From Wikipedia, the free encyclopedia
Michael Ayodeji D. Ngoo (lindur më 23 tetor 1992) është një futbollist profesionist anglez i cili luan si sulmues për klubin shqiptar Tirana.[5] Ai ka përfaqsuar Anglinë në nivelet nën-19 dhe nën-20.
![]() | |||
Të dhënat vetjake | |||
---|---|---|---|
Emri i plotë | Michael Ayodeji D. Ngoo | ||
Datëlindja | 23 tetor 1992 | ||
Vendlindja | Walthamstow, Londër, Angli[1] | ||
Gjatësia | 1.98 m (6 ft 6 in)[2][3][4] | ||
Pozicioni | Sulmues | ||
Të dhënat e klubit | |||
Klubi aktual | Tirana | ||
Numri | 45 | ||
Karriera me të rinjtë | |||
2008–2009 | Southend United | ||
2009–2013 | Liverpool | ||
Karriera me klube* | |||
Vitet | Klubi | Ndeshje | (Golat) |
2013–2014 | Liverpool | 0 | (0) |
2013 | → Heart of Midlothian (huazim) | 15 | (4) |
2013 | → Yeovil Town (huazim) | 6 | (0) |
2014 | → Walsall (huazim) | 14 | (1) |
2014–2015 | Kilmarnock | 6 | (0) |
2016–2017 | Bromley | 1 | (0) |
2017 | Oldham Athletic | 13 | (0) |
2017– | Tirana | 32 | (15) |
2018– | Tirana B | 2 | (1) |
Karriera ndërkombëtare‡ | |||
2010–2011 | Anglia U19 | 6 | (3) |
2011 | Anglia U20 | 3 | (0) |
*Ndeshjet dhe golat me klubet llogariten vetëm për ligën vendase – redaktuar më 22 shkurt 2019 ‡ Ndeshjet dhe golat me ekipin kombëtar të redaktuar më 1 prill 2013 |
Ngoo filloi karrierën e tij si lojtar i ri me Southend United.[6] Në korrik 2009, ai ishte në provë tek Manchester United, duke luajtur me ekipin nën-16 në Milk Cup,[7] me United që doli triumfues.[8] Ai ndoqi shkollën Brampton në East Ham.
Në shtator 2009, në moshën 16 vjeç,[9] Ngoo firmosi për Liverpool për një shifër që besohej të ishte rreth 250,000 £.[10] Gjatë sezonit 2010–11 ku ai përfaqson ekipin nën-18, Ngoo shënoi 15 gola në 21 paraqitje.[11] Një sezon më vonë ai ishte kryegolashënuesi i ekipit rezervë.[12]
Më 14 shtator 2012, pasi shënoi golin e fundit të ekipit nën-21 në fitoren 4–1 kundër Çelsit, Ngoo zbuloi një bluzë që mbarte mesazhin "96 reasons 4 Justice" (96 arsyje për dretësi; 4 është shkurtes për fjalën for, "për" në shqip).[13] Ngoo u ndëshkua me karton të verdhë për këtë homazh e cila erdhi në javën kur Paneli i Pavarur i Hillsborough publikuan raportin e tyre.[14][15] Në janar 2013, ai u huazua tek Heart of Midlothian për të fituar më shumë përvojë.[16]
Në fund të sezonit 2013–14, ai u lirua nga klubi.[17]
Pasi ishte vëzhguar në disa ndeshje me ekipin nën-21 të Liverpoolit,[18] më 24 janar 2013, u lajmërua se ai ishte gati për t'u bashkuar me klubin e Premier Ligës Skoceze Heart of Midlothian (Hearts) në huazim deri në fund të sezonit,[19] subjekt i plotësimit të letrave të punës.[20] Marrëveshja u plotësua një ditë më vonë,[21] gjë që do të thoshte ai u ribashkua me shokun e tij tek Liverpool, Daniel Wilson, i cili gjithashtu kishte ardhur si i huazuar.[22] Ngoos j'u dha fanella me numrin 21.[23] Ai debutoi në ditën e ardhshme në gjysëm-finalen e Kupës së Skocisë ndaj Inverness, duke shënuar golin e barazimit për ekipin.[24] Hearts fituan ndeshjen nga penalltitë me rezultatin 5–4, pas barazimit 1–1 në kohën e rregullt, me Ngoon i cili shënoi penalltinë e tij.[25] Më 17 mars 2013, ai dhe ekipi i tij humbën në finale pasi u mposhtën 3–2 nga St Mirren.[26] Ngoo më pas pësoi një dëmtim në shpatull[27] e cila e vuri në vështirësi në fundin e sezonit,[28] duke bërë që të humbiste fitoren 3–0 ndaj St Mirren më 4 maj.[29][30] Gjatë kohës së tij në Skoci ai luajti 17 herë, duke shënuar edhe pesë gola.[31] Ngoo komentoi se ai besonte se ishte përmirësuar si lojtarë gjatë kohës së tij tek klubi nga Edinburgu.[32]
