linguista, chircadore e acadèmicu sardu From Wikipedia, the free encyclopedia
Michel Contini (Casteddu, 1937)[1] est unu linguista, chircadore e acadèmicu sardu.
campidanesu · logudoresu · nugoresu
Michel Contini | |
---|---|
Àteros nùmenes | Micheli Còntini Michele Contini |
Nàschida | 1937 Casteddu |
Natzionalidade | sarda |
Tzitadinàntzia | italiana, frantzesa |
Alma mater | Universidade de Grenoble |
Traballu | linguista, chircadore e acadèmicu |
Positzione de traballu | professore ordinàriu de geolinguìstica e de fonètica, diretore de su tzentru de dialetologia e de su progetu de s'Atlante Linguìsticu Romanzu |
Interessos printzipales | linguìstica sarda e geolinguìstica |
Istitutziones de traballu |
|
Campu(os) | geografia fonètica, fonètica istrumentale, fonètica de sa limba sarda, geolinguìstica |
Contributos de importu | prima anàlisi fonètica manna de sa limba sarda |
Nàschidu in Casteddu, at fatu sas iscolas elementares in Aristanis, sas mèdias in Casteddu, e at pigadu sa maturidade iscientìfica in Tàtari.[2]
Dae su 1958 at incumintzadu a istare in Grenoble, in Frantza, in ue in su 1964 s'est laureadu in Limbas, e in su 1965 at pigadu sa tzitadinàntzia frantzesa.
A pustis de sa làurea at incumintzadu a publicare sos primos istùdios in subra de sa limba sarda, durante su perìodu de dotoradu suo. Su primu, publicadu pro su dotoradu de tres tziclos, fiat un'istùdiu fonèticu e fonològicu de su dialetu de Nughedu Santu Nigola, e a pustis at fatu medas àteras chircas durante sos tres annos de traballu (1967-1970) comente chircadore in su C.N.R.S. (su Tzentru natzionale de chirca iscientìfica frantzesu), istudiende paris a su sardu fintzas su frantzesu e s'italianu.
Pro chi pertocat a su sardu, sos istùdios suos sunt arribadas a analizare sas variantes de 214 biddas sardas, e gràtzias a custu traballu at otènnidu su Dotoradu de Istadu (Istrasburgu, 1983) cun sa tesi Etude de geographie phonetique et de phonetique instrumentale du sarde, publicada in su 1987 cun s'editore Edizioni dell'Orso.[3]
A pustis, est divènnidu professore ordinàriu de Geolinguìstica e de Fonètica e Diretore de su Tzentru de dialetologia de s'Universidade Stendhal de Grenoble, e fintzas diretore de su progetu europeu de s'Atlante Linguìsticu Romanzu de s'Istitutu Poligràficu e Zeca de s'Istadu de Roma, progetu collaborativu de 85 universidades e de 31 chircadores de totu sos istados de limba romanza.
In su 2006 at fatu parte de sa commissione pro sa creatzione de sa Limba Sarda Comuna, paris a Giulio Angioni, Roberto Bolognesi, Manlio Brigaglia, Diegu Corràine, Giovanni Lupinu, Anna Oppo, Giulio Paulis, Maria Teresa Pinna Catte e Mario Puddu, e dae tando s'est semper dichiaradu in favore de s'impreu suo, cunsiderende s'impreu de una norma ùnica che a una cosa netzessària.[4][5] In su 2011 at incumintzadu a traballare in s'ALiMuS, Atlante Linguìsticu Multimediale de sa Sardigna,[6][4] traballu chi però s'est firmadu in su 2014.[7]
A pustis de su pensionamentu suo, at sighidu a traballare a su Atlas Linguistique Roman (ALIR) e a su Atlas Linguarum Europae (ALE) de s'UNESCO.[4]
Sa lista de publicatziones de Michel Contini est manna meda, ma custa est una lista partziale de unas cantas de cussas:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.