Amèrica/campidanesu

S'Amèrica est unu continenti, chi est s'unioni de s'Amèrica setentrionali e de s'Amèrica meridionali.

Amèrica
Stadus
Superfitzie	42,075,000 km²
Bividoris	1,001,559,000[1] (2016)
Densidadi	23 ab./km²
Fusus orarius	de UTC-10 a UTC+0
Nomini bividoris	americanos
Positzioni de s'America in su mundu

Is Amèricas.

Trèmini

Po nai "Amèrica" a bortas nant "Mundu Nou" o "Continenti Nou", faci a su "Mundu Bèciu" o "Continenti Bèciu" comenti nant s'Europa, logu de aundi is scoberridoris ndi lompiant. Medas bortas si narat "Amèrica" po nai siat s'Amèrica setentrionali siat s'Amèrica meridionali, ma medas bortas puru si narat "America" (in totus is lìmbas, s'inglesu puru) po inditai is Stadus Unius sceti.

Etimologia

Articulu in campidanesu

Segundu sa teoria chi s'est spartzinada in is sèculus, su nòmini de s'Amèrica iat a bènniri de s'esploradori de Firenze Amerigo Vespucci: ponendu in fatu a custa teoria, unu cartògrafu tedescu, Martin Waldseemüller, iat postu in conca s'idea de mutiri su mundu nou de aici, impreendu su gèneri feminili (Amèrica) de su nòmini suu latinizau (Americus Vespucius), po inditai su continenti nou in una mapa de su mundu disenniada in su 1507, chi s'agatat in sa Cosmographiae Introductio. Esistit perou peri un'àtera versioni, chi ponit su scioberu de su nòmini in unu tempus innantis chi Vespucci arribbessit a su continenti nou. Giovanni Caboto, sigomenti iat cumprèndiu ca Cristoforo Colombo no fut lòmpiu a s'Orienti Estremu, a pustis de essi propostu po nudda a Ferdinando II e Isabella de Castiglia de ddi donai unu viàgiu esplorativu bie una rotta prus settentrionali, s'est trasferiu in su 1496 in Inghilterra, po cumbinci su rei Erricu VII a sustenni su progetu suu. Su rei, ca iat giai perdiu s'occasioni de tenni Cristoforo Colombo a serviziu po issu, iat coidau a cuncediri s'autorizzazioni a Giovanni Caboto e iat achistìu su suu progetu de viaggiu cun litteras patentis de su 5 de martzu de su 1496. In su portu de Bristol Si fudi ordingiada una spedizioni de cincu navis, armadas cun su dinai de Caboto, ma cun su finanziamentu prus che atru a carrigu de s'erriccu mercanti gallesu Richard Ameryk, peri chi, po arrexonis ancora de cumprendiri, su 2 de mau de su 1497 ddest sarpàda una e bia , su Matthew, navíu de cinquanta tonnelladas cun ddunu equipaggiu de dexottu ominis: su 24 de lampadas de su 1497 est approdau in s'isula de Cabudu Bretoni e at toccau sa Noa Scozia, appubandu s'isula de Terranova, e, creendu de essi toccau s'estremidadi Nord Orientali de s'Asia, indd'at pigau possessu po nomini de Erricu VII. Caboto, disignandu sa mappa costas nordamericanas, casi seguramenti po sa primu borta iat donau a cussas terras su nomini de America, in onori de su Richard Ameryk ca fudi su principali finanziadori de su viaggiu suu, avvenniu duus annus primu de sa spedizioni de Amerigo Vespucci. resultat ca s'annuariu de Bristol de su 1497 apat registrau: ... sa dii de Santu Giuanni, sa terra de America beniat scoberta de is mercantis de Bristowe, a pissu de una navi nomenada Mathew …, comenti testificau de atrus documentus de cussu tempus pervennius fincias a oi^[2].

