompaninë në bursën italiane.[9] Paraprakisht pati konsiderata që Straffi e quante "një dilemë të vërtetë" meqë Viacom veç ishte pjesë e bursës amerikane, dhe nuk dihej se cilit treg aksionar do t'i hynte kompania (atë të Shteteve të Bashkuara apo atë të Italisë). Në fund të fundit, Rainbow performoi më së miri në shtetet europiane.[10] Straffi dhe Viacom e nxorrën kompaninë nga bursa italiane në maj 2018, duke përmendur si arsye mungesën e kushteve të përshtatshme të tregut.[11]
Pas gati 12 vitesh të bashkëpronësisë, Paramount ia shiti aksionin Straffit sërish në janar të vitit 2023. Gjersa Nickelodeon vazhdon të jetë partner transmetimi për këtë studio, kjo riblerje lejoi Straffin të ketë sërish kontroll të plotë mbi projektet e reja të Rainbow-it.[12][13] Kjo blerje, megjithatë, nuk ndikon mbi sezonet e Winx Club-it të prodhuara nga Nickelodeon, meqë e drejta autoriale është e regjistruar me Paramount.[14]