![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e6/Retrat_oficial_de_la_Consellera_de_Treball%252C_Afers_Socials_i_Fam%25C3%25ADlies%252C_Dolors_Bassa_%2528cropped%2529.jpg/640px-Retrat_oficial_de_la_Consellera_de_Treball%252C_Afers_Socials_i_Fam%25C3%25ADlies%252C_Dolors_Bassa_%2528cropped%2529.jpg&w=640&q=50)
Dolors Bassa
From Wikipedia, the free encyclopedia
Dolors Bassa i Coll (r. 1959) lea katalonialaš politihkkár. Son lei Katalonia guovlluhálddahusa bargo-, sosiála- ja bearašministtarin Carles Puigdemont jođihuvvon ráđđehusas, mii ordnii 1.10.2017 álbmotjienasteami Katalonia iehčanasvuođa birra. Espánnja stevdnii buot Katalonia ráđđehusa ministarat stuimmis[2][3], mas sáhttá dubmet Espánjja lága mielde juoba 30 jahkái giddagassii[4][5]. Stevdnega čuovvumuššan vihtta ministara (Carles Puigdemont, Antoni Comín, Lluís Puig, Meritxell Serret ja Clara Ponsatí) vulge riikkabáhtarussii Belgiai.[6][7] Maiddái Bassa, Meritxell Borràs ja Joaquim Forn vulge álggos Belgiai, muhto máhcce maŋŋelaš Espánnjii rievtti ovdii.[8][9] Oktiibuot gávcci Espánnjas rievtti ovdii mannan ministara (Bassa, Borràs ja Forn lassin Oriol Junqueras, Jordi Turull, Raül Romeva, Josep Rull ja Carles Mundó) mearriduvvojedje dutkanfáŋgavuhtii 2.11.2017.[10] Juo ovdalaččas dutkanfáŋgavuhtii leigga mearriduvvon guovtti riikkavulošorganisašuvnna ságadoallit Jordi Sànchez ja Jordi Cuixart, geat leigga lágidan miellačájehusaid álbmotjienasteami ordnema beales.[11]
Dolors Bassa | |
---|---|
Dolors Bassa i Coll | |
![]() | |
Riegádan | guovvamánu 2. beaivvi 1959:s(1959-02-02) (63) |
Riikkavulošvuohta | |
Bargu | |
Ámmát | politihkkár, fagforeningsaktivist (nb) ![]() ![]() |
Giella | katalánagiella ja spánskagiella |
Bálkkašumit | Montgrí's Medal (en) ![]() |
Bearaš | |
Mánát | Josep Surroca Bassa |
![]() Wikimedia Commonsas |