Storia

Scoberta de s'America

Is Americas fiant oficialmenti scobertas de su "Becciu Mundu" su 12 de su mes'e Ladamini de su 1492, cun su viaggiu de Cristoforo Colombo, unu navigadori imbiau de sa regina de sa Spagna, e de su XV séculu funti stetias logu de medas esplorazionis e sighentis colonizazionis. Si creit eppuru ca is primus europeus a lompi in su Mundu Nou fiant unus cantus de vichingus, ca iant a essi sbarcaus in s'isula de Terranova e forsis in is costas de su Canada bie su 1100. Specificatamenti su primu europeu a biri is Americas ca si sciit fiat su vichingu Bjarni Herjólfsson (nasciu in Islanda ma de originis norvegesas) ca in su 986 iat bittu is costas de Terranova e de su Labrador.

Geografia

Posizioni de s'America in sa Terra

Geografia fisica

S'America capit totu in s'emisferu occidentali e s'estendit po casi totu sa latitudini de custu emisferu. Est difatis barigada de s'equatori, de su tropicu de su Cancru e de su tropicu de su Capricornu. S'estendit a nord fincias a si fai barigai peri de su circulu polari articu, mentris a sud no lompit a su circulu polari antarticu.

S'America stremenat petti cun maris e oceanus: a nord de su Mari Glaciali Articu, a ovest e sud-ovest de s'Oceanu Pacificu, a est e sud-est de s'Oceanu Atlanticu, a sud de s'Oceanu Pacificu e de s'Oceanu Atlanticu. A sud, su meridianu ca transit po su Cabudu Horn (su puntu prus meridionali de s'America), cumpartit difatis (convenzionalmenti) s'Oceanu Pacificu de s'Oceanu Atlanticu.

In totu s'America tenit una superfizie de 42.549.000 km², unu pagu de mancu de sa de s'Asia de cali est scrobada de su strintu de Bering.

Geomorfologia

S'America est cumposta de duas mannas terras bessias a pillu mutìas "America de su Nord" e "America de su Sud" po comenti funti postas. Arrexonandu de i su tremini intre is duas Americas, is geografus funti casi totus de accordiu a cunsiderai s'America Centrali parti de s'America de su Nord. In particulari prus che atru si cunsiderat s'istmu de Darién comenti tremini. Cun prus precisioni su spartiacque de is fluminis Atrato (flunini de sa Colombia) e Tuiria (flumini de sa Repubblica de Panamà). Prus pagu bortas, comenti tremini intre is Americas, si cunsiderat su canali de Panamà (postu prus a nord-ovest).

S'America de su Nord capit in totu in s'emisferu boreali mentris s'America de su Sud capit casi totu in s'emisferu australi. Cunsiderandu s'America Centrali parti de s'America de su Nord, in particulari, de s'America de su Sud nofunti includius in s'emisferu australi: su Venezuela, sa Guyana, su Suriname, sa Guiana Francesa, una parti manna de sa Colombia e una parti pitica de s'Ecuador e de su Brasile.

Sempri cunsiderandu s'America Centrali parti de s'America de su Nord, s'America de su Sud tenit una superfizie de 17.840.000 km² mentris s'America de su Nord tenit una superfizie de 24.709.000 km² (tandu s'America de su Nord est prus manna de s'America de su Sud de prus o mancu su 38,5%).

Unu o duus continentis?

Is geografus no funti de accordiu po cunsiderai s'America del Nord e s'America del Sud duus continentis cumpartius (su continenti nordamericanu e su continenti sudamericanu). Is geografus ca no funti de accordiu cun custu, dda cunsiderant un unicu continenti e cunsiderant s'America de su Nord e s'America de su Sud duus subcontinentis (su subcontinenti nordamericanu e su subcontinenti sudamericanu). Segundu is geografus ca dda sustenint, custa posizioni scientifica est donada de sa continuidadi territoriali ca esistit itre s'America de su Nord e s'America de su Sud.

