Guadalupa

Guadalupa (in frantzesu e ufitzialmente Guadeloupe, in crèolu Gwadloup) est un'ìsula e un'artzipèlagu chi format una regione e dipartimentu ultramarinu (DROM) frantzesu. Posta a manu de sas Antillas Minores, intre su mare de sos Caràibes in s'ovest e s'otzèanu Atlànticu in s'estu, est istesiada dae sas ìsulas de Montserrat e Antigua, in su norte, pro mèdiu de su passu de Guadalupa, e de Dominica, in su sud, pro mèdiu de su passu de Dominica. Est cussideradu regione ultraperifèrica de s'Unione Europea. Su cabulogu est Basse-Terre, in s'ìsula omònima, si bene sa tzitade printzipale est Pointe-à-Pitre, in s'ìsula de Grande-Terre.

Artìculu in LSC

Istendarte

Bista dae su satèllite

Posidura in su mundu

Su nùmene Guadeloupe est sa versione frantzesa de s'ispagnolu Guadalupa, sende chi Columbu, cando fiat isbarcadu su 14 de santandria de su 1493, aiat numenadu s'ìsula Santa María de Guadalupa de Estremadura, in onore de su monastèriu omònimu in Estremadura.

S'artzipèlagu tirat a 1.628 km² e contat unos 400.736 bividores. S'ìsula de Guadalupa est formada dae duas partes, Basse-Terre e Grande-Terre, ischirriadas dae unu canale istrintu naradu la Rivière Salée, est a nàrrere, "su riu salidu", chi dat a s'ìsula una forma de mariposa. Basse-Terre, chi de fatu est sa prus arta, tenet unu rilevu aspru e vulcànicu, cun unu vulcanu ativu, sa Soufrière. In càmbiu, Grande-Terre, chi est sa prus minore, presentat montigros retundos (narados "mornes") e pranuras mannas. S'artzipèlagu de Guadeloupe incluet sas ìsulas a curtzu de La Désirade, Les Saintes e Marie-Galante.

Conca a norte, Saint-Barthélemy e sa parte frantzesa de s'ìsula de Saint Martin fiant inclùidas issas e totu in su dipartimentu de Guadalupa, ma su 7 de nadale de su 2003 custos duos territòrios ant detzìdidu peri referendum de di fàghere colletividades ultramarinas, istatutu chi est istadu adotadu ufitzialmente su 22 de freàrgiu de su 2007.

Àteros progetos