Meritxell Borràs
From Wikipedia, the free encyclopedia
Meritxell Borràs i Solé (r. cuoŋománu 12. b. 1964) lea katalonialaš politihkkár. Son lei Katalonia guovlluhálddahusa hálddahus- ja visteministtarin Carles Puigdemont jođihuvvon ráđđehusas, mii ordnii 1.10.2017 álbmotjienasteami Katalonia iehčanasvuođa birra. Espánnja stevdnii buot Katalonia ráđđehusa ministarat stuimmis[1][2], mas sáhttá dubmet Espánjja lága mielde juoba 30 jahkái giddagassii[3][4]. Stevdnega čuovvumuššan vihtta ministara (Carles Puigdemont, Antoni Comín, Lluís Puig, Meritxell Serret ja Clara Ponsatí) vulge riikkabáhtarussii Belgiai.[5][6] Maiddái Borràs, Dolors Bassa ja Joaquim Forn vulge álggos Belgiai, muhto máhcce maŋŋelaš Espánnjii rievtti ovdii.[7][8] Oktiibuot gávcci Espánnjas rievtti ovdii mannan ministara (Borràs, Bassa ja Forn lassin Oriol Junqueras, Jordi Turull, Raül Romeva, Josep Rull ja Carles Mundó) mearriduvvojedje dutkanfáŋgavuhtii 2.11.2017.[9] Juo ovdalaččas dutkanfáŋgavuhtii leigga mearriduvvon guovtti riikkavulošorganisašuvnna ságadoallit Jordi Sànchez ja Jordi Cuixart, geat leigga lágidan miellačájehusaid álbmotjienasteami ordnema beales.[10]
Meritxell Borràs | |
---|---|
Riegádan | cuoŋománu 12. beaivvi 1964:s(1964-04-12) (58) |
Riikkavulošvuohta | |
Bargu | |
Ámmát | politihkkár ja apotehkar |
Giella | katalánagiella ja spánskagiella |
Bearaš | |
Váhnemat | Jacint Borràs i Manuel |
Meritxell Borràs Wikimedia Commonsas |