Macroregionis

Is principalis macroregionis de s'America funti (po posizioni geografica) s'Amèrica Setentrionale, s'Amèrica Tzentrale (Caràibes) e s'Amèrica Meridionale. Custas tres macroregionis, cunsideradas paris, rappresentant s'intreu territoriu de s'America. Peri s'Amèrica Latina est una de is principalis macroregionis de s'America. Custa perou si contraddistinghit po essi istetia meda influenziada de nazionis latinas comenti Frantza, Portugallu e Ispagna. In s'Amèrica Latina pigat parti casi totu s'America Meridionali, casi totu s'Amèrica Tzentrale e su Mèssicu.

Biogeografia

Is primus esseris biventis

Is parassitologus de Rio de Janeiro funti ciccandu dedonai s'axudu insoru a sa scoberta de is bias de migrazioni preistoricas, crarusighias peri de is esseris umanus. pon'esempiu funti istetius agataus parassitus intestinalis de is esseris umanus de chini su ciclu vitali no s'iat a essi possiu arreguai passandu in is frittas regionis articas; tandu is specialistas ant ipotizzatu ca a su mancu 7000 annus calincunu populu iat a podiri essiri sceberau un'atru camminu po si trasferiri in su continenti americanu. Tandu in prus a cudda artica si podint acciungi comenti possibilis logus de passaggiu sa sub-artica e sa transoceanica (polinesiana).^[3]

Populazioni

Populazioni originaria

Is primus bividoris de is Amèricas funti istetius casi totus sperdius de is colonizzadoris europeus. Intre is prus nomenaus nci furinti is ca ddi narant "populazionis precolombianas" (is prus nomenadas "Inca", "Maya" e "Atzecus"), tzerriaus de is europeus "indios" e is "indianus de Amèrica" ca biviànt in is ca oi funti is Stadus Unius e in su Canada, e ca funti istetius sperdius e inserraus in is tancas de is pionieris europeus.

Populazioni oi

Composizioni etnica de s'Amèrica

Sa populazioni americana est cumposta de 806.609.000 bividoris e una densidadi media de 19,1 ab/km², descendentis de tres grandus grupus etnicus, e fincias s'amescuru intr'e issus e totu: amerindius e esquimalis (ca formànta is abitantis autoctonus de s'Amèrica); europeus (de origini spagnola, portughesa, britannica, francesa, Itàlianu, tedesca, olandesa, danesa e slava, custus in totu fainti prus o mancu 572,9 milionis de personas, est a nai unu 63,5% de sa populazioni americana) e africanus subsaharianus descendentis de iscraus. Ddue funti peri descendentis de atrus inmigrantis, prus recentis, a pitzu de totu asiaticus, tanti de su Mediu tanti de s'Estremu Orienti. Mentris in mesura prus manna o prus pitica totus is paisus de su continenti tenint ascendenzia europea, custa est predominanti in paisus comenti Argentina, Brasili, Canada, Costa Rica, Istados Unidos, Cile e Uruguay. In calincunu de custus paisus, de chini is abitantis fenotípicamente tenint trattus europeus predominantis]], s'est bittu cun provas geneticas ca tenint percentualis piticas de sambini amerindiu e africanu.^[4][5][6] Is problemas de arraccia in Amèrica funti calandu in su cursu de sa storia, specialmenti in forma legali, e ca sa sclavitudiniest istetia totu abolia in totus is paisus. Eppuru, esistint recusas po is minorìas de origini amerindia, africanus o asiaticus in diversus paisus de populazionis predominantementi biancas.

Is paisus auba sa percentuali de amerindius est sa parti prus manna de sa populazioni funti Guatemala, Bolivia, Mèssicu e Perù. Sa cumponenti indígena est meda significativa peri in Ecuador, El Salvador, Nicaragua, Honduras, Panama, Colombia, Venezuela e Paraguay.