Më 10 korrik 2013, Ngoo firmosi me ekipin e sapongjitur në Championship Yeovil Town në huazim për sezonin 2013–14.[33] Më 3 gusht 2013, Ngoo bëri debutimin e tij me ekipin duke luajtur si zëvëndësues në fitoren 1–0 ndaj Millwall.[34] Debutimi i tij i plotë erdhi tre ditë më vonë në raundin e parë të Kupës së Ligës ndaj Southend United, duke luajtur për 82 minuta para se të zëvëndësohej nga Kieffer Moore në fitoren 1–0 ndaj Southend United.[35] Ai luajti edhe dy ndeshje të tjera si zëvëndësues para ndeshjeve të rradhës si titullar, në shtëpi ndaj Birmingham City dhe jashtë fushe ndaj Burnley; Yeovil i humbi të dyja ndeshjet.[36][37] Ai luajti si titullar në ndeshjen e rradhës të ekipit në shtëpi kundër Derby County, por u zëvëndësua në fundin e pjesës së parë nga Andy Williams në disfatën 3–0 ndaj Derby County.[38] Ai u la sërisht në stolin e rezervave në dy ndeshjet e tij të fundit me klubin, duke luajtur si zëvëndësues në të dyja rastet, përfshirë gjashtë minuta ndaj Reading dhe njëmbëdhjetë minuta ndaj Queens Park Rangers.[39][40]
Më 9 tetor 2013, Ngoo u rikthye tek Liverpooli pasi marrëveshja e tij e huazimit u mbyll me mirëkuptim.[41]
Më 31 janar 2014, Ngoo u bashkua me Walsall në huazim.[42] Ai debutoi më 8 shkurt kundër Milton Keynes Dons, duke humbur një penallti në një humbje 3–0. Më 18 prill 2014, Ngoo shënoi golin e parë të klubit, një gol i cili u shënua me kokë në ndeshjen e League One kundër Carlisle United e cila u mbyll në barazim 1–1.[43]
Më 15 gusht 2014, Ngoo u bashkua me Kilmarnock në një marrëveshje dy-vjeçare.[44]
Pas largimit të tij nga Kilmarnock, Ngoo filloi duke u stërvitur me klubin e National League Bromley. Klubi lajmëroi blerjen e tij më 19 nëntor 2016 dhe debutoi në të njëjtën ditë duke luajtur si zëvëndësues në minutën e 76të kundër Chester.[45]
Më 20 janar 2017, Ngoo firmosi me ekipin e League One Oldham Athletic në një marrëveshje të shkurtër që do të zgjaste deri në fund të sezonit.[46] Ngoo u lirua nga Oldham në fund të sezonit 2016–17.[47]
Në shtator 2017, Ngoo firmosi me klubin shqiptar Tirana në një marrëveshje një-vjeçare me një mundësi rinovimi edhe për një vit tjetër.[48] Ai mori fanellën me numrin 45, dhe bëri debutimin e tij zyrtar në ndeshjen e Superkupës ndaj Kukësit më 6 shtator, duke luajtur disa minuta nga fundi me ekipin që fitoi me një gol të mbrojtësit Erion Hoxhallari.[49] Ky ishte trofeu i 11të i Tiranës, e cila gjithashtu vendosi rekord si klubi i parë i Kategorisë së Parë që fiton këtë trofe.[49] Debutimi i tij në ligë erdhi më 16 shtator në ndeshjen hapëse të sezonit ndaj Ilirisë; ai hyri në fushën e lojës në fillim të pjesës së dytë dhe kontriboi në fitoren 1–0 në shtëpi.[50] Goli i tij i parë u shënua në paraqitjen e tij të tretë me ekipin, në një ndeshje lige ndaj Pogradecit më 24 shtator, duke shënuar të dytin e fitores 3–0 në Stadiumin Gjorgji Kyçyku.[51] Tre ditë më vonë, në ndeshjen e kthimit të raundit të parë të Kupës së Shqipërisë 2017–18, Ngoo shënoi dy gola duke udhëhequr ekipin e tij në një fitore 2–0 në shtëpi dhe 4–1 me rezultat të përgjithshëm.[52]
