وچ اولھ يورپ جو ملڪ From Wikipedia, the free encyclopedia
جرمني (Germany)، سرڪاري نالو فيڊرل ريپبلڪ آف جرمني يا وفاقي جمهوريه جرمني، يورپ کنڊ ۾ ھڪ ملڪ آھي.(جرمن: Bundesrepublik Deutschland )[2] ھي وچ اولھ يورپ جي وفاقي پارلياماني جمھوريت وارو ملڪ آهي. ان جي وفاق ۾ 16 آئيني رياستون شامل آھن. ان جي پکيڙ 3,57,022 چورس ڪلوميٽر (1,37,847 چورس ميل) آھي, جنھن ۾ 3,48,672 چورس ڪلوميٽر خشڪي ۽ 8,350 چورس ڪلوميٽر پاڻي آھي. ان جي ساحلي سرحد 2,389 ڪلوميٽر آهي. روس کانپوءِ آبادي ۾ ھي يورپ جو ٻيون وڏو ملڪ آهي. ھن جي آبادي جولاءِ 2017ع ۾ 8,05,94,017 ھئي. ھن جو وڏي ۾ وڏو شهر ء گاديءَ جو هنڌ برلن آهي.
جرمني | |
Federal Republic of Germany | |
Bundesrepublik Deutschland | |
![]() |
![]() |
جرمن صدر: | فرينڪ-والٽر |
جرمن چانسلر: | انجيلا مرڪل |
دارالحڪومت: | برلن |
محل وقوع: | 357,021 km² |
آبادی: | 82,800,000 (2016ع) |
سرڪاري ٻولي: | جرمن[1] |
ڪرنسي: | يورو |
قومي ترانو: | |
![]() | |
ھن جي موسم زياده تر ٽيمپريٽ يا معتدل يا گھٽ گرميءَ واري آھي. ھن جو سڀ کان وڏو ڳتيل آباديءَ وارو علائقو رھر (Ruhr) آهي جتان جا مرڪزي شهر ڊارٽمنڊ ۽ آئسن آھن. جرمني يورپي يونين جو سڀ کان وڏو آبادي وارو ملڪ آهي. ان جا ٻيا وڏا شھر ھئمبرگ(شھر)، ميونخ، ڪولون ، فرينڪفرٽ، اسٽٽگارٽ، ڊزلڊورف، ليپزگ، بريمن، ڊريسڊن، ھنور ۽ نورمبرگ آھن.
جرمني انگريزي ٻوليءَ جو لفظ آهي جيڪو لاطيني لفظ جرمنيا مان نڪتل آهي.اھو نالو درياء رائن جي اوڀر واري علائقي ۾ هندڙ ماڻهن کي جوليس سيزر ڏنو ھو.[3]
1907 ۾ مئوئر ڪميونٽي پاران واري جي کوٽائي مان ملندڙ انساني کاڏي جي ھڏي مان خبر پئي ته جرمني ۾ ڇھ لک سال اڳ قديم انسان موجود ھيا.[4] دنيا جو قديم ترين ثابت شڪار جو ھٿيار 380000 سال پراڻو ڪاٺيء جو ڀالو آھي جيڪو اسڪوننگن (Schöningen) شھر جي ڪوئلي جي کاڻ مان دريافت ٿيو.[5]موجوده انسان کان مختلف پھريون انساني فاسل جرمنيء جي نيئندرتال ماٿري مان دريافت ٿيو. انسان جي ھن نئين جنس کيس نيئندرٿال نالو ڏنو ويو. نيئندرٿال جا اھي فوسل 40000 ھزار سال پراڻا آهن.
خيال ڪيو ٿو وڃي ته جرمن قبيلا نارڊڪ برانز دؤر جا پري-رومن آئرن دؤر جي وقت جا آهن. پھرين صدي قبل مسيح ۾ اھي ڏکڻ اسڪينڊينيويا ۽ اتر جرمنيءَ کان ڏکڻ ۽ اولھ-اوپر طرف ڦھليا ۽ وڃي گال جي ڪيلٽڪ قبيلن ۽ وچ يورپ ۽ اوڀر يورپ جي ايراني، بالٽڪ ۽ سليوڪ قبيلن سان رليا.[6]آگسٽسجي دؤر ۾ روم جرمنيا تي حملا ڪرڻ شروع ڪيا. سن 9 عيسوي ۾ جنرل ورووس جي ڪمان ۾ ٽن رومي لئجن چروشي (Cherusci) قبيلي جي سردار آرمينئس کان شڪست کاڌي.سن 100 عيسوي ۾ جڏهن رومي مؤرخ ٽيسيٽس ڪتاب جرمنيا لکيو، جرمن قبيلا رائن ۽ ڊينيوب ندين جي ٻنھي پاسن تي آباد ٿي چڪا هئا.ٽين صدي عيسويءَ ۾ جرمن قبيلن جو وڏو تعداد ظاھر ٿي چڪو ھو جن ۾ الميني، فرئنڪ، چئٽي، سئڪسن، فريشياء (Frisii)، سئڪيمبري (Sicambri) ۽ ٿيورئنجي (Thuringi) قبيلا شامل ھئا. سن 260 عيسويءَ ۾ جرمن قبيلائي ماڻھو رومي تسلط وارن علائقن ۾ گھري پيا.[7][8][9][10][11]
ميروونجين دؤر جي وڏن علائقن جيڪي آسٽريشيا، نيوسٽريا ۽ ايڪوٽئن جي نالن سان مشهور ھئا اھي فرينڪ قبيلي جي ماڻهن فتح ڪيا جن فرينڪش بادشاھت قائم ڪئي، ۽ اوڀر طرف پري تائين وڌي سئڪسني ۽ بويريا جي علائقن تائين غلبو حاصل ڪيو. ھاڻوڪي جرمنيءَ جي اوڀر واري علائقي کي سوربس، ويليٽي ۽ اوبوٽرائٽ ڪنفيڊريشن جي اولھ وارن سليوڪ قبيلن جي ماڻهن آباد ڪيو..[8]
جرمنيءَ ۾ سورنھن آئيني رياستون آھن.
1. بيڊن ورٽمبرگ (Baden-Württemberg)--
2.بويريا (Bavaria)--
3.برلن (Berlin)--
4.برانڊن برگ (Brandenburg)__
5. بريمن (Bremen)--
6. ھيمبرگ (Hamburg )--
7. ھيسن (Hesse)
8. لوئر سئڪسني (Lower Saxony)
9. ميڪلن برگ فرو پامرن (Mecklenburg-Vorpommern)
10.نارٿ رائن وستڦيليا(North Rhine
Westphalia)
11. رائن لينڊ پئليٽينيٽ (Rhineland Palatinate)
12. سارلنڊ (Saarland)
13.سئڪسني (Saxony)
14. سئڪسني اينھالٽ (Saxony-Anhalt)
15. شليس وگ ھوليسٽن (Schleswig-Holstein)
16. ٿرينجيا (Thuringia)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.