Carateristicas de sa populazioni

Sa populazioni in Amèrica bariat segundu is condizionis de sa vida. Sa parti prus manna de is abitantis de s'Amèrica Latina funti giovunus intr'e is 15 e is 24 annus de etadi, e sa sperantzia de vida bariat intr'e is 60 e is 80 annus de etadi. In prus, prus de sa metadi de la populazioni in grandu parti de is paisus est rurali. Argentina, Cuba, Cile e Uruguay funti is paisus de s'Amèrica Latina cun dduna struttura demografica relativamenti imbecciàda, difatis sa populazioni de 60 annus o prus est oguali o superiori a su 13%. In paisus comenti Guatemala, Haiti, El Salvador, Honduras, Nicaragua, Panama, Paraguay e República Dominicana, esistit una populazioni giovana prus mannas, funti de prus is giovunus intr'e is 15 e is 25 annus de etadi, invecis de sa Bolivia ca est un paisu ca est imbecciandu, ma peri cun dduna populazioni giovana. Po urtimu, in Brasili, Colombia, Ecuador, Costa Rica, Mèssicu, Perú, Puerto Rico e Venezuela, peri sa parti manna de is abitantis insoru funti giovunus, peri si in is urtimus annus in Brasili, Colombia, Costa Rica, Mèssicu e Puerto Rico ddu at unu progressivu imbecciamentu de sa populazioni relazionau a sa diminuzioni de sa fecundidadi.Su propriu in Guadalupe, Guayana Francesa e Martinica (Francia) e in paisus no latinus comenti Bahamas, Belize, Guyana, Jamaica, Suriname, is Antillas Piticas, Trinidad e Tobago, includendu is dependenzias europeas comenti is Antillas Olandesas, Aruba, etc.. In is Stadus Unius e Canada sa parti manna de is suus abitantis est adulta, bincendu sa populazioni giovana, assimbillandusì a su processu ca ddu est in Europa.

Tzidadis prus mannas

Is 10 Tzidadis prus mannas de s'America funti elencadas in segus. Sa definitzioni offissiali de tzidadi est donada de su cuncetu de cittadi bera e propria, est a nai su territoriu a intru de is treminis de sa tzidadis, e tandu no po area urbana o area metropolitana.

Positzioni	Tzidadis	Paisu	Populatzioni	Annu
1	Sao Paulo	Brasile	11.316.149[7]	2011
2	Tzidadi de su Messicu	Mèssicu	8.851.080[8]	2010
3	New York City	Stadus Unius	8.175.133[9]	2010
4	Lima	Perù	7.605.742[10]	2007
5	Bogotá	Colombia	7.467.804[11]	2011
6	Rio de Janeiro	Brasile	6.355.949[12]	2011
7	Santiago	Cile	5.040.028[13]	2010
8	Los Angeles	Istados Unidos	3.792.621[9]	2010
9	Buenos Aires	Argentina	2.891.082[14]	2010
10	Chicago	Stadus Unius	2.695.598[9]	2010

Is 10 cittadis prus mannas (cittadi bera e propria) in America Sao Paulo Sao Paulo New York City Lima Bogotá Rio de Janeiro Santiago Los Angeles Buenos Aires Buenos Aires Chicago

Geografia politica

Mappa politica (in lìngua inglesa) de s'America

Su Nordamerica e su Sudamerica contant in totu 35 stadus indipendentis (22 in Nordamerica e 13 in Sudamerica) e calincunu territoriu mesu-indipendenti.

America Settentrionali

Paisu	Capitali
Bermuda (Regnu Uniu)	Hamilton
Canada	Ottawa
Groenlandia (Danimarca)	Nuuk
Mèssicu	Cittadi de su Messicu
Saint-Pierre e Miquelon (Francia)	Saint-Pierre
Stadus Unius	Washington

America Centrali

Paisu	Area (km²)	Popolazioni (1u de argiolas de su 2007)	Densidadi (po km²)	Capitali
Belize	22.966	256.062	11	Belmopan
Costa Rica	51.100	4.325.838	85	San José
El Salvador	21.040	6.948.073	330	San Salvador
Guatemala	108.890	12.974.361	119	Citadi de Guatemala
Honduras	112.090	6.406.052	57	Tegucigalpa
Nicaragua	129.494	5.603.000	42	Managua
Panamá	78.200	3.231.000	43	Panamá