Ngoo u rikuperua nga një dëmtim i gjatë në shtator 2018,[53] dhe bëri debutimin e tij në elitë më 16të në suksesin 3–1 ndaj Luftëtarit, duke u aktivizuar në minutat e fundit të takimit të vend të Dejan Blazhevskit.[54] Ngoo hasi vështirësi në pjesën e parë të sezonit, duke u pezulluar për 24 orë më 16 tetor pasi debatoi me trajnerin e ri Ardian Mema për sjellje të papranueshme;[55] ngjarja ndodhi gjatë një seance stërvitore ku anglezi i ktheu fjalën trajnerit si dhe e ofendoi me fjalët në anglisht "fuck you".[55] Ai u gjobit edhe me 500 € si dhe u la në stol në humbjen 1–0 të skuadrës në Vlorë.[56] Ngoo u pezullua sërisht më 23 tetor për një kohë pa kufi,[57] dhe në fund të muajit u dërgua për t'u stërvitur me ekipin e rezervave.[58] Ai debutoi për rezervat më 11 nëntor duke shënuar në një fitore 3–2 ndaj Adës.[59] Dy ditë më vonë, klubi vendosi që ta rikthej në ekipin e parë.[60] Ai luajti në një ndeshje miqësore ndaj Korabit më 16 nëntor, duke shënuar një nga golat e ekipit,[61] por u përfshi në një tjetër debat, këtë herë me shokun e skuadrës Gentian Muça, se kush do të gjuante një penallti;[62] debati verbal për pak sa nuk u bë fizik po të mos ishin shokët e tjerë të skuadrës që i ndanë. Ishte Ngoo ai që në fund gjuajti penalltinë, por tentativa e tij ishte e pasaktë. Në ditët tjetër, ai u pezullua sërisht dhe u detyrua të stërvitej vetëm.[63]
Ngoo shënoi golin e parë në Kategorinë Superiore më 8 dhjetor në fitoren 4–0 në shtëpi ndaj Kastriotit që riktheu Tiranën tek tre pikët pas nëntë javësh.[64]
Ngoo ka përfaqsuar Anglinë nën-19.[65] Ai u thirr nga Anglia për të luajtur në Kupën e Botës nën-20 në Kolumbi në 2011,[66] dhe debutoi[65] më 1 gusht 2011, duke hyrë si zëvëndësues në minutën e 72të[67] në një ndeshje grupi ndaj Argjentinës, duke zëvëndësuar Callum McManaman në një barazim pa gola.[68] Ai zhvilloi tre paraqitje gjithsej gjatë turnamentit.[65] Ai është i disponueshëm për të përfaqësuar Nigerinë dhe Kamerunin falë gjyshit të tij.[69]
Klubi | Sezoni | Liga | Kupa | Kupa e Ligës | Tjetër | Gjithsej | ||||||
---|---|---|---|---|---|---|---|---|---|---|---|---|
Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
Liverpool | 2012–13[31] | Premier League | 0 | 0 | 0 | 0 | 0 | 0 | 0 | 0 | 0 | 0 |
2013–14[72] | Premier League | 0 | 0 | 0 | 0 | 0 | 0 | — | 0 | 0 | ||
Gjithsej | 0 | 0 | 0 | 0 | 0 | 0 | — | 0 | 0 | |||
Heart of Midlothian (huazim) | 2012–13[31] | Premier Liga Skoceze | 15 | 4 | 0 | 0 | 2 | 1 | — | 17 | 5 | |
Yeovil Town (huazim) | 2013–14[72] | Championship | 6 | 0 | 0 | 1 | 0 | 0 | — | 7 | 0 | |
Walsall (huazim) | 2013–14[72] | Liga e Parë | 14 | 1 | 0 | 0 | 0 | 0 | — | 14 | 1 | |
Kilmarnock | 2014–15[73] | Premier Liga Skoceze | 6 | 0 | 0 | 0 | 1 | 0 | — | 7 | 0 | |
Bromley | 2016–17[74] | National League | 1 | 0 | 0 | 0 | 0 | 0 | — | 1 | 0 | |
Oldham Athletic | 2016–17[74] | Liga e Parë | 13 | 0 | 0 | 0 | 0 | 0 | — | 13 | 0 | |
Tirana | 2017–18 | Kategoria e Parë | 19 | 11 | 6 | 2 | 0 | 0 | 1 | 0 | 26 | 13 |
2018–19 | Kategoria Superiore | 13 | 4 | 4 | 2 | — | — | 17 | 6 | |||
Gjithsej | 32 | 15 | 10 | 4 | 0 | 0 | 1 | 0 | 43 | 19 | ||
Gjithsej karriera | 87 | 20 | 10 | 4 | 4 | 1 | 1 | 0 | 102 | 25 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.