Antillas

Paisu	Area (km²)	Popolazioni (1u de argiolas de su 2007)	Densidadi (po km²)	Capitali
Antigua e Barbuda	442	69.108	152	Saint John's
Curaçao (Paisus Bascius)				Willemstad
Aruba (Paisus Bascius)	193	102.695	532	Oranjestad
Sint Maarten (Paisus Bascius)				Philipsburg
Bahamas	13.940	297.852	21,2	Nassau
Barbados	430	276.607	642	Bridgetown
Isulas Cayman (Regnu Uniu)	260	44.270	139	George Town
Cuba	110.861	11.184.023	110,9	S'Avana
Dominica	754	72.386	91	Roseau
Repubblica Dominicana	48.730	9.183.984	173,2	Santo Domingo
Grenada	350	105.000	259,5	Saint George's
Guadalupa (Francia)	1.628	420.000	258	Basse-Terre
Haiti	27.750	8.527.817	271	Port-au-Prince
Giamaica	11.425	2.598.000	245	Kingston
Martinica (Francia)	1.128	401.000	339	Fort-de-France
Montserrat (Regnu Uniu)	102	4.798	47	Plymouth (capitali de facto: Brades)
Porto Rico (Stadus Unius)	9.104	3.994.259	438	San Juan
Saint-Barthélemy (Francia)	25	6.852	274	Gustavia
Saint Kitts e Nevis	261	38.756	148,5	Basseterre
Santa Lucia	620	160.145	260	Castries
Saint-Martin (Francia)	53,20	31.397	590	Marigot
Saint Vincent e Grenadine	389	116.812	300	Kingstown
Trinidad e Tobago	5.128	1.300.000	215	Port of Spain
Turks e Caicos (Rennu Auniadu)	497	26.023	60	Cockburn Town
Isulas Virginis americanas (Stadus Unius)	352	124.778	254	Charlotte Amalie
Isulas Virginis britannicas (Regnu Uniu)	153	21.730	142	Road Town

America Meridionali

Paisu	Area (km²)	Popolazioni (1u de argiolas de su 2007)	Densidadi (po km²)	Capitali
Argentina	2.766.890	39.921.833	14,3	Buenos Aires
Bolivia	1.098.580	8.857.870	8,1	Sucre
Brasile	8.514.877	192.000.000	22	Brasilia
Cile	756.950	16.358.565	21,1	Santiago (Cile)
Colombia	1.138.910	44.831.434	39,4	Bogotá
Ecuador	283.560	13.363.593	47,1	Quito
Isulas Falkland (Regnu Uniu)	12.173	2.967	0,24	Port Stanley
Georgia de su Sud e isulas Sandwich meridionalis (Regnu Uniu)	4.190	200	0,04	Grytviken
Guyana	214.970	765.283	3,6	Georgetown
Guyana francesa (Francia)	86.504	190.842	2	Cayenne
Paraguay	406.750	6.347.884	15,6	Asunción
Perù	1.285.220	27.925.628	21,7	Lima
Suriname	163.270	433.998	2,7	Paramaribo
Uruguay	176.220	3.415.920	19,4	Montevideo
Venezuela	912.050	25.375.281	27,8	Caracas

Lìnguas

Lìnguas prus allegadas e prus importantis in Amèrica (mappa in lìngua spagnola).

Su numeru in totu de is lìnguas de sAmèrica bincit de meda 500, intr'e lìnguas e dialetus. Is principalis lìnguas funti is correspundentis a is ca funti istetius postus de is colonizadoris europeus, sighius de is lìnguas de is principalis culturas amerindias.

• Su spagnolu est allegau de prus de 377 milionis de personas, principalmenti in Mèssicu, Centroamèrica e Sudamèrica. Esistint peri importantis comunidadis ispanofonas in is Stadus Unius, Brasili e calincuna isula de is Caraibis.
• Su inglesu est allegau de unu 325 milionis de personas. Est sa lìngua prus allegadas in is Stadus Unius e est offitziali in Canada, Belize, Guyana, is Isulas Malvinas o Falkland e calincunu territoriu de is antillas. In Puerto Rico est presenti comenti segunda lìngua offitziali.
• Su francesu est allegau in varias isulas de is Caraibis (comenti Haití, Guadalupe e Martinica, intr'e atras) e est offitziali in Canada (comenti peri in sa provincia de su Quebec) e in sa Guayana Francesa.
• Su portoghesu est sa lìngua offitziali de su Brasili, cun ddunu totali de prus de 185 milionis de fueddadoris.
• Su quechua est sa lìngua nativa prus allegada, cun prus de 12 milionis de personas. Est offitziali in Bolivia e in su Perú, in is zonas auba custa lìngua predominat.^[15] Su propriu ddu allegat una considerabili minoría in Ecuador, su sud de sa Colombia, totu su nord de s'Argentina e su nord de su Cile.^[16][17]
• Paris a su quechua, su aimara est peri offitziali in Bolivia, mentris in su Perú auba prevalit e bia.^[18] Aicci e totu, s'aimara est sa primu lìngua de unu 18% de sa populazioni de sa Bolivia, e est sa lìngua principali amerindio del sud peruvianu e su nord cilenu. Nci funti peri fueddantis de custa lìngua in su nord de s'Argentina.^[16][19]
• Su creolu est una lìngua basada principalmenti in su francesu, ca si chistionat in Haití.
• Su guaraní est allegau de prus de 6 milionis de personas, principalmenti in su Paraguay, auba est lìngua offitziali.
• Diversas lìnguas nativas funti allegadas in sa zona de su centruamerica, comenti su náhuatl (allegau de 1,5 milionis de personas in Mèssicu), su quiché (allegau de 1,4 milionis de personas in Guatemala e Mèssicu), is lìnguas mayenses (totus paris allegadas de 5 milionis de personas in Mèssicu e Centruamèrica), su zapotecu (allegau in Oaxaca de unu 800 milla personas, a pitzu de totu s'Istmo de Tehuantepec, includiu medas de cussas de origini europea e araba) e su mixteco (allegau in Oaxaca e in su Guerrero de prus de 500 milla personas), intr'e atras.
• Su olandesu est allegau in is isulas de Aruba, Bonaire, Curazao, Sint Maarten, San Eustaquio e Saba, aicci comenti in sa República de Suriname.
• In su territoriu de sa Groenlandia est offitziali su groenlandesu.

Calincuna atra lìngua tenit una importantzia demográfica chenza chi siat offitziali, intr'e cussas:

• Su mapudungunu est sa lìngua nativa allegada de prus o mancu 440 milla mapuches in su Cile e s'Argentina.
• Su wayúu o guajiru est una lìngua indígena allegada de prus de 400 milla personas in sa Colombia e su Venezuela.
• Su papiamentu est una lìngua criolla allegada in is isulas de Aruba, Bonaire e Curazao.
• Diversas lìnguas, comenti su tedescu e sa lìngua italiana, funti peri allegadas de is immigrantis ca furinti lompius in s'Amèrica a s'acabu de su seculu XIX e in su seculu XX. Su tedescu est allegada prus che atru in sa Regioni Sud de su Brasili, sud de su Cile e in calincuna regioni de Argentina, Perú, Paraguay, Mèssicu e Venezuela, intr'e atras. Su basciu tedescu est allegau in su Paraguay, Mèssicu, Stadus Unius, Canada, Belize e Bolivia. S'italianu est allegau in Stadus Unius, Canada, Argentina, Brasili, Perú, Cile, Uruguay, Venezuela e Mèssicu.
• Su vènetu est allegau prus che atru in Mèssicu e Brasili.
• Su portughesu est allegau in Venezuela de sa manna colonia portughesa distribuia in totu su Paisu (su Venezuela ponit paris sa terza colonia portughesa prus manna de su mundu). Su propriu est allegau in is fronteras de is paisus ca stremenant cun su Brasili. S'amescuru de is lìnguas spagnolas e portughesas donant logu a sa bariedadi mutìa Portuñol.
• Su giapponesu est allegau, in gradu prus mannu, in is Istadus Unius, in su Brasili e in su Perú, ca funti is paisus auba bivit sa prus cantidadi de immigrantis gapponesus, peri chi su propriu dd'allegant in is paisus cun piticas colonias giapponesas.
• Su cinesu est allegau, principalmenti, in su Perú, Stadus Unius e Canada (ca funti is paisus cun prus cantidadi de immigrantis) e, unu pagu de mancu, in atrus paisus de su continenti.
• Su gallesu est allegau in sa provincia de sa patagonia argentina de Chubut.
• Su croatu est allegau in Cile de sa manna comunidadi de immigrantis ca bivint in is regionis de Antofagasta e Magallanes.
• Sa lìngua ausiliaria esperanto est allegada de unu 300 milla personas in paisus de totu su continenti, cun concentratzionis notabilis in Brasili, Argentina, Cile, Costa Rica, Mèssicu, Uruguay, Paraguay, Venezuela, Colombia, Stadus Unius, Canada e Cuba.

Billetu de unu dollaru stadunidensi (impreau in is Stadus Unius e atrus Paisus de s'Amèrica).

File:Billete $200 Mexico Tipo F Anverso.jpg

Billetu de duxentus pesos messicanus.

File:C$50 Cordobas.jpg

Billetu de cincuanta córdobas nicaraguensas.

Billetu de duxentus cincuanta gourdes haitianus.

Dinai

• Anguilla, Antigua e Barbuda, Dominica, Granada, Montserrat, Saint Kitts e Nevis, Saint Vincent e Grenadine, e Santa Lucía - Dollaru de is Caraibis orientalis (EC$; XCD)
• Antillas Olandesas - Fiorinu antillanu olandesu
• Argentina - Peso argentinu ($; ARS)
• Aruba - Fiorinu de Aruba (AWG)
• Bahamas - Dollaru de is Bahamas (B$; BSD)
• Barbados - Dollaru de is Barbados (Bds$; BBD)
• Belize - Dollaru de su belize (Bz$; BZD)
• Bermudas - Dollaru de is bermudas (BD$, BM$; BMD)
• Bolivia - Bolivianu (Bs.; BOB)
• Brasili - Real de su Brasili (R$; BRL)
• Canada - Dollaru canadesu (C$; CAD)
• Cile - Peso cilenu ($; CLP)
• Colombia - Peso colombianu ($, COL$; COP)
• Costa Rica - Colón costaricanu (₡; CRC)
• Cuba - Peso cubanu (CUP), Peso cubanu convertibili (CUC)
• República Dominicana - Peso oru dominicanu ($, RD$; DOP)
• Ecuador, El Salvador, Stadus Unius, Turks e Caicos, Isulas Vírginis Britannicas, Isulas Vírginis amèricanas, e Puerto Rico - Dollaru stadunidensi ($; USD)
• Groenlandia - Corona danesa (DKK)
• Guadalupe, Guayana Francesa, Martinica, Saint-Barthélemy, y San Martín - Euro (€; EUR)
• Guatemala - Quetzal (GTQ)
• Guyana - Dollaru guyanesu (GYD)
• Haití - Gourde haitianu (HTG)
• Honduras - Lempira (HNL)
• Isulas Cayman - Dollaru de is Isulas Cayman
• Georgia de su Sud e isulas Sandwich meridionalis, e Isulas Falkland - Libra malvinensa o Sterlina de is Falkland (£, FL£; FKP)
• Jamaica - Dollaru jamaicanu ($, J$, JA$; JMD)
• Mèssicu - Peso mèssicanu ($; MXN)
• Nicaragua - Córdoba nicaraguensa (C$; NIO)
• Panamá - Balboa panamensu (oficial) (PAB); Dollaru stadunidensi (cursu legali) ($; USD)
• Paraguay - Guaraní paraguayo (PYG)
• Perú - Nuevo sol (S/.; PEN)
• Saint-Pierre e Miquelon -
• Suriname - Dollaru surinamesu (SRD)
• Trinidad e Tobago - Dollaru trinitensu ($, TT$; TTD)
• Uruguay - Peso uruguaianu ($; UYU)
• Venezuela - Bolívar (Bs., Bs.F; VEF)

Notas

1. (EN) worldatlas.com
2. (IT)>> La domanda del giorno « ScienzaOggi
3. "Parassiti e migrazioni umane", de Fabrizio Bruschi, pubbl. in "Le Scienze (Scientific American)", num.484, dic.2008, pag.44
4. (EN) SOCIAL IDENTITY Marta Fierro Social Psychologist (DOC), in umng.edu.co. URL consultadu su 25 freàrgiu 2009 (archiviadu su 25 freàrgiu 2009).
5. massive immigration of European Argentina Uruguay Chile Brazil (PDF), in iidh.ed.cr. URL consultadu su 2 làmpadas 2020 (archiviadu dae s'url originale su 25 freàrgiu 2009).
6. Latinoamerica. (PDF), in revistas.ucm.es. URL consultadu su 2 làmpadas 2020 (archiviadu dae s'url originale su 18 martzu 2009).
7. (PT) url=http://www.ibge.gov.br/home/estatistica/populacao/censo2010/tabelas_pdf/total_populacao_sao_paulo.pdf
8. INEG 2010 Census Tables http://mapserver.inegi.org.mx/mgn2k/?s=geo&c=1223 Archiviadu su 25 nadale 2018 in s'Internet Archive.
9. (EN) Population and Housing Occupancy Status: 2010 - State -- Place more information 2010 Census Redistricting Data (Public Law 94-171) Summary File url=http://factfinder2.census.gov/faces/tableservices/jsf/pages/productview.xhtml?pid=DEC_10_PL_GCTPL2.ST13&prodType=table%7Cpublisher=U.S. U.S. Census Bureau
10. (ES) url=http://censos.inei.gob.pe/censos2007/Documentos/Primresult_CPV2007.pdf Archiviadu su 10 santugaine 2008 in s'Internet Archive. Instituto Nacional de Estadistica e Informatica (INEI)
11. (ES) url=http://www.sdp.gov.co/resources/estadistica/Bogota_en_Cifras_junio_13_V17.xls Archiviadu su 25 nadale 2018 in s'Internet Archive. Secretaría Distrital de Planeación
12. (PT) url=http://www.ibge.gov.br/home/estatistica/populacao/censo2010/tabelas_pdf/total_populacao_rio_de_janeiro.pdf Instituto Brasileiro de Geografia e Estatística
13. (ES) url=http://www.ine.cl/canales/chile_estadistico/demografia_y_vitales/proyecciones/DatProv/SalProvUsuarios-T13OK.xls Instituto Nacional de Estadística de Chile (INE)
14. (ES) url=http://www.censo2010.indec.gov.ar/preliminares/cuadro_caba.asp Archiviadu su 23 cabudanni 2015 in s'Internet Archive. INDEC
15. http://pdba.georgetown.edu/Constitutions/Peru/per93reforms05.html Funti lìnguas offitzialis su castiglianu e, in is logus auba predominant, comenti ddu funti su quechua, su aimara e is atras lìnguas originarias de su continenti, segundu sa ley
16. Chile profile, Ethnologue, retrieved October 10th, 2007
17. SIL International, in sil.org. URL consultadu su 2 làmpadas 2020 (archiviadu dae s'url originale su 19 làmpadas 2008).
18. In su Perú no ddu at una legislazioni ca ponit in practica sa offitzialidadi constituzionali de s'aimara, ne est in nisciuna manera impreada in s'amministrazioni de su Stadu, cun dduna eccezioni: is programas ruralis de "Educación Bilingüe Intercultural (EBI)
19. (Hardman 2000: p